https://arm.sputniknews.ru/20260402/veradardzi-aknkaliqn-iratesakan-che-pashinjany-hapki-masin-100545760.html
Վերադարձի ակնկալիքն իրատեսական չէ. Փաշինյանը՝ ՀԱՊԿ–ի մասին
Վերադարձի ակնկալիքն իրատեսական չէ. Փաշինյանը՝ ՀԱՊԿ–ի մասին
Sputnik Արմենիա
ՀՀ վարչապետը նշեց, որ ՌԴ նախագահի հետ ՀԱՊԿ-ի մասով շարունակել են քննարկումները և եկել եզրակացության։ 02.04.2026, Sputnik Արմենիա
2026-04-02T14:07+0400
2026-04-02T14:07+0400
2026-04-02T14:10+0400
հայաստան և հապկ
ռուսաստան
վլադիմիր պուտին
նիկոլ փաշինյան
հավաքական անվտանգության պայմանագիր կազմակերպություն (հապկ)
https://cdn.am.sputniknews.ru/img/07ea/04/02/100539690_0:20:1500:864_1920x0_80_0_0_a9959c8ce9fd017fec5da3fd1e906fce.jpg
ԵՐԵՎԱՆ, 2 ապրիլի – Sputnik. ՀԱՊԿ–ի մասով անընդհատ հետ նայելու ռեժիմում չպետք է լինենք և վերադարձ դեպի այդ կառույց ակնկալելն իրատեսական չէ։ Այդ մասին ՀՀ կառավարության նիստից հետո` ճեպազրույցի ժամանակ հայտարարեց ՀՀ վարչապետ Նիկոլ Փաշինյանը` անդրադառնալով հարցին` արդյոք Մոսկվայում ՌԴ նախագահ Վլադիմիր Պուտինի հետ հանդիպմանն այլ քննարկումներ եղել են ՀԱՊԿ-ի մասով, և արդյոք հայկական կողմի մոտ կա՞ փոփոխություն ՀԱՊԿ–ին անդամակցելու կամ դուրս գալու մասով։Ռուսաստանի նախագահ Վլադիմիր Պուտինը ապրիլի 1-ին Կրեմլում Նիկոլ Փաշինյանի հետ հանդիպման ժամանակ հայտարարել է, որ ՀԱՊԿ-ի նկատմամբ Հայաստանի հավակնությունների հարցում պետք է վերջակետ դնել և դա չդարձնել ներքաղաքական գործընթացների մաս՝ սպասվող ընտրությունների ֆոնին: Նա ավելացրեց, որ Պուտինի հետ ՀԱՊԿ–ի վերաբերյալ շարունակել են քննարկումները, սակայն ՀՀ վարչապետի եզրակացությունն ու առաջարկը սա է եղել՝ եթե հնարավոր լինի, բավարար չափով քննարկված համարել այս թեման և անցնել օրակարգի մյուս հարցերի քննարկմանը, այսինքն` անընդհատ հետ նայելու այդ ռեժիմում չլինեն։Հիշեցնենք` 2024 թվականի փետրվարին հայտնի դարձավ, որ Երևանը սառեցրել է իր մասնակցությունը ՀԱՊԿ–ին:ՀՀ վարչապետ Նիկոլ Փաշինյանը մարտի 12-ին չբացառեց, որ ՀՀ–ն կարող է դուրս գալ Հավաքական անվտանգության պայմանագրի կազմակերպությունից, եթե ՀԱՊԿ–ը չպատասխանի Հայաստանի բարձրացրած հարցին` ո՞րն է ՀԱՊԿ–ի պատասխանատվության գոտին Հայաստանում։ ՀԱՊԿ-ը պատասխանեց, որ Հայաստանում իր պատասխանատվության գոտին է համարում երկրի ինքնիշխան տարածքը։ Մայիսի 8-ին ՀՀ ԱԳՆ–ն հայտնեց, որ Հայաստանը չի մասնակցի ՀԱՊԿ–ի գործունեության ֆինանսավորմանը։ Փաշինյանը հունիսի 14–ին Ազգային ժողովում հայտարարեց, որ հաջորդ տրամաբանական քայլը լինելու է ՀԱՊԿ–ից դուրս գալը:Իսկ սեպտեմբերի 18-ին Համաշխարհային հայկական համաժողովի ժամանակ հայտարարեց, որ Հայաստանը ՀԱՊԿ–ի հետ հարաբերություններում մոտ է անդառնալի կետին։ Նրա խոսքով` կազմակերպությունը սպառնալիքներ է ստեղծել երկրի ինքնիշխանության համար։Կրեմլն արձագանքեց Փաշինյանի հայտարարությանը։ ՌԴ նախագահի մամուլի քարտուղար Դմիտրի Պեսկովն ընդգծեց, որ ՀԱՊԿ-ից որևէ վտանգ չի բխում, հակառակը` կազմակերպությունը կոչված է պաշտպանելու իր անդամ երկրների ինքնիշխանությունը։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան և հապկ, ռուսաստան, վլադիմիր պուտին, նիկոլ փաշինյան, հավաքական անվտանգության պայմանագիր կազմակերպություն (հապկ)
հայաստան և հապկ, ռուսաստան, վլադիմիր պուտին, նիկոլ փաշինյան, հավաքական անվտանգության պայմանագիր կազմակերպություն (հապկ)
Վերադարձի ակնկալիքն իրատեսական չէ. Փաշինյանը՝ ՀԱՊԿ–ի մասին
14:07 02.04.2026 (Թարմացված է: 14:10 02.04.2026) ՀՀ վարչապետը նշեց, որ ՌԴ նախագահի հետ ՀԱՊԿ-ի մասով շարունակել են քննարկումները և եկել եզրակացության։
ԵՐԵՎԱՆ, 2 ապրիլի – Sputnik. ՀԱՊԿ–ի մասով անընդհատ հետ նայելու ռեժիմում չպետք է լինենք և վերադարձ դեպի այդ կառույց ակնկալելն իրատեսական չէ։ Այդ մասին ՀՀ կառավարության նիստից հետո` ճեպազրույցի ժամանակ հայտարարեց ՀՀ վարչապետ Նիկոլ Փաշինյանը` անդրադառնալով հարցին` արդյոք Մոսկվայում ՌԴ նախագահ Վլադիմիր Պուտինի հետ հանդիպմանն այլ քննարկումներ եղել են ՀԱՊԿ-ի մասով, և արդյոք հայկական կողմի մոտ կա՞ փոփոխություն ՀԱՊԿ–ին անդամակցելու կամ դուրս գալու մասով։
Ռուսաստանի նախագահ Վլադիմիր Պուտինը ապրիլի 1-ին Կրեմլում Նիկոլ Փաշինյանի հետ հանդիպման ժամանակ
հայտարարել է, որ ՀԱՊԿ-ի նկատմամբ Հայաստանի հավակնությունների հարցում պետք է վերջակետ դնել և դա չդարձնել ներքաղաքական գործընթացների մաս՝ սպասվող ընտրությունների ֆոնին:
«Շատ լավ. եղել է 2021 թվական, 2022 թվական, սակայն մենք անընդհատ չպետք է այդ կետի վրա մնանք։ Մեր հարաբերությունները մեծ օրակարգ, մեծ պոտենցիալ ունեն, և մենք պետք է առաջ նայենք, քանի որ, այո, ամեն մեկն ունի իր ճշմարտությունն այդ հարցերի վերաբերյալ։ Մենք չպետք է անընդհատ այդ նույն կետի վրա սկսենք քննարկել, ծանրութեթև անել։ Իհարկե, դրա անհրաժեշտությունը կար, սակայն կարծում եմ` բավարար չափով ծանրութեթև արել ենք և եկել ենք որոոշակի եզրակացությունների, հարգանքի մթնոլորտում կիսել ենք այդ եզրակացությունները իրար հետ»,– նշեց վարչապետը։
Նա ավելացրեց, որ Պուտինի հետ ՀԱՊԿ–ի վերաբերյալ շարունակել են քննարկումները, սակայն ՀՀ վարչապետի եզրակացությունն ու առաջարկը սա է եղել՝ եթե հնարավոր լինի, բավարար չափով քննարկված համարել այս թեման և անցնել օրակարգի մյուս հարցերի քննարկմանը, այսինքն` անընդհատ հետ նայելու այդ ռեժիմում չլինեն։
Հիշեցնենք` 2024 թվականի փետրվարին
հայտնի դարձավ, որ Երևանը սառեցրել է իր մասնակցությունը ՀԱՊԿ–ին:
ՀՀ վարչապետ
Նիկոլ Փաշինյանը մարտի 12-ին չբացառեց, որ ՀՀ–ն կարող է դուրս գալ Հավաքական անվտանգության պայմանագրի կազմակերպությունից, եթե ՀԱՊԿ–ը չպատասխանի Հայաստանի բարձրացրած հարցին` ո՞րն է ՀԱՊԿ–ի պատասխանատվության գոտին Հայաստանում։
ՀԱՊԿ-ը պատասխանեց, որ Հայաստանում իր պատասխանատվության գոտին է համարում երկրի ինքնիշխան տարածքը։ Մայիսի 8-ին
ՀՀ ԱԳՆ–ն հայտնեց, որ Հայաստանը չի մասնակցի ՀԱՊԿ–ի գործունեության ֆինանսավորմանը։
Փաշինյանը հունիսի 14–ին Ազգային ժողովում հայտարարեց, որ հաջորդ տրամաբանական քայլը լինելու է ՀԱՊԿ–ից դուրս գալը:
Իսկ սեպտեմբերի 18-ին Համաշխարհային հայկական համաժողովի ժամանակ հայտարարեց, որ
Հայաստանը ՀԱՊԿ–ի հետ հարաբերություններում մոտ է անդառնալի կետին։ Նրա խոսքով` կազմակերպությունը սպառնալիքներ է ստեղծել երկրի ինքնիշխանության համար։
Կրեմլն արձագանքեց Փաշինյանի հայտարարությանը։ ՌԴ նախագահի մամուլի քարտուղար
Դմիտրի Պեսկովն ընդգծեց, որ ՀԱՊԿ-ից որևէ վտանգ չի բխում, հակառակը` կազմակերպությունը կոչված է պաշտպանելու իր անդամ երկրների ինքնիշխանությունը։
