https://arm.sputniknews.ru/20260318/nakhararutjuny-shtapognutjan-anvtshar-kancheri-tivn-avelacnelu-himqer-der-chuni-avanesjan-99985842.html
Նախարարությունը շտապօգնության անվճար կանչերի թիվն ավելացնելու հիմքեր դեռ չունի. Ավանեսյան
Նախարարությունը շտապօգնության անվճար կանչերի թիվն ավելացնելու հիմքեր դեռ չունի. Ավանեսյան
Sputnik Արմենիա
Կանչերի բնույթի և քանակի մոնիտորինգն ու ուսումնասիրությունը շարունակվում են։ 18.03.2026, Sputnik Արմենիա
2026-03-18T13:03+0400
2026-03-18T13:03+0400
2026-03-18T13:03+0400
հայաստան
շտապօգնություն
անահիտ ավանեսյան
https://cdn.am.sputniknews.ru/img/07e8/04/08/74333529_0:98:1600:999_1920x0_80_0_0_5628a927dfe519af664c49ff5b510951.jpg
ԵՐԵՎԱՆ, 18 մարտի – Sputnik. ՀՀ առողջապահության նախարարությունը շտապօգնության կանչերն ուսումնասիրում է, սակայն տարեկան 8 անվճար կանչի սահմանաչափն ավելացնելու հիմքեր դեռևս չունի։ Այս մասին այսօր ԱԺ առողջապահության հարցերի մշտական հանձնաժողովի նիստի ժամանակ այս մասին ասաց նախարար Անահիտ Ավանեսյանը։Ավելի վաղ տեղեկացրել էինք, որ առողջապահության համընդհանուր ապահովագրության փաթեթով քաղաքացին կարող է տարեկան ոչ ավելի, քան 8 անգամ շտապօգնության կանչ գրանցել և ստանալ անվճար բուժօգնություն։ Դրանից հետո, կախված տեղանքից, գումարը կտատանվի 10 000 – 15 000 դրամի սահմաններում։ Բացառություններ լինելու են՝ դանակահարություն, կայծակնահարություն, հրազենային վիրավորում և այլն։ «Քաղաքացիական պայմանագիր» խմբակցության պատգամավոր Լուսինե Բադալյանը նախարարից հետաքրքրվեց, թե ինչ հաշվարկ է դրվել կանչերի սահմանափակման հիմքում։«Հնարավո՞ր է` դարձնենք, օրինակ, 12՝ ամիսը մեկ կանչ սկզբունքով, որովհետև ունենք թոշակառուներ, որոնց կատարած կանչերի թիվը դեռ մարտ ամսին արդեն հատել է 8-ի սահմանը»,- նշեց Բադալյանը։Նախարարը, արձագանքելով պատգամավորին, հավելեց, որ իրենց ուսումնասիրությունները փաստում են՝ 8-10-ի սահմանն անցնող կանչերը հիմնականում պայմանավորված են քրոնիկ հիվանդությունների սրմամբ։«Կարող են շտապօգնություն կանչել նաև զարկերակային ճնշում չափելու համար։ Սակայն նշեմ, որ ունենք բացառություններ։ Հասկանում ենք, որ կան ճանապարհատրանսպորտային պատահարներ, վնասվածքներ և այլն, որոնք, ըստ էության, այս հաշվարկից դուրս կարող են դիտարկվել։ Այս փոփոխությունը պետք է համալիր դիտարկել առողջապահության ապահովագրության ներդրման հետ։ 65 տարեկանից բարձր քաղաքացիները, եթե չունեին հաշմանդամության կարգ, ապա դեղերի անվճար հասանելիություն չունեին։ Սա նշանակում է, որ լինում էին սրացումներ, հիպերտոնիկ կրիզներ՝ դեղորայքային ապահովման հետ կապված խնդիրների պատճառով։ Համակարգի ներդրումից հետո այս խնդիրը կարգավորվել է»,- ասաց Ավանեսյանը։Նրա խոսքով՝ 2025 թվականին շտապօգնության ծառայությունը բարելավվել է. մարզերում հասանելիությունն աճել է, ավելացել են մասնագետներով հագեցած բրիգադները, և կրճատվել է կանչերի սպասարկման միջին ժամանակը։Մեկ տարում քանի՞ կանչ է սպասարկել «Շտապբուժօգնություն» ՓԲԸ-ն․ տնօրենը տվյալներ է հայտնում
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, շտապօգնություն, անահիտ ավանեսյան
հայաստան, շտապօգնություն, անահիտ ավանեսյան
Նախարարությունը շտապօգնության անվճար կանչերի թիվն ավելացնելու հիմքեր դեռ չունի. Ավանեսյան
Կանչերի բնույթի և քանակի մոնիտորինգն ու ուսումնասիրությունը շարունակվում են։
ԵՐԵՎԱՆ, 18 մարտի – Sputnik. ՀՀ առողջապահության նախարարությունը շտապօգնության կանչերն ուսումնասիրում է, սակայն տարեկան 8 անվճար կանչի սահմանաչափն ավելացնելու հիմքեր դեռևս չունի։ Այս մասին այսօր ԱԺ առողջապահության հարցերի մշտական հանձնաժողովի նիստի ժամանակ այս մասին ասաց նախարար Անահիտ Ավանեսյանը։
Ավելի վաղ
տեղեկացրել էինք, որ առողջապահության համընդհանուր ապահովագրության փաթեթով քաղաքացին կարող է տարեկան ոչ ավելի, քան 8 անգամ շտապօգնության կանչ գրանցել և ստանալ անվճար բուժօգնություն։ Դրանից հետո, կախված տեղանքից, գումարը կտատանվի 10 000 – 15 000 դրամի սահմաններում։ Բացառություններ լինելու են՝ դանակահարություն, կայծակնահարություն, հրազենային վիրավորում և այլն։
«Վերջերս խորհրդակցություն ենք ունեցել Հանրապետական և Երևան քաղաքի շտապօգնության ծառայությունների պատասխանատուների հետ։ Մեր դիտարկումն այն է, որ դեռ պետք է պահպանենք նույն քանակը։ Կանչերի բնույթի ու քանակի մոնիտորինգն ու ուսումնասիրությունը շարունակվում են, բայց փոփոխության հիմքեր դեռևս չունենք»,- ասաց նախարարը։
«Քաղաքացիական պայմանագիր» խմբակցության պատգամավոր Լուսինե Բադալյանը նախարարից հետաքրքրվեց, թե ինչ հաշվարկ է դրվել կանչերի սահմանափակման հիմքում։
«Հնարավո՞ր է` դարձնենք, օրինակ, 12՝ ամիսը մեկ կանչ սկզբունքով, որովհետև ունենք թոշակառուներ, որոնց կատարած կանչերի թիվը դեռ մարտ ամսին արդեն հատել է 8-ի սահմանը»,- նշեց Բադալյանը։
Նախարարը, արձագանքելով պատգամավորին, հավելեց, որ իրենց ուսումնասիրությունները փաստում են՝ 8-10-ի սահմանն անցնող կանչերը հիմնականում պայմանավորված են քրոնիկ հիվանդությունների սրմամբ։
«Կարող են շտապօգնություն կանչել նաև զարկերակային ճնշում չափելու համար։ Սակայն նշեմ, որ ունենք բացառություններ։ Հասկանում ենք, որ կան ճանապարհատրանսպորտային պատահարներ, վնասվածքներ և այլն, որոնք, ըստ էության, այս հաշվարկից դուրս կարող են դիտարկվել։ Այս փոփոխությունը պետք է համալիր դիտարկել առողջապահության ապահովագրության ներդրման հետ։ 65 տարեկանից բարձր քաղաքացիները, եթե չունեին հաշմանդամության կարգ, ապա դեղերի անվճար հասանելիություն չունեին։ Սա նշանակում է, որ լինում էին սրացումներ, հիպերտոնիկ կրիզներ՝ դեղորայքային ապահովման հետ կապված խնդիրների պատճառով։ Համակարգի ներդրումից հետո այս խնդիրը կարգավորվել է»,- ասաց Ավանեսյանը։
Նրա խոսքով՝ 2025 թվականին շտապօգնության ծառայությունը բարելավվել է. մարզերում հասանելիությունն աճել է, ավելացել են մասնագետներով հագեցած բրիգադները, և կրճատվել է կանչերի սպասարկման միջին ժամանակը։
