https://arm.sputniknews.ru/20260114/mek-tarum-qani-kanch-e-spasarkel-shtapbuzhognutjun-pby-n-tnoreny-tvjalner-e-hajtnum-97726515.html
Մեկ տարում քանի՞ կանչ է սպասարկել «Շտապբուժօգնություն» ՓԲԸ-ն․ տնօրենը տվյալներ է հայտնում
Մեկ տարում քանի՞ կանչ է սպասարկել «Շտապբուժօգնություն» ՓԲԸ-ն․ տնօրենը տվյալներ է հայտնում
Sputnik Արմենիա
Ըստ տնօրենի՝ դեկտեմբերի վերջին օրերից մինչև հունվարի առաջին 10 օրը, նախորդ տարվա նույն ժամանակահատվածի համեմատ, կանչերը նվազել են մոտ 35 տոկոսով։ 14.01.2026, Sputnik Արմենիա
2026-01-14T12:09+0400
2026-01-14T12:09+0400
2026-01-14T13:30+0400
շտապօգնություն
երևան
ռուբեն գրիգորյան
https://cdn.am.sputniknews.ru/img/07e4/07/17/23857373_147:0:1109:541_1920x0_80_0_0_df26a6a4e331c5771b826b688ce1ea66.jpg
ԵՐԵՎԱՆ, 14 հունվարի - Sputnik. «Շտապբուժօգնություն» ՓԲԸ-ն 2025 թվականի ընթացքում Երևանում սպասարկել է շուրջ 307 000 կանչ։ Այս մասին ասուլիսի ժամանակ հայտարարեց «Շտապբուժօգնություն» ՓԲԸ–ի տնօրեն Ռուբեն Գրիգորյանը։Ըստ նրա՝ հարցը նաև նրանում է, որ այժմ անվճար կանչերի քանակի սահմանափակում կա։Նշենք, որ այժմ մեկ անձը անվճար 8 կանչ կարող է գրանցել, դրանից հետո՝ կախված տեղանքից, գումարը կտատանվի 10 000 – 15 000 դրամի սահմաններում։ Բացառություններ լինելու են՝ դանակահարություն, կայծակնահարություն, հրազենային վիրավորում և այլն։Ընկերության տնօրենը շեշտեց՝ քաղաքացիների շուրջ 99 տոկոսը մինչև 8 կանչ է գրանցել, 0,5 տոկոսը՝ մինչև 20 կանչ, իսկ մյուս 0,5 տոկոսը՝ ավելի քան 20 կանչ։Գրիգորյանը նշեց, որ ««Շտապբուժօգնություն» ՓԲԸ–ն վերջին տարում վերազինվել է` ձեռք են բերել նոր մեքենաներ։«Մեր ձեռքբերումներից է շտապօգնության 7 նոր մեքենայի գնումը։ Մենք դրանք ձեռք ենք բերել լիզինգով։ Այդ գումարի չափով ընկերությունը խնայողություն ունի, որն ավանդադրված է բանկում, իսկ պետությունն էլ լիզինգի դեպքում 10 տոկոսը սուբսիդավորում է։ Ավանդադրած գումարով մենք մայր գումարն ենք մարում, իսկ պետությունը՝ տոկոսները։ Այս մեքենաները բացի պարտադիր ապահովագրությունից ունեն նաև «Կասկո» ապահովագրություն։ Այդ մեքենաները 3 տարի կամ մինչև 150 000 կմ անվճար սպասարկվելու են։ Մեքենաներից մեկը ռեանիմոբիլ է՝ հագեցած արհեստական օդափոխության սարքով»,- ասաց Գրիգորյանը։Նրա խոսքով՝ ձեռք է բերվել նաև էլեկտրական անվասայլակ, որը շատ դեպքերում օգնում է, երբ հիվանդին ցուցված չէ պառկած տեղափոխել։ Ընդգծեց՝ արդեն այդ անվասայլակը կիրառվել է տարբեր քաշային կարգի մարդկանց տեղափոխելու համար, նույնիսկ 200 կգ քաշ ունեցող անձի։Քանի՞ ահազանգ է ստացվել տոներին սառույցի վրա ընկնելու հետևանքով վնասվածքների վերաբերյալ
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
շտապօգնություն, երևան, ռուբեն գրիգորյան
շտապօգնություն, երևան, ռուբեն գրիգորյան
Մեկ տարում քանի՞ կանչ է սպասարկել «Շտապբուժօգնություն» ՓԲԸ-ն․ տնօրենը տվյալներ է հայտնում
12:09 14.01.2026 (Թարմացված է: 13:30 14.01.2026) Ըստ տնօրենի՝ դեկտեմբերի վերջին օրերից մինչև հունվարի առաջին 10 օրը, նախորդ տարվա նույն ժամանակահատվածի համեմատ, կանչերը նվազել են մոտ 35 տոկոսով։
ԵՐԵՎԱՆ, 14 հունվարի - Sputnik. «Շտապբուժօգնություն» ՓԲԸ-ն 2025 թվականի ընթացքում Երևանում սպասարկել է շուրջ 307 000 կանչ։ Այս մասին ասուլիսի ժամանակ հայտարարեց «Շտապբուժօգնություն» ՓԲԸ–ի տնօրեն Ռուբեն Գրիգորյանը։
«Սպասարկել ենք շուրջ 307 հազար կանչ, ինչը մոտ 3 տոկոսով ավելի է եղել 2024 թվականի համեմատ։ Ավելացումը հիմնականում պայմանավորված է մայրաքաղաքում բնակչության թվի աճով։ Դեկտեմբերի վերջին օրերից ու հունվարի առաջին 10 օրը կանչերի քանակի նվազում եմ տեսնում մոտ 35 տոկոսով։ Մեր «սպասելիքները» չեն արդարացվել, ու դա շատ լավ է։ 2024 թվականի նույն ժամանակահատվածում մենք օրվա ընթացքում սպասարկել ենք 1000-1200 կանչ, իսկ այս տարի` օրական մոտ 800-850 կանչ»,- նշեց Գրիգորյանը։
Ըստ նրա՝ հարցը նաև նրանում է, որ այժմ անվճար կանչերի քանակի սահմանափակում կա։
Նշենք, որ այժմ մեկ անձը
անվճար 8 կանչ կարող է գրանցել, դրանից հետո՝ կախված տեղանքից, գումարը կտատանվի 10 000 – 15 000 դրամի սահմաններում։ Բացառություններ լինելու են՝ դանակահարություն, կայծակնահարություն, հրազենային վիրավորում և այլն։
Ընկերության տնօրենը շեշտեց՝ քաղաքացիների շուրջ 99 տոկոսը մինչև 8 կանչ է գրանցել, 0,5 տոկոսը՝ մինչև 20 կանչ, իսկ մյուս 0,5 տոկոսը՝ ավելի քան 20 կանչ։
Գրիգորյանը նշեց, որ ««Շտապբուժօգնություն» ՓԲԸ–ն վերջին տարում վերազինվել է` ձեռք են բերել նոր մեքենաներ։
«Մեր ձեռքբերումներից է շտապօգնության 7 նոր մեքենայի գնումը։ Մենք դրանք ձեռք ենք բերել լիզինգով։ Այդ գումարի չափով ընկերությունը խնայողություն ունի, որն ավանդադրված է բանկում, իսկ պետությունն էլ լիզինգի դեպքում 10 տոկոսը սուբսիդավորում է։ Ավանդադրած գումարով մենք մայր գումարն ենք մարում, իսկ պետությունը՝ տոկոսները։ Այս մեքենաները բացի պարտադիր ապահովագրությունից ունեն նաև «Կասկո» ապահովագրություն։ Այդ մեքենաները 3 տարի կամ մինչև 150 000 կմ անվճար սպասարկվելու են։ Մեքենաներից մեկը ռեանիմոբիլ է՝ հագեցած արհեստական օդափոխության սարքով»,- ասաց Գրիգորյանը։
Նրա խոսքով՝ ձեռք է բերվել նաև էլեկտրական անվասայլակ, որը շատ դեպքերում օգնում է, երբ հիվանդին ցուցված չէ պառկած տեղափոխել։ Ընդգծեց՝ արդեն այդ անվասայլակը կիրառվել է տարբեր քաշային կարգի մարդկանց տեղափոխելու համար, նույնիսկ 200 կգ քաշ ունեցող անձի։
