https://arm.sputniknews.ru/20260311/inchpes-kancni-trampi-ughin-meghrivov-ev-qani-tarum-kkarucvi-erkatughin-99688996.html
Ինչպես կանցնի «Թրամփի ուղին» Մեղրիով, և քանի տարում կկառուցվի երկաթուղին
Ինչպես կանցնի «Թրամփի ուղին» Մեղրիով, և քանի տարում կկառուցվի երկաթուղին
Sputnik Արմենիա
Մասնագետի խոսքով` քանի որ լինելու է միջազգային նշանակության երկաթուղի, պետք է համապատասխանի ժամանակակից չափանիշներին։ 11.03.2026, Sputnik Արմենիա
2026-03-11T23:00+0400
2026-03-11T23:00+0400
2026-03-11T23:00+0400
հայաստան
մեղրի
երկաթուղի
թրամփի ուղի (tripp)
արմեն դավթյան
գնացք
վագոն
ճանապարհ
https://cdn.am.sputniknews.ru/img/07e7/03/17/57135396_0:0:1600:901_1920x0_80_0_0_875f81807798ca15bbc479e21b903396.jpg
ԵՐԵՎԱՆ, 11 մարտի – Sputnik. TRIPP («Թրամփի ուղի») նախագծի շրջանակում երկաթուղին կարող է անցնել միայն խորհրդային ժամանակ գոյություն ունեցած երթուղով. տեղանքի ռելիեֆի պատճառով մյուս տարբերակները չափազանց բարդ են: Sputnik Արմենիայի հետ զրույցում այս մասին ասաց Մեղրիի երկաթուղային կայարանի պետի նախկին տեղակալ Արմեն Դավթյանը։Նրա խոսքով՝ Արաքս գետի երկայնքով երկաթուղային հատվածն անցնում է լեռնային տեղանքով՝ ժայռերով և բարդ լանդշաֆտով, ուստի այլընտրանքային երթուղիներ գրեթե չկան:Նա պարզաբանեց, որ ի տարբերություն ավտոմոբիլային ճանապարհի, որը կարելի է կառուցել այլ ուղղություններով, օրինակ՝ Գորիսով, լեռներում նոր երկաթգիծ կառուցելը զգալի ծախսեր կպահանջի։Ինչ վիճակում է հիմա տեղամասըՆախկին երկաթուղու տարածքն այսօր օգտագործվում է տարբեր նպատակներով։ Օրինակ` Նռնաձոր գյուղ տանող ճանապարհն անցնում է հին երկաթգծով։Բացի այդ, այդ տարածքով անցնող ոռոգման խողովակաշարով Մեղրի գետից ջուրը հոսում է Արաքսաշեն, Ալվանք, Շվանիձոր և Նռնաձոր գյուղերի գյուղատնտեսական հողեր:Եթե նախագիծն իրականացվի, խողովակաշարը պետք է տեղափոխվի։ Բացի այդ, տարածքի մի մասն այսօր օգտագործվում է սահմանապահ ծառայությունների կողմից, տեղադրված են արգելապատնեշներ և փշալարեր։Հին երկաթուղու ենթակառուցվածքի մի մասը զգալիորեն մաշված է. խոսքը ժամանակակից պահանջներին չհամապատասխանող շինությունների, կոմունիկացիաների, կամուրջների ու թունելների մասին է:Քանի որ դա լինելու է միջազգային նշանակության երկաթուղի, ուրեմն պետք է համապատասխանի ժամանակակից չափանիշներին՝ գնացքների երթևեկության արագությանը, երթևեկության ինտենսիվությանը, ծանրաբեռնվածությանը և անվտանգության պահանջներին: Փորձագետի գնահատմամբ՝ ինտենսիվ աշխատանքի դեպքում շինարարությունը կարող է տևել մոտ երեք տարի։Ծրագրի տնտեսական նշանակությունըԴավթյանի կարծիքով՝ երկաթուղու վերականգնումը կարևոր է ոչ միայն Մեղրու տարածաշրջանի, այլև ամբողջ Հայաստանի համար: Այսօր, օրինակ, Ագարակի պղնձամոլիբդենային կոմբինատը ստիպված է իր արտադրանքը բեռնատարներով տեղափոխել մինչև Երասխ կայարան, ինչը զգալիորեն մեծացնում է ծախսերը, մինչդեռ մեկ երկաթուղային վագոնը կարող է միանգամից 4 բեռնատարի բեռ տեղափոխել, և երկաթուղային տրանսպորտի արժեքն ավելի ցածր է:Երկաթուղու բացակայության պատճառով այժմ չեն աշխատում տարածաշրջանի որոշ ձեռնարկություններ, այդ թվում՝ մանրախճի վերամշակման և գինու գործարանները: Նա հիշեցրեց, որ խորհրդային տարիներին Մեղրիի արտադրանքը՝ գինի, պահածոներ և շինանյութեր, մատակարարվում էր ԽՍՀՄ–ի ամբողջ տարածքում՝ ընդհուպ մինչև Վլադիվոստոկ: Ընդհանուր առմամբ, նրա կարծիքով, երկաթուղու վերականգնումը կարող է լուրջ խթան հանդիսանալ տարածաշրջանի տնտեսության համար:«Թրամփի ուղու» դեպքում մաքսային ծառայությունը գործելու է ԵԱՏՄ կանոնակարգերով. ՊԵԿ նախագահ
մեղրի
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, մեղրի, երկաթուղի, թրամփի ուղի (tripp), արմեն դավթյան, գնացք, վագոն, ճանապարհ, видео
հայաստան, մեղրի, երկաթուղի, թրամփի ուղի (tripp), արմեն դավթյան, գնացք, վագոն, ճանապարհ, видео
Ինչպես կանցնի «Թրամփի ուղին» Մեղրիով, և քանի տարում կկառուցվի երկաթուղին
Մասնագետի խոսքով` քանի որ լինելու է միջազգային նշանակության երկաթուղի, պետք է համապատասխանի ժամանակակից չափանիշներին։
ԵՐԵՎԱՆ, 11 մարտի – Sputnik. TRIPP («Թրամփի ուղի») նախագծի շրջանակում երկաթուղին կարող է անցնել միայն խորհրդային ժամանակ գոյություն ունեցած երթուղով. տեղանքի ռելիեֆի պատճառով մյուս տարբերակները չափազանց բարդ են:
Sputnik Արմենիայի հետ զրույցում այս մասին ասաց Մեղրիի երկաթուղային կայարանի պետի նախկին տեղակալ Արմեն Դավթյանը։
Նրա խոսքով՝ Արաքս գետի երկայնքով երկաթուղային հատվածն անցնում է լեռնային տեղանքով՝ ժայռերով և բարդ լանդշաֆտով, ուստի այլընտրանքային երթուղիներ գրեթե չկան:
«Այսօր նախատեսում են վերականգնել երկաթուղային հաղորդակցությունը, սակայն այլընտրանքի բացակայության պատճառով դա, ամենայն հավանականությամբ, կիրականացվի նախկին երթուղով», - ասաց Դավթյանը:
Նա պարզաբանեց, որ ի տարբերություն ավտոմոբիլային ճանապարհի, որը կարելի է կառուցել այլ ուղղություններով, օրինակ՝ Գորիսով, լեռներում նոր երկաթգիծ կառուցելը զգալի ծախսեր կպահանջի։
Ինչ վիճակում է հիմա տեղամասը
Նախկին երկաթուղու տարածքն այսօր օգտագործվում է տարբեր նպատակներով։ Օրինակ` Նռնաձոր գյուղ տանող ճանապարհն անցնում է հին երկաթգծով։
Բացի այդ, այդ տարածքով անցնող ոռոգման խողովակաշարով Մեղրի գետից ջուրը հոսում է Արաքսաշեն, Ալվանք, Շվանիձոր և Նռնաձոր գյուղերի գյուղատնտեսական հողեր:
«Խողովակաշարի ամբողջ համակարգն անցնում է այդ երկաթգծի տարածքով։ Այս հարցը նույնպես պետք է լուծվի։ Ոչ ոք խողովակաշարի վրա երկաթուղի չի կառուցի, դա շատ վտանգավոր է: Ցանկացած պահի կարող է վթար լինել», - ասաց նա։
Եթե նախագիծն իրականացվի, խողովակաշարը պետք է տեղափոխվի։ Բացի այդ, տարածքի մի մասն այսօր օգտագործվում է սահմանապահ ծառայությունների կողմից, տեղադրված են արգելապատնեշներ և փշալարեր։
Հին երկաթուղու ենթակառուցվածքի մի մասը զգալիորեն մաշված է. խոսքը ժամանակակից պահանջներին չհամապատասխանող շինությունների, կոմունիկացիաների, կամուրջների ու թունելների մասին է:
«Այդ ամենը պետք է ամբողջությամբ վերակառուցվի` ռելսերի հիմքը, համապատասխան թեքությունները, պետք է գեոդեզիական աշխատանքներ իրականացվեն», - նշեց Դավթյանը։
Քանի որ դա լինելու է միջազգային նշանակության երկաթուղի, ուրեմն պետք է համապատասխանի ժամանակակից չափանիշներին՝ գնացքների երթևեկության արագությանը, երթևեկության ինտենսիվությանը, ծանրաբեռնվածությանը և անվտանգության պահանջներին: Փորձագետի գնահատմամբ՝ ինտենսիվ աշխատանքի դեպքում շինարարությունը կարող է տևել մոտ երեք տարի։
Ծրագրի տնտեսական նշանակությունը
Դավթյանի կարծիքով՝ երկաթուղու վերականգնումը կարևոր է ոչ միայն Մեղրու տարածաշրջանի, այլև ամբողջ Հայաստանի համար: Այսօր, օրինակ, Ագարակի պղնձամոլիբդենային կոմբինատը ստիպված է իր արտադրանքը բեռնատարներով տեղափոխել մինչև Երասխ կայարան, ինչը զգալիորեն մեծացնում է ծախսերը, մինչդեռ մեկ երկաթուղային վագոնը կարող է միանգամից 4 բեռնատարի բեռ տեղափոխել, և երկաթուղային տրանսպորտի արժեքն ավելի ցածր է:
Երկաթուղու բացակայության պատճառով այժմ չեն աշխատում տարածաշրջանի որոշ ձեռնարկություններ, այդ թվում՝ մանրախճի վերամշակման և գինու գործարանները: Նա հիշեցրեց, որ խորհրդային տարիներին Մեղրիի արտադրանքը՝ գինի, պահածոներ և շինանյութեր, մատակարարվում էր ԽՍՀՄ–ի ամբողջ տարածքում՝ ընդհուպ մինչև Վլադիվոստոկ: Ընդհանուր առմամբ, նրա կարծիքով, երկաթուղու վերականգնումը կարող է լուրջ խթան հանդիսանալ տարածաշրջանի տնտեսության համար:
