https://arm.sputniknews.ru/20260311/inch-nvor-kargvov-kanckacvi-2026-ti-khvorhrdaranakan-yntrutjuny-bacatrum-e-kyh-nakhagahy-99713010.html
Ի՞նչ նոր կարգով կանցկացվի 2026 թ.–ի խորհրդարանական ընտրությունը. բացատրում է ԿԸՀ նախագահը
Ի՞նչ նոր կարգով կանցկացվի 2026 թ.–ի խորհրդարանական ընտրությունը. բացատրում է ԿԸՀ նախագահը
Sputnik Արմենիա
Վահագն Հովակիմյանի խոսքով` սահմանված գրավի չափը փոխվել է, որպեսզի օրենսդրությունը նպաստի քաղաքական ուժերի խոշորացմանը։ 11.03.2026, Sputnik Արմենիա
2026-03-11T13:09+0400
2026-03-11T13:09+0400
2026-03-11T14:19+0400
հայաստան
աժ (ազգային ժողով)
ընտրություններ
ազգային ժողովի ընտրություններ
վահագն հովակիմյան
https://cdn.am.sputniknews.ru/img/07e7/08/03/63861037_0:130:1601:1030_1920x0_80_0_0_6bb283f4cc677228dba0e082b4b0e872.jpg
ԵՐԵՎԱՆ, 11 մարտի – Sputnik. 2026 թվականին ՀՀ-ում կայանալիք խորհրդարանական ընտրությունները կանցկացվեն 2021 թվականին Ընտրական օրենսգրքում կատարված փոփոխություններով, որոնք ուժի մեջ են մտել այս տարվա փետրվարի 7-ին։ Այսօր հրավիրված ասուլիսի ժամանակ այս մասին ասաց Կենտրոնական ընտրական հանձնաժողովի նախագահ Վահագն Հովակիմյանը։«Կուսակցությունների պարագայում ընտրական գրավի չափը 10 միլիոնից իջեցվել է 7.5 միլիոնի, իսկ դաշինքների պարագայում սահմանվել է 15 միլիոն դրամ։ Սա ժամանակին արվել է այն միտումով, որ օրենսդրությունը նպաստի քաղաքական ուժերի խոշորացմանը։ Որքանով արդյունավետ կլինի՝ ցույց կտա ժամանակը»,- ասաց նա։ԿՀԸ նախագահը հիշեցրեց, որ փոխվել է նաև խորհրդարան անցնելու շեմը։ Նրա խոսքով՝ նոր կարգավորումներով դաշինքների համար անցողիկ շեմը 8-10% է. եթե դաշինքը կազմված է մինչև 3 կուսակցությունից, ապա շեմը 8% է, իսկ եթե 4 և ավելի՝ 10%։ Կուսակցությունների համար անցողիկ շեմը սահմանվել է 4%:Խոսելով լրացուցիչ մանդատների մասին՝ նա նշեց, որ բոնուսների շեմը 54 տոկոսից իջեցվել է 52-ի։«Այս լրացուցիչ մանդատները կարող են տրվել բացառապես այն քաղաքական ուժին, որը կունենա մանդատների մեծամասնություն։ Այսինքն՝ եթե որևէ քաղաքական ուժ չունենա մանդատների մեծամասնություն, լրացուցիչ մանդատների մասին խոսք լինել չի կարող»,- հստակեցրեց Հովակիմյանը։Ինչ վերաբերում է ընտրացուցակներում ընտրողների քանակի նվազմանը, ԿԸՀ նախագահը պարզաբանեց, որ անձը կարող է լինել բնակչության պետական ռեգիստրում, սակայն չունենալ անձը հաստատող գործող փաստաթուղթ։«2022 թվականին ուժի մեջ մտած փոփոխություններով՝ անձը ներառվում է ընտրական ցուցակում, եթե անձը հաստատող փաստաթուղթն ուժի մեջ է։ Իսկ եթե անձը 10 տարուց ավելի կապ չունի Հայաստանի հետ, և անձնագիրն այլևս վավեր չէ, նա չի կարող ընդգրկվել ընտրական ցուցակում»,- նշեց Հովակիմյանը։Հիշեցնենք` ՀՀ–ում հերթական խորհրդարանական ընտրությունները կկայանան 2026 թվականի հունիսի 7-ին։Մասնակցելու վերաբերյալ արդեն հայտարարել են ՀՀ 2–րդ նախագահ Ռոբերտ Քոչարյանը, Երևանի նախկին քաղաքապետ Հայկ Մարությանը` իր «Նոր ուժ» կուսակցությամբ, ՀԱԿ–ը, որի վարչապետի թեկնածուն Լևոն Զուրաբյանն է, «Հանրապետություն» կուսակցությունը` Արամ Սարգսյանի գլխավորությամբ։ Ընտրություններին մասնակցելու վերաբերյալ պաշտոնապես հայտարարել է նաև Սամվել Կարապետյանի «Ուժեղ Հայաստան» կուսակցությունը, ինչպես նաև ԲՀԿ առաջնորդ Գագիկ Ծառուկյանը, որն իր «Առաջարկ Հայաստանին» ծրագիրն ուզում է «նոյյան տապան» դարձնել ընդդիմադիր ուժերի համար։«ՀայաՔվե» ազգային քաղաքացիական միավորումը և «Միասնության թևեր» քաղաքական նախաձեռնությունը ընտրություններին կմասնակցեն միասին։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աժ (ազգային ժողով), ընտրություններ, ազգային ժողովի ընտրություններ, վահագն հովակիմյան
հայաստան, աժ (ազգային ժողով), ընտրություններ, ազգային ժողովի ընտրություններ, վահագն հովակիմյան
Ի՞նչ նոր կարգով կանցկացվի 2026 թ.–ի խորհրդարանական ընտրությունը. բացատրում է ԿԸՀ նախագահը
13:09 11.03.2026 (Թարմացված է: 14:19 11.03.2026) Վահագն Հովակիմյանի խոսքով` սահմանված գրավի չափը փոխվել է, որպեսզի օրենսդրությունը նպաստի քաղաքական ուժերի խոշորացմանը։
ԵՐԵՎԱՆ, 11 մարտի – Sputnik. 2026 թվականին ՀՀ-ում կայանալիք խորհրդարանական ընտրությունները կանցկացվեն 2021 թվականին Ընտրական օրենսգրքում կատարված փոփոխություններով, որոնք ուժի մեջ են մտել այս տարվա փետրվարի 7-ին։ Այսօր հրավիրված ասուլիսի ժամանակ այս մասին ասաց Կենտրոնական ընտրական հանձնաժողովի նախագահ Վահագն Հովակիմյանը։
«Կուսակցությունների պարագայում ընտրական գրավի չափը 10 միլիոնից իջեցվել է 7.5 միլիոնի, իսկ դաշինքների պարագայում սահմանվել է 15 միլիոն դրամ։ Սա ժամանակին արվել է այն միտումով, որ օրենսդրությունը նպաստի քաղաքական ուժերի խոշորացմանը։ Որքանով արդյունավետ կլինի՝ ցույց կտա ժամանակը»,- ասաց նա։
ԿՀԸ նախագահը հիշեցրեց, որ փոխվել է նաև խորհրդարան անցնելու շեմը։ Նրա խոսքով՝ նոր կարգավորումներով դաշինքների համար անցողիկ շեմը 8-10% է. եթե դաշինքը կազմված է մինչև 3 կուսակցությունից, ապա շեմը 8% է, իսկ եթե 4 և ավելի՝ 10%։ Կուսակցությունների համար անցողիկ շեմը սահմանվել է 4%:
«Նախկինում օրենքն արգելում էր 3-ից ավել քաղաքական ուժերով կոալիցիաների կազմավորումը (կառավարության ձևավորման համար. խմբ.), իսկ հիմա այս արգելքը հանվել է։ Առաջին՝ 9-օրյա ժամկետում կոալիցիա կազմելու իրավունքը տրվում է առավելագույն ձայներ ստացած քաղաքական ուժին։ Եթե չի հաջողվում կոալիցիա կազմել, դրանից հետո ժամանակ է տրվում մնացած քաղաքական ուժերին՝ ձևավորելու կոալիցիա։ Միջազգային տերմինով ասած՝ սա «փոքրամասնության կառավարության» ձևավորումն է, ինչի օրինակը Գյումրիում էր, երբ առավելագույն ձայներ ստացած ուժը չմտավ կոալիցիայի մեջ»,- նշեց Հովակիմյանը։
Խոսելով լրացուցիչ մանդատների մասին՝ նա նշեց, որ բոնուսների շեմը 54 տոկոսից իջեցվել է 52-ի։
«Այս լրացուցիչ մանդատները կարող են տրվել բացառապես այն քաղաքական ուժին, որը կունենա մանդատների մեծամասնություն։ Այսինքն՝ եթե որևէ քաղաքական ուժ չունենա մանդատների մեծամասնություն, լրացուցիչ մանդատների մասին խոսք լինել չի կարող»,- հստակեցրեց Հովակիմյանը։
Ինչ վերաբերում է ընտրացուցակներում ընտրողների քանակի նվազմանը, ԿԸՀ նախագահը պարզաբանեց, որ անձը կարող է լինել բնակչության պետական ռեգիստրում, սակայն չունենալ անձը հաստատող գործող փաստաթուղթ։
«2022 թվականին ուժի մեջ մտած փոփոխություններով՝ անձը ներառվում է ընտրական ցուցակում, եթե անձը հաստատող փաստաթուղթն ուժի մեջ է։ Իսկ եթե անձը 10 տարուց ավելի կապ չունի Հայաստանի հետ, և անձնագիրն այլևս վավեր չէ, նա չի կարող ընդգրկվել ընտրական ցուցակում»,- նշեց Հովակիմյանը։
Մասնակցելու վերաբերյալ արդեն հայտարարել են ՀՀ 2–րդ նախագահ
Ռոբերտ Քոչարյանը, Երևանի նախկին քաղաքապետ
Հայկ Մարությանը` իր «Նոր ուժ» կուսակցությամբ, ՀԱԿ–ը, որի վարչապետի
թեկնածուն Լևոն Զուրաբյանն է, «Հանրապետություն» կուսակցությունը`
Արամ Սարգսյանի գլխավորությամբ։ Ընտրություններին մասնակցելու վերաբերյալ պաշտոնապես հայտարարել է նաև Սամվել Կարապետյանի
«Ուժեղ Հայաստան» կուսակցությունը, ինչպես նաև ԲՀԿ առաջնորդ
Գագիկ Ծառուկյանը, որն իր «Առաջարկ Հայաստանին» ծրագիրն ուզում է «նոյյան տապան» դարձնել ընդդիմադիր ուժերի համար։
«ՀայաՔվե» ազգային քաղաքացիական միավորումը և «Միասնության թևեր» քաղաքական նախաձեռնությունը ընտրություններին
կմասնակցեն միասին։
