Դուբայի օդանավակայանը ժամանակավորապես փակվել է
12:22 07.03.2026 (Թարմացված է: 12:50 07.03.2026)
© AP Photo / Altaf Qadri
Բաժանորդագրվել
Ավելի վաղ հայտնել էինք, որ Դուբայ-Երևան թռիչքը երկու անգամ հետաձգվել է։
ԵՐԵՎԱՆ, 7 մարտի – Sputnik․ Դուբայի միջազգային օդանավակայանը ժամանակավորապես ամբողջությամբ փակ է։ Այս մասին Դուբայի օդանավակայանը հայտարարություն է տարածել պաշտոնական կայքէջում։
«Ուղևորների, օդանավակայանի և ավիաընկերության անձնակազմերի անվտանգության նկատառումներից ելնելով՝ Դուբայի միջազգային (DXB) օդանավակայանի աշխատանքը ժամանակավորապես դադարեցվել է: Բոլոր գործընթացները կատարվում են սահմանված անվտանգության ընթացակարգերի համաձայն»,- հայտնում են օդանավակայանից։
Ավելի վաղ հայտնել էինք, որ Դուբայ-Երևան թռիչքն արդեն 2 անգամ հետաձգվել է օդանավակայանի մոտակայքում ԱԹՍ-ի ընկնելու հետևանքով։ Առավոտյան 06։55 նախատեսված թռիչքն ըստ առցանց չվացուցակի` կայանալու է 15։00-ին։
Հիշեցնենք, որ ի պատասխան ամերիկա-իսրայելական հարձակման՝ Իրանը հարվածներ է հասցրել Պարսից ծոցի երկրներում տեղակայված օբյեկտների ուղղությամբ։ Վնասվել են Դուբայի օդանավակայանը, որն օրական շուրջ 1000 չվերթ է սպասարկում, ինչպես նաև Աբու Դաբիի օդանավակայանը։ Չեղարկվել են հազարավոր չվերթեր, այդ թվում` Դուբայից, Աբու Դաբիից և Շարժայից դեպի Հայաստան և հակառակ ուղղությամբ։
