Դուբայի միջազգային օդանավակայանից առաջին չվերթերն են իրականացվել
© Photo : соцсети
Բաժանորդագրվել
Դուբայից դեպի Երևան նախատեսված չվերթերի կարգավիճակն առայժմ «չեղարկված է» նշված։
ԵՐԵՎԱՆ, 2 մարտի – Sputnik․ Դուբայի միջազգային օդանավակայանից առաջին չվերթերն են իրականացվել փետրվարի 28-ին իրանական հարվածից հետո։ Օդանավակայանի առցանց չվացուցակից երևում է, որ երկու չվերթեր են իրականացվել դեպի Հնդկաստան՝ Մումբայ և Չենայ, մեկ չվերթ՝ դեպի Մոսկվա։
Ըստ չվացուցակի՝ առաջիկա ժամերի ընթացքում թռիչքներ կիրականացվեն դեպի Հնդկաստանի մայրաքաղաք Նյու Դելի և Հայդարաբադ, Բանգալոր, եվրոպական քաղաքներ՝ Բելգրադ, Բուխարեստ, Վարշավա, Պոզնան, ինչպես նաև, Շարմ էլ Շեյխ, Եկատերինբուրգ, Կազան, Ալմաթի, Աստանա, Տաշքենդ։ Դեպի Երևան նախատեսվող չվերթերն առայժմ չվացուցակում չեղարկված են։
Հիշեցնենք, որ ի պատասխան ամերիկա-իսրայելական հարձակման՝ Իրանը հարվածներ է հասցրել Պարսից ծոցի երկրներում տեղակայված օբյեկտների ուղղությամբ։ Վնասվել էին Դուբայի օդանավակայանը, որն օրական շուրջ 1000 չվերթ է սպասարկում, ինչպես նաև Աբու Դաբիի օդանավակայանը։ Չեղարկվել են հազարավոր չվերթեր, այդ թվում Դուբայից, Աբու Դաբիից և Շարժայից դեպի Հայաստան և հակառակ ուղղությամբ։
