https://arm.sputniknews.ru/20260128/maghtum-em-vor-mi-or-mer-banakn-eli-arjuts-ghekavarner-unena-levvon-zurabjan-98177430.html
Խաղաղության ոչ մի երաշխիք չկա, զուտ նախընտրական զինադադար է․ Լևոն Զուրաբյան
Խաղաղության ոչ մի երաշխիք չկա, զուտ նախընտրական զինադադար է․ Լևոն Զուրաբյան
Sputnik Արմենիա
ՀԱԿ փոխնախագահը վստահ է, որ Ալիևն այն «կնքել է», որ Հայաստանում ամրապնդվի Փաշինյանի իշխանությունը։ 28.01.2026, Sputnik Արմենիա
2026-01-28T13:27+0400
2026-01-28T13:27+0400
2026-01-28T15:22+0400
լևոն զուրաբյան
նիկոլ փաշինյան
հայաստան
ադրբեջան
խաղաղության պայմանագիր
եռաբլուր պանթեոն
բանակ
https://cdn.am.sputniknews.ru/img/07e9/0c/04/96529306_0:0:2500:1407_1920x0_80_0_0_6a1d821eef16a000554b63877582ebf1.jpg
ԵՐԵՎԱՆ, 28 հունվարի – Sputnik․ ՀԱԿ փոխնախագահ Լևոն Զուրաբյանը լիահույս է, որ մի օր Հայոց բանակը կրկին առյուծ ղեկավարներ կունենա և կկարողանա դուրս գալ այս նվաստացուցիչ պարտությունների շրջափուլից։ Այդ մասին նա ասաց այսօր «Եռաբլուր» զինվորական պանթեոնում լրագրողների հետ զրույցում։Ինչ վերաբերում է հունվարի 27-ը բոլոր պատերազմներում հայրենիքի համար զոհվածների հիշատակի օր հայտարարելուն՝ Զուրաբյանը դա սրբապղծություն համարեց։ Նրա խոսքով՝ իշխանություններն իրենք են խոստովանել, որ չեն դադարեցրել պատերազմը, որպեսզի իրենց դավաճան չանվանեն, ստացվում է, որ գիտակցաբար հազարավոր մարդկանց կյանքեր են զոհաբերել։«Այսինքն՝ հիմնադրում են իրենց զոհաբերած մարդկանց հիշատակը հարգելու համար»,- ասաց Զուրաբյանը։Անդրադառնալով ՀՀ վարչապետ Նիկոլ Փաշինյանի ուղերձում նշված պնդումներին, թե այսօր ՀՀ զինված ուժերը համալրվում է այնպիսի պարամետրերի զինտեխնիկայով, որ նախկինում երբևէ ձեռք չի բերվել, Զուրաբյանը նշեց՝ խորը կասկածներ ունի, որովհետև չի վստահում Փաշինյանի խոսքերին։Ինչ վերաբերում է այն հարցին, թե արդյոք այսօր բանակն է շարունակում մնալ ՀՀ անվտանգության երաշխավորը, թե, ինչպես իշխանությունն է պնդում՝ խաղաղության պայմանագիրը, Զուրաբյանը նշեց՝ հիմա ոչ մի երաշխիք չկա, սա զուտ նախընտրական զինադադար է։ Վստահ է, որ Ալիևն այն «կնքել է», որ Հայաստանում ամրապնդվի Փաշինյանի իշխանությունը։«Այդ բոլորը ժեստերը՝ ադրբեջանական նավթ, ուրիշ բաներ էլ կանեն․․․ այդ ամենը նրա համար է, որ Նիկոլ Փաշինյանը ստանձնի Ադրբեջանի գեներալ-գուբերնատորի պաշտոնը Հայաստանում»,- ասաց ՀԱԿ փոխնախագահը։Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։2026 թվականի հունվարի 14-ին հրապարակվեց «Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։
ադրբեջան
եռաբլուր պանթեոն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լևոն զուրաբյան, նիկոլ փաշինյան, հայաստան, ադրբեջան, խաղաղության պայմանագիր, եռաբլուր պանթեոն, բանակ
լևոն զուրաբյան, նիկոլ փաշինյան, հայաստան, ադրբեջան, խաղաղության պայմանագիր, եռաբլուր պանթեոն, բանակ
Խաղաղության ոչ մի երաշխիք չկա, զուտ նախընտրական զինադադար է․ Լևոն Զուրաբյան
13:27 28.01.2026 (Թարմացված է: 15:22 28.01.2026) ՀԱԿ փոխնախագահը վստահ է, որ Ալիևն այն «կնքել է», որ Հայաստանում ամրապնդվի Փաշինյանի իշխանությունը։
ԵՐԵՎԱՆ, 28 հունվարի – Sputnik․ ՀԱԿ փոխնախագահ Լևոն Զուրաբյանը լիահույս է, որ մի օր Հայոց բանակը կրկին առյուծ ղեկավարներ կունենա և կկարողանա դուրս գալ այս նվաստացուցիչ պարտությունների շրջափուլից։ Այդ մասին նա ասաց այսօր «Եռաբլուր» զինվորական պանթեոնում լրագրողների հետ զրույցում։
«Ալեքսանդր Մակեդոնացին ժամանակին ասում էր՝ անգամ ոչխարների բանակը, եթե առյուծ ղեկավար ունի, կարող է հաղթել և հակառակը՝ առյուծները, եթե ունեն ոչխար զորավար, պարտվում են։ Մեր առյուծ բանակը հիմնադրել են առյուծ ղեկավարները, մաղթում եմ, որ շուտով նորից բանակն ունենա առյուծ ղեկավարներ»,- ասաց Զուրաբյանը։
Ինչ վերաբերում է հունվարի 27-ը բոլոր պատերազմներում հայրենիքի համար զոհվածների հիշատակի օր հայտարարելուն՝ Զուրաբյանը դա սրբապղծություն համարեց։ Նրա խոսքով՝ իշխանություններն իրենք են խոստովանել, որ չեն դադարեցրել պատերազմը, որպեսզի իրենց դավաճան չանվանեն, ստացվում է, որ գիտակցաբար հազարավոր մարդկանց կյանքեր են զոհաբերել։
«Այսինքն՝ հիմնադրում են իրենց զոհաբերած մարդկանց հիշատակը հարգելու համար»,- ասաց Զուրաբյանը։
Անդրադառնալով ՀՀ վարչապետ Նիկոլ Փաշինյանի ուղերձում նշված պնդումներին, թե այսօր ՀՀ զինված ուժերը համալրվում է այնպիսի պարամետրերի զինտեխնիկայով, որ նախկինում երբևէ ձեռք չի բերվել, Զուրաբյանը նշեց՝ խորը կասկածներ ունի, որովհետև չի վստահում Փաշինյանի խոսքերին։
«Իմ աչքի առաջ գալիս է այն տեսարանը, երբ ինքն առել էր ՍՈւ 30 ինքնաթիռները, բարձրացել էր, ֆոտոներ էր անում, ցուցադրում էր, որ սրանով կանխվում է պատերազմի հնարավորությունը, ինչ լուրջ տեխնիկա է, հետո պարզվեց, որ ինքը չի առել հրթիռները, օդաչուների թրեյնինգների ծառայությունները, պահեստամասերի սպասարկումը և այլն»,- ասաց Զուրաբյանը։
Ինչ վերաբերում է այն հարցին, թե արդյոք այսօր բանակն է շարունակում մնալ ՀՀ անվտանգության երաշխավորը, թե, ինչպես իշխանությունն է պնդում՝ խաղաղության պայմանագիրը, Զուրաբյանը նշեց՝ հիմա ոչ մի երաշխիք չկա, սա զուտ նախընտրական զինադադար է։ Վստահ է, որ Ալիևն այն «կնքել է», որ Հայաստանում ամրապնդվի Փաշինյանի իշխանությունը։
«Այդ բոլորը ժեստերը՝ ադրբեջանական նավթ, ուրիշ բաներ էլ կանեն․․․ այդ ամենը նրա համար է, որ Նիկոլ Փաշինյանը ստանձնի Ադրբեջանի գեներալ-գուբերնատորի պաշտոնը Հայաստանում»,- ասաց ՀԱԿ փոխնախագահը։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացած
համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ
ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը։
2026 թվականի հունվարի 14-ին
հրապարակվեց «Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։
