https://arm.sputniknews.ru/20260119/azati-zvoramasi-voghbergutjan-3-rd-tarelicy-inch-en-pahanjum-tuzhvoghneri-iravahajvordnery-97882958.html
Ազատի զորամասի ողբերգության 3-րդ տարելիցը. ի՞նչ են պահանջում տուժողների իրավահաջորդները
Ազատի զորամասի ողբերգության 3-րդ տարելիցը. ի՞նչ են պահանջում տուժողների իրավահաջորդները
Sputnik Արմենիա
Փաստաբանի խոսքով` դեպքի իրական պատկերը վերականգնելու միջնորդություն են ներկայացնելու։ 19.01.2026, Sputnik Արմենիա
2026-01-19T12:52+0400
2026-01-19T12:52+0400
2026-01-19T13:01+0400
ազատ գյուղ
կացարան
հրդեհ
զինվոր
մահ
նորիկ նորիկյան
https://cdn.am.sputniknews.ru/img/07e7/01/13/54036800_0:0:1601:901_1920x0_80_0_0_0374e3ba132c2531f9dc4542898f25b1.jpg
ԵՐԵՎԱՆ, 19 հունվարի – Sputnik. Ազատ գյուղի զինվորական կացարանի հրդեհի գործով տուժածների իրավահաջորդները ողբերգությունից 3 տարի անց էլ չեն հրաժարվել ՀՀ վարչապետ Նիկոլ Փաշինյանին և պաշտպանության նախարար Սուրեն Պապիկյանին դատակոչելու միջնորդություն ներկայացնելու մտքից։ Այսօր՝ դեպքի 3-րդ տարելիցին նվիրված ասուլիսի ժամանակ, այս մասին հայտարարեց նրանց փաստաբան Նորայր Նորիկյանը։Ինչպես հայտնի է, 2023–ի հունվարի 19-ին՝ ժամը 01:30-ի սահմաններում, հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել էին 15, վնասվածքներ ստացել` 7 զինծառայող։Տուժող կողմը դժգոհ է նաև գործից անջատված վարույթի նախաքննությունից։ Գևորգ Ավետիսյանը, որը եղել է այդ զորամասի հրամանատարի` թիկունքի գծով տեղակալը, մեղադրյալներից մեկն է, և նրա նկատմամբ քրեական գործը քննվում է առանձնացված վարույթով։ Նորիկյանի խոսքով՝ արդեն երկու տարի է անցել, բայց որևէ նորություն չկա։«Արդեն երկու տարի է` Քննչական կոմիտեի զինվորական քննչական գլխավոր վարչությունում քրեական վարույթ կա, որի վերջը չի երևում։ Եղել են առիթներ, երբ հարցրել ենք գործի ընթացքի մասին, սակայն ստացել ենք անորոշ և ոչինչ չասող պատասխաններ։ Մենք այդ անջատված վարույթից սպասելիք չունենք»,– նշեց Նորայր Նորիկյանը։Փաստաբանը հիշեցրեց, որ 2025 թվականի ընթացքում կայացած դատական նիստերի ժամանակ հարցաքննվել են 19 տուժող և բոլոր վկաները։ Այժմ մեկնարկում է 5 մեղադրյալների հարցաքննությունը, որից հետո տուժող կողմը նոր միջնորդություններ է ներկայացնելու։Հիշեցնենք` դեպքից անմիջապես հետո պաշտոններից ազատվել էին 2-րդ բանակային կորպուսի հրամանատարն ու այլ բարձրաստիճան զինվորականներ։Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով։ Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։Այս գործով առայժմ մեկ դատավաճիռ է կայացվել` 3 տարվա ազատազրկման է դատապարտվել վաշտի հերթապահ Ռադիկ Մաթևոսյանը։Քրգործ է հարուցվել նաև զորամասի ինժեներասակրավորային վաշտի հրամանատար Գ.Մ.-ի և ինժեներական ծառայության սպա Եղիշե Հակոբյանի նկատմամբ։
ազատ գյուղ
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ազատ գյուղ, կացարան, հրդեհ, զինվոր, մահ, նորիկ նորիկյան
ազատ գյուղ, կացարան, հրդեհ, զինվոր, մահ, նորիկ նորիկյան
Ազատի զորամասի ողբերգության 3-րդ տարելիցը. ի՞նչ են պահանջում տուժողների իրավահաջորդները
12:52 19.01.2026 (Թարմացված է: 13:01 19.01.2026) Փաստաբանի խոսքով` դեպքի իրական պատկերը վերականգնելու միջնորդություն են ներկայացնելու։
ԵՐԵՎԱՆ, 19 հունվարի – Sputnik. Ազատ գյուղի զինվորական կացարանի հրդեհի գործով տուժածների իրավահաջորդները ողբերգությունից 3 տարի անց էլ չեն հրաժարվել ՀՀ վարչապետ Նիկոլ Փաշինյանին և պաշտպանության նախարար Սուրեն Պապիկյանին դատակոչելու միջնորդություն ներկայացնելու մտքից։ Այսօր՝ դեպքի 3-րդ տարելիցին նվիրված ասուլիսի ժամանակ, այս մասին հայտարարեց նրանց փաստաբան Նորայր Նորիկյանը։
Ինչպես հայտնի է, 2023–ի հունվարի 19-ին՝ ժամը 01:30-ի սահմաններում,
հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում:
Հրդեհի հետևանքով զոհվել էին 15, վնասվածքներ ստացել` 7 զինծառայող։
«Տառացիորեն երկու օր առաջ նորից ուսումնասիրել ենք 2023 թվականի հունվարի 19-ի կառավարության նիստը, մասնավորապես՝ վարչապետ Փաշինյանի դիտարկումները և պաշտպանության նախարարության զեկույցները։ Կարծում եմ՝ նրանք պետք է հրավիրվեն դատարան հարցաքննության, քանի որ նրանց ասածները կարող են անհրաժեշտ լինել գործի ճշմարտության վերջնական բացահայտման համար»,– ասաց Նորիկյանը։
Տուժող կողմը դժգոհ է նաև գործից անջատված վարույթի նախաքննությունից։ Գևորգ Ավետիսյանը, որը եղել է այդ զորամասի հրամանատարի` թիկունքի գծով տեղակալը, մեղադրյալներից մեկն է, և նրա նկատմամբ քրեական գործը քննվում է առանձնացված վարույթով։ Նորիկյանի խոսքով՝ արդեն երկու տարի է անցել, բայց որևէ նորություն չկա։
«Արդեն երկու տարի է` Քննչական կոմիտեի զինվորական քննչական գլխավոր վարչությունում քրեական վարույթ կա, որի վերջը չի երևում։ Եղել են առիթներ, երբ հարցրել ենք գործի ընթացքի մասին, սակայն ստացել ենք անորոշ և ոչինչ չասող պատասխաններ։ Մենք այդ անջատված վարույթից սպասելիք չունենք»,– նշեց Նորայր Նորիկյանը։
Փաստաբանը հիշեցրեց, որ 2025 թվականի ընթացքում կայացած դատական նիստերի ժամանակ հարցաքննվել են 19 տուժող և բոլոր վկաները։ Այժմ մեկնարկում է 5 մեղադրյալների հարցաքննությունը, որից հետո տուժող կողմը նոր միջնորդություններ է ներկայացնելու։
«Միջնորդելու ենք, որ իրականացվի կրկնակի քննչական փորձարարություն, այսինքն՝ հնարավորինս վերականգնվեն դեպքի իրական պայմանները։ Նաև միջնորդություն կլինի հարցաքննել դատաբժշկական փորձաքննություն իրականացրած մասնագետներին»,– հավելեց փաստաբանը։
Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով։
Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
Այս գործով առայժմ մեկ դատավաճիռ է կայացվել`
3 տարվա ազատազրկման է դատապարտվել վաշտի հերթապահ Ռադիկ Մաթևոսյանը։
Քրգործ է հարուցվել նաև զորամասի ինժեներասակրավորային վաշտի հրամանատար
Գ.Մ.-ի և ինժեներական ծառայության սպա
Եղիշե Հակոբյանի նկատմամբ։
