https://arm.sputniknews.ru/20260112/dzhgvoh-em-varchakan-shrjanneri-ashkhatanqic-avinjany-amanvorin-dznamaqrman-masin-97650057.html
Դժգոհ եմ վարչական շրջանների աշխատանքից․ Ավինյանը՝ Ամանորին ձնամաքրման մասին
Դժգոհ եմ վարչական շրջանների աշխատանքից․ Ավինյանը՝ Ամանորին ձնամաքրման մասին
Sputnik Արմենիա
Երևանի քաղաքապետը նշում է, որ բացի ձնամաքրման ոչ պատշաճ կատարումից, արձանագրություններ էլ են քիչ կազմվել կամ առհասարակ չեն կազմվել։ 12.01.2026, Sputnik Արմենիա
2026-01-12T10:36+0400
2026-01-12T10:36+0400
2026-01-12T10:38+0400
ձյուն
տիգրան ավինյան
երևան
երևանի քաղաքապետարան
https://cdn.am.sputniknews.ru/img/07e8/03/0c/73268707_0:0:1600:900_1920x0_80_0_0_2cc06dfadf052d6aac73c05b3f107e97.jpg
ԵՐԵՎԱՆ, 12 հունվարի - Sputnik. Ամանորին առաջնային և երկրորդային ճանապարհներին ձնամաքրման հետ կապված գրեթե խնդիր չենք ունեցել, բայց վարչական շրջանների կատարած աշխատանքի մասով դժգոհություն կա։ Այս մասին Երևանի քաղաքապետարանի գործակարգավարական խորհրդակցության ժամանակ ասաց Երևանի քաղաքապետ Տիգրան Ավինյանը։Օրինակ բերեց՝ Կիևյան փողոցի խանութներից մեկի սեփականատերը մաքրել է իր տարածքի դիմացի հատվածը, բայց Ավինյանին էլ ասել է, թե իրեն դրա համար գումար պետք է տրվի։ Քաղաքապետը վրդովվեց, որ տնտեսվարողները չգիտեն իրենց պարտավորությունների մասին։Նա ևս մի քանի պատճառ ներկայացրեց, թե ինչ դժգոհություններ ունի։ Շեշտեց՝ երկրորդ խնդիրն այն է, որ դեկտեմբերի 31-ից հունվարի 3-ը որոշ վարչական շրջաններ, որոնք գործիքներ ունեն, բակային տարածքներում պետք է իրականացնեին աշխատանքներ, ինչը չի արվել։«Մարդիկ նոր տարի էին անում։ Ես հասկանում եմ, որ դա էլ է մոտեցում, բայց դա այն մոտեցումը չէ, որի մասին ես խոսել եմ տարվա վերջին։ Հատուկ շեշտել եմ՝ մենք ունենք ձյուն, ու պետք է աշխատել 24/7 ռեժիմով, ինչպես դա արել է ԵԱՍՄ հիմնարկը։ Երրորդը՝ դուք հանրագումարով ունեք մոտ 300 աշխատակից, որոնք պետք է արձանագրեն տարատեսակ վարչական խախտումներ, ու երբ դրանք հանում եմ, համեմատում եմ հասարակական կարգի պահպանման վարչության քանակի հետ, խայտառակ թվեր են ստացվում»,- նշեց Ավինյանը։Նա վստահեցրեց՝ լուրջ փոփոխությունների կարիք կա, ինչը շուտով անպայման կքննարկեն։Հիշեցնենք, որ 2025թ–ի դեկտեմբերի 27-ին, երբ Երևանում տեղաց առաջին ձյունը, քաղաքապետարանից վստահեցրին՝ բոլոր վարչական շրջաններում ձնամաքրման աշխատանքները կատարվել են, բայց բակերում ու մայթերին դեռ խնդիր կա։ Այնուհետև Ավինյանը հայտարարեց, որ դեկտեմբերի 31-ից հունվարի 2-ը ձյան առատ տեղումներ են լինելու, ինչը նշանակում է՝ պետք է պատրաստ լինել, որպեսզի քաղաքն անցանելի լինի ու պնդեց՝ հանգստի ժամանակ չկա։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ձյուն, տիգրան ավինյան, երևան, երևանի քաղաքապետարան
ձյուն, տիգրան ավինյան, երևան, երևանի քաղաքապետարան
Դժգոհ եմ վարչական շրջանների աշխատանքից․ Ավինյանը՝ Ամանորին ձնամաքրման մասին
10:36 12.01.2026 (Թարմացված է: 10:38 12.01.2026) Երևանի քաղաքապետը նշում է, որ բացի ձնամաքրման ոչ պատշաճ կատարումից, արձանագրություններ էլ են քիչ կազմվել կամ առհասարակ չեն կազմվել։
ԵՐԵՎԱՆ, 12 հունվարի - Sputnik. Ամանորին առաջնային և երկրորդային ճանապարհներին ձնամաքրման հետ կապված գրեթե խնդիր չենք ունեցել, բայց վարչական շրջանների կատարած աշխատանքի մասով դժգոհություն կա։ Այս մասին Երևանի քաղաքապետարանի գործակարգավարական խորհրդակցության ժամանակ ասաց Երևանի քաղաքապետ Տիգրան Ավինյանը։
«Իմ տպավորությամբ և կարծիքով` մեծ ինտենսիվությամբ աշխատանքներ կատարվել են, բայց վարչական շրջանների կատարած աշխատանքից դժգոհ եմ մի քանի պատճառով։ Բավարար չափով ջանք չի գործադրվել, որ մասնավոր տնտեսվարողները, որոնք պարտականություն ունեն, իրենց դիմացի հատվածներում ձնամաքրման աշխատանքներ կատարեն։ Սա պնդում եմ, որովհետև կան վարչական շրջաններ, որտեղ որևէ վարչական տուգանք չի գրվել այս հոդվածով։ Դրանք 4-5-ն են, ու դրան բացատրություն չկա»,- նշեց Երևանի քաղաքապետը։
Օրինակ բերեց՝ Կիևյան փողոցի խանութներից մեկի սեփականատերը մաքրել է իր տարածքի դիմացի հատվածը, բայց Ավինյանին էլ ասել է, թե իրեն դրա համար գումար պետք է տրվի։ Քաղաքապետը վրդովվեց, որ տնտեսվարողները չգիտեն իրենց պարտավորությունների մասին։
Նա ևս մի քանի պատճառ ներկայացրեց, թե ինչ դժգոհություններ ունի։ Շեշտեց՝ երկրորդ խնդիրն այն է, որ դեկտեմբերի 31-ից հունվարի 3-ը որոշ վարչական շրջաններ, որոնք գործիքներ ունեն, բակային տարածքներում պետք է իրականացնեին աշխատանքներ, ինչը չի արվել։
«Մարդիկ նոր տարի էին անում։ Ես հասկանում եմ, որ դա էլ է մոտեցում, բայց դա այն մոտեցումը չէ, որի մասին ես խոսել եմ տարվա վերջին։ Հատուկ շեշտել եմ՝ մենք ունենք ձյուն, ու պետք է աշխատել 24/7 ռեժիմով, ինչպես դա արել է ԵԱՍՄ հիմնարկը։ Երրորդը՝ դուք հանրագումարով ունեք մոտ 300 աշխատակից, որոնք պետք է արձանագրեն տարատեսակ վարչական խախտումներ, ու երբ դրանք հանում եմ, համեմատում եմ հասարակական կարգի պահպանման վարչության քանակի հետ, խայտառակ թվեր են ստացվում»,- նշեց Ավինյանը։
Նա վստահեցրեց՝ լուրջ փոփոխությունների կարիք կա, ինչը շուտով անպայման կքննարկեն։
Հիշեցնենք, որ 2025թ–ի դեկտեմբերի 27-ին, երբ Երևանում տեղաց առաջին ձյունը, քաղաքապետարանից վստահեցրին՝ բոլոր վարչական շրջաններում ձնամաքրման աշխատանքները կատարվել են, բայց բակերում ու մայթերին դեռ խնդիր կա։ Այնուհետև
Ավինյանը հայտարարեց, որ դեկտեմբերի 31-ից հունվարի 2-ը ձյան առատ տեղումներ են լինելու, ինչը նշանակում է՝ պետք է պատրաստ լինել, որպեսզի քաղաքն անցանելի լինի ու պնդեց՝ հանգստի ժամանակ չկա։
