https://arm.sputniknews.ru/20260112/masjacvotni-temi-eritasardac-miutjunnern-ajakcum-en-nvoranshanak-arajnvord-hajr-rubenin-97670314.html

Մասյացոտնի թեմի երիտասարդաց միություններն աջակցում են նորանշանակ առաջնորդ հայր Ռուբենին

Մասյացոտնի թեմի երիտասարդաց միություններն աջակցում են նորանշանակ առաջնորդ հայր Ռուբենին

Sputnik Արմենիա

Նրանք տարակուսած են հոգևոր հայրերի քայլերից, որոնցով փորձում են բաժանարար մոտեցումների մեջ ներքաշել նաև երիտասարդներին։ 12.01.2026, Sputnik Արմենիա

2026-01-12T17:18+0400

2026-01-12T17:18+0400

2026-01-12T18:01+0400

մասյացոտնի թեմ

հայ առաքելական եկեղեցի

երիտասարդ

գևորգ եպիսկոպոս սարոյան

ռուբեն վարդապետ զարգարյան

տեր ռուբեն վարդապետ զարգարյան

https://cdn.am.sputniknews.ru/img/07e9/0b/14/96041113_0:0:1200:675_1920x0_80_0_0_15033c19bbc1a74c753f6f29b0bad2cb.jpg

ԵՐԵՎԱՆ, 12 հունվարի - Sputnik. Մասյացոտնի թեմի երիտասարդական միություններն ու անդամներն ու աջակցություն են հայտնել թեմի նորանշանակ առաջնորդ տեր Ռուբեն վարդապետ Զարգարյանին։Ինչպես հայտնել ենք, Ամենայն հայոց կաթողիկոս Գարեգին Բ–ի հայրապետական տնօրինությամբ Մասյացոտնի թեմի առաջնորդ տեր Գևորգ եպիսկոպոս Սարոյանն ազատվել է թեմակալ առաջնորդի պաշտոնից։ Նրա փոխարեն առաջնորդական տեղապահ է նշանակվել տեր Ռուբեն վարդապետ Զարգարյանը։ Գևորգ եպիսկոպոս Սարոյանի՝ թեմակալ առաջնորդի պաշտոնից ազատմանը հետևեց ՀՀ վարչապետ Նիկոլ Փաշինյանի արձագանքը. նա գրեց, որ կաթողիկոսի կայացրած որոշումներն իրենց համար արժեք չունեն և հայտարարեց, որ «տեր Գևորգ եպիսկոպոս Սարոյանը շարունակում է մնալ Հայաստանյայց առաքելական սուրբ եկեղեցու Մասյացոտնի թեմի առաջնորդ»։Շեշտում են, որ մեծ ցավով են հետևում հոգևոր հայրերի խռովարար հայտարարություններին, տարակուսելի են համարում նրանց քայլերը, որոնցով փորձում են նաև երիտասարդներին ներքաշել բաժանարար մոտեցումների մեջ։«Մեր ամենաջերմ հիշողություններով և միասին անցած ճանապարհի կարոտով՝ աղոթում ենք, որ Տերը հեռու վանի մեզնից պառակտիչ փորձությունները և կենարար խաղաղություն և իմաստություն շնորհի ամենքիս։ Մնանք աղոթքով»,- ասվում է հայտարարության վերջում։Հայտարարությանը միացել են թեմի առաջնորդանիստ Սուրբ Հովհաննես Ավետարանիչ մայր եկեղեցու երիտասարդաց միության նախկին և ներկա ատենապետները, միության անդամներ, Դալարի Սուրբ Աստվածածին, Մխչյանի Սուրբ Հովհաննես Մկրտիչ եկեղեցիների երիտասարդաց միությունների ատենապետներն ու բազմաթիվ անդամներ։Երիտասարդները դիմում են Մասյացոտնի թեմի մյուս երիտասարդաց միությունների անդամներին՝ նրանց ևս հրավիրելով միանալ այս հայտարարությանը:Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը, Մայր աթոռի դիվանապետ Արշակ արքեպիսկոպոս Խաչատրյանը։2026 թ–ի հունվարի 4-ին ՀՀ վարչապետ Նիկոլ Փաշինյանն ու կաթողիկոսի հեռացումը պահանջող 10 եպիսկոպոսները հայտարարեցին Հայ առաքելական եկեղեցու «բարենորոգման» մեկնարկի մասին ու հրապարակեցին այսպես կոչված իրենց «ճանապարհային քարտեզը»։Հավելենք, որ հունվարի 6-ին՝ Սուրբ Ծննդյան պատարագից հետո, Փաշինյանն «ուխտերթ» կազմակերպեց Երևանի կենտրոնում, որի ավարտին իր համախոհներին կոչ արեց մասնակցել պատարագներին և հորդորել հոգևորականներին միանալ եկեղեցու «բարենորոգմանը» ու զեղչել կաթողիկոսի անունը։

2026

Լուրեր

am_HY

մասյացոտնի թեմ, հայ առաքելական եկեղեցի, երիտասարդ, գևորգ եպիսկոպոս սարոյան, ռուբեն վարդապետ զարգարյան, տեր ռուբեն վարդապետ զարգարյան