https://arm.sputniknews.ru/20260108/pashinjany-pndum-e-hh-tntesakan-atshn-aveli-qan-50-tvokvos-e-nvor-dvoktrin-e-petq-97562539.html
Գործարարների հետ զգուշորեն քննարկել եմ Հարկային նոր օրենսգիրք ընդունելու հարցը. Փաշինյան
Գործարարների հետ զգուշորեն քննարկել եմ Հարկային նոր օրենսգիրք ընդունելու հարցը. Փաշինյան
Sputnik Արմենիա
Նշվում է, որ դոկտրինը պայմանավորված է նաև տարածաշրջանային և արտաքին քաղաքական այն նոր միջավայրով, որը ձևավորվում է Հայաստանի շուրջ։ 08.01.2026, Sputnik Արմենիա
2026-01-08T11:55+0400
2026-01-08T11:55+0400
2026-01-08T12:43+0400
նիկոլ փաշինյան
տնտեսություն
հայաստան
հհ կառավարություն
հնա (համախառը ներքին արդյունք)
https://cdn.am.sputniknews.ru/img/07e9/0c/15/97115264_0:200:2929:1848_1920x0_80_0_0_474b8cc83f367ece45c5ee2707ea8e7d.jpg
ԵՐԵՎԱՆ, 8 հունվարի - Sputnik. ՀՀ Վարչապետ Նիկոլ Փաշինյանը վերջերս գործարարների հետ զգուշորեն քննարկել է Հարկային նոր օրենսգիրք ընդունելու տարբերակը, որի կարգավորումները հնարավոր կլինի ուժի մեջ պահել մոտ 10 տարի։ ՀՀ վարչապետն այս մասին ասաց ՀՀ կառավարության այսօրվա նիստի ժամանակ` ներկայացնելով Հայաստանի տնտեսական և ինստիտուցիոնալ վերափոխման դոկտրինը հաստատելու մասին որոշման նախագիծը։Նրա խոսքով՝ սա կօգնի մեծացնել Հայաստանի ներդրումային միջավայրի գրավչությունը։ Փաշինյանը նշեց, որ 2018թ․-ից ի վեր ՀՀ տնտեսությունն աճել է ավելի քան 50 տոկոսով, ՀՆԱ-ն ավելի քան կրկնապատկվել է։ԵԱԶԲ–ի վերլուծաբանը նշել է 2026 թվականին Հայաստանի տնտեսության հիմնական ռիսկերըՓաշինյանը շեշտեց, որ Հայաստանը վերջին տարիներին տնտեսական, ինստիտուցիոնալ և անվտանգային վերափոխումների փուլում է։Ակնկալվում է, որ նոր դոկտրինի շնորհիվ կբարձրանա քաղաքականությունների կանխատեսելիությունը և ներդրումային միջավայրի նկատմամբ վստահությունը, կամրապնդվի հանրային կառավարման արդյունավետությունը և հաշվետվողականությունը, կբարձրանա Հայաստանի տնտեսական դիմակայունությունը և անվտանգային կայունությունը և այլն։Ըստ Փաշինյանի՝ առաջին անգամ Հայաստանը նպատակաուղղված ձևավորում է տնտեսություն՝ ելնելով տարածաշրջանային կայուն խաղաղության պայմաններից։ Նրա խոսքով՝ խաղաղության օրակարգն արմատապես փոխում է տնտեսության կառուցվածքը, մրցակցային միջավայրը, լոգիստիկան՝ ստեղծելով զարգացման նոր հնարավորություններ։ Դոկտրինը, ըստ Փաշինյանի, պայմանավորված է նաև տարածաշրջանային և արտաքին քաղաքական այն նոր միջավայրով, որը ձևավորվում է Հայաստանի շուրջ։Հայաստանի ՀՆԱ-ի աճը 2026 թվականին կկազմի 5.3%. ԵԱԶԲ–ի կանխատեսումը
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, տնտեսություն, հայաստան, հհ կառավարություն, հնա (համախառը ներքին արդյունք)
նիկոլ փաշինյան, տնտեսություն, հայաստան, հհ կառավարություն, հնա (համախառը ներքին արդյունք)
Գործարարների հետ զգուշորեն քննարկել եմ Հարկային նոր օրենսգիրք ընդունելու հարցը. Փաշինյան
11:55 08.01.2026 (Թարմացված է: 12:43 08.01.2026) Նշվում է, որ դոկտրինը պայմանավորված է նաև տարածաշրջանային և արտաքին քաղաքական այն նոր միջավայրով, որը ձևավորվում է Հայաստանի շուրջ։
ԵՐԵՎԱՆ, 8 հունվարի - Sputnik. ՀՀ Վարչապետ Նիկոլ Փաշինյանը վերջերս գործարարների հետ զգուշորեն քննարկել է Հարկային նոր օրենսգիրք ընդունելու տարբերակը, որի կարգավորումները հնարավոր կլինի ուժի մեջ պահել մոտ 10 տարի։ ՀՀ վարչապետն այս մասին ասաց ՀՀ կառավարության այսօրվա նիստի ժամանակ` ներկայացնելով Հայաստանի տնտեսական և ինստիտուցիոնալ վերափոխման դոկտրինը հաստատելու մասին որոշման նախագիծը։
«Սա բավականին բարդ և վախենալու թեմա է, բայց մենք հայտարարում ենք, որ լրջորեն մոտենալու ենք այս հարցին և փորձագիտական, գործարար հանրությանն արդեն իսկ հրավիրել ենք այս թեմայով քննարկումներ ունենալու»,- ասաց Փաշինյանը։
Նրա խոսքով՝ սա կօգնի մեծացնել Հայաստանի ներդրումային միջավայրի գրավչությունը։ Փաշինյանը նշեց, որ 2018թ․-ից ի վեր ՀՀ տնտեսությունն աճել է ավելի քան 50 տոկոսով, ՀՆԱ-ն ավելի քան կրկնապատկվել է։
Փաշինյանը շեշտեց, որ Հայաստանը վերջին տարիներին տնտեսական, ինստիտուցիոնալ և անվտանգային վերափոխումների փուլում է։
«Անհրաժեշտ է ընդունել միասնական գաղափարական և քաղաքական-ռազմավարական փաստաթուղթ, որը կհաստատի ՀՀ տնտեսական և ինստիտուցիոնալ վերափոխման երկարաժամկետ տեսլականը, կսահմանի տնտեսական քաղաքականության նոր պարադիգմի հիմնական սկզբունքներն ու հենասյուները, կապահովի գործող և նոր մշակվելիք ոլորտային ռազմավարությունների և ծրագրերի միջնաժամկետ բյուջետային պլանավորման միասնական դաշտ»,- նշված է որոշման հիմնավորման մեջ։
Ակնկալվում է, որ նոր դոկտրինի շնորհիվ կբարձրանա քաղաքականությունների կանխատեսելիությունը և ներդրումային միջավայրի նկատմամբ վստահությունը, կամրապնդվի հանրային կառավարման արդյունավետությունը և հաշվետվողականությունը, կբարձրանա Հայաստանի տնտեսական դիմակայունությունը և անվտանգային կայունությունը և այլն։
Ըստ Փաշինյանի՝ առաջին անգամ Հայաստանը նպատակաուղղված ձևավորում է տնտեսություն՝ ելնելով տարածաշրջանային կայուն խաղաղության պայմաններից։ Նրա խոսքով՝ խաղաղության օրակարգն արմատապես փոխում է տնտեսության կառուցվածքը, մրցակցային միջավայրը, լոգիստիկան՝ ստեղծելով զարգացման նոր հնարավորություններ։ Դոկտրինը, ըստ Փաշինյանի, պայմանավորված է նաև տարածաշրջանային և արտաքին քաղաքական այն նոր միջավայրով, որը ձևավորվում է Հայաստանի շուրջ։
