https://arm.sputniknews.ru/20251226/hak-n-arajarkum-e-hajastani-taratsqvov-depi-iran-erkatughi-karucel-97269410.html
ՀԱԿ–ն առաջարկում է Հայաստանի տարածքով դեպի Իրան երկաթուղի կառուցել
ՀԱԿ–ն առաջարկում է Հայաստանի տարածքով դեպի Իրան երկաթուղի կառուցել
Sputnik Արմենիա
«Հայ ազգային կոնգրես» կուսակցությունում կարծում են, որ իրենց առաջարկը թույլ կտա Հայաստանի համար բոլորովին նոր իրավիճակ ստեղծել։ 26.12.2025, Sputnik Արմենիա
2025-12-26T15:50+0400
2025-12-26T15:50+0400
2025-12-26T15:51+0400
հայաստան
իրանի իսլամական հանրապետություն
ադրբեջան
թուրքիա
լևոն զուրաբյան
https://cdn.am.sputniknews.ru/img/07e9/0c/04/96529431_0:0:2500:1407_1920x0_80_0_0_02b57efe45e532a72f787f001264e6ac.jpg
ԵՐԵՎԱՆ, 26 դեկտեմբերի – Sputnik. «Հայ ազգային կոնգրես» կուսակցությունը Հայաստանի և Ադրբեջանի միջև իրական խաղաղության հաստատման համար առաջարկում է բացառապես Հայաստանի տարածքով դեպի Իրան երկաթուղի կառուցել։ Այս մասին ասուլիսի ժամանակ հայտարարեց ՀԱԿ վարչապետի թեկնածու, վարչության փոխնախագահ Լևոն Զուրաբյանը։Նրա խոսքով՝ «Թրամփի ուղի» նախագիծը թերություններ ունի ու ստեղծում է աշխարհաքաղաքական բախում, ինչպես նաև միակողմանի ծառայում է որոշ գերտերությունների շահերին։Ըստ նրա՝ երկրորդ խնդիրն էլ այն է, որ TRIPP-ի իրականացումը կհանգեցնի նրան, որ հայկական բոլոր կոմունիկացիաները կախված կլինեն Ադրբեջանից: Հետևաբար Հայաստանը կենթարկվի Բաքվի կողմից ճնշումների, որոնք կպահանջեն քաղաքական զիջումներ, այդ թվում՝ ժողովրդագրության ոլորտում։Կուսակցությունն առաջարկում է իր ծրագիրը։ Զուրաբյանի խոսքով՝ դեռևս 2016 թվականին չինական ընկերություններից մեկը կատարել է բոլոր հաշվարկները։ ՀԱԿ-ն առաջարկում է երկաթուղին կառուցել Գագարինից անցնելով Գավառի, Մարտունու, Գորայքի, Սիսիանի, Տաթևի, Մեղրու և Ագարակի տարածքներով դեպի Իրանի սահման:«Բնականաբար, կարծում ենք, որ Ագարակում այդ նախագիծը չպետք է ավարտվի։ Պետք է ճանապարհ ստեղծվի դեպի Թավրիզ կամ Ջուղա, ինչը թույլ կտա Հայաստանը երկաթուղով կապել Իրանի հետ։ Դա թույլ կտա Հայաստանի համար բոլորովին նոր իրավիճակ ստեղծել»,- ասաց Զուրաբյանը։Նրա խոսքով՝ երկաթուղին լինելու է Հայաստանի տարածքում, այն կարող է դառնալ Սև ծովը Պարսից ծոցին, Հնդկական ծոցին կապող միջազգային տրանսպորտային ճանապարհի մի մասը: Վստահ է՝ բեռնափոխադրումների բավականին լուրջ ծավալ կարող է իրականացվել այս երկաթուղու միջոցով։Զուրաբյանը նաև ընդգծեց՝ եթե Վրաստանի և Ռուսաստանի միջև երկաթուղի կառուցվի Ինգուշեթիայով, ապա դա կապահովի նաև ՌԴ-ի հետ ուղիղ կապն առանց Թուրքիայի և Ադրբեջանի ազդեցության:Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
իրանի իսլամական հանրապետություն
ադրբեջան
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, իրանի իսլամական հանրապետություն, ադրբեջան, թուրքիա, լևոն զուրաբյան
հայաստան, իրանի իսլամական հանրապետություն, ադրբեջան, թուրքիա, լևոն զուրաբյան
ՀԱԿ–ն առաջարկում է Հայաստանի տարածքով դեպի Իրան երկաթուղի կառուցել
15:50 26.12.2025 (Թարմացված է: 15:51 26.12.2025) «Հայ ազգային կոնգրես» կուսակցությունում կարծում են, որ իրենց առաջարկը թույլ կտա Հայաստանի համար բոլորովին նոր իրավիճակ ստեղծել։
ԵՐԵՎԱՆ, 26 դեկտեմբերի – Sputnik. «Հայ ազգային կոնգրես» կուսակցությունը Հայաստանի և Ադրբեջանի միջև իրական խաղաղության հաստատման համար առաջարկում է բացառապես Հայաստանի տարածքով դեպի Իրան երկաթուղի կառուցել։ Այս մասին ասուլիսի ժամանակ հայտարարեց ՀԱԿ վարչապետի թեկնածու, վարչության փոխնախագահ Լևոն Զուրաբյանը։
Նրա խոսքով՝ «Թրամփի ուղի» նախագիծը թերություններ ունի ու ստեղծում է աշխարհաքաղաքական բախում, ինչպես նաև միակողմանի ծառայում է որոշ գերտերությունների շահերին։
«Շատ գերտերություններ, այդ թվում` Ռուսաստանը, Չինաստանը, Հնդկաստանը, Իրանը, դուրս են շպրտվել այդ կարգավորումից։ Եվ դա աշխարհաքաղաքական լարվածության ական է ստեղծում»,- ասաց Զուրաբյանը։
Ըստ նրա՝ երկրորդ խնդիրն էլ այն է, որ TRIPP-ի իրականացումը կհանգեցնի նրան, որ հայկական բոլոր կոմունիկացիաները կախված կլինեն Ադրբեջանից: Հետևաբար Հայաստանը կենթարկվի Բաքվի կողմից ճնշումների, որոնք կպահանջեն քաղաքական զիջումներ, այդ թվում՝ ժողովրդագրության ոլորտում։
Կուսակցությունն առաջարկում է իր ծրագիրը։ Զուրաբյանի խոսքով՝ դեռևս 2016 թվականին չինական ընկերություններից մեկը կատարել է բոլոր հաշվարկները։ ՀԱԿ-ն առաջարկում է երկաթուղին կառուցել Գագարինից անցնելով Գավառի, Մարտունու, Գորայքի, Սիսիանի, Տաթևի, Մեղրու և Ագարակի տարածքներով դեպի Իրանի սահման:
«Բնականաբար, կարծում ենք, որ Ագարակում այդ նախագիծը չպետք է ավարտվի։ Պետք է ճանապարհ ստեղծվի դեպի Թավրիզ կամ Ջուղա, ինչը թույլ կտա Հայաստանը երկաթուղով կապել Իրանի հետ։ Դա թույլ կտա Հայաստանի համար բոլորովին նոր իրավիճակ ստեղծել»,- ասաց Զուրաբյանը։
Նրա խոսքով՝ երկաթուղին լինելու է Հայաստանի տարածքում, այն կարող է դառնալ Սև ծովը Պարսից ծոցին, Հնդկական ծոցին կապող միջազգային տրանսպորտային ճանապարհի մի մասը: Վստահ է՝ բեռնափոխադրումների բավականին լուրջ ծավալ կարող է իրականացվել այս երկաթուղու միջոցով։
Զուրաբյանը նաև ընդգծեց՝ եթե Վրաստանի և Ռուսաստանի միջև երկաթուղի կառուցվի Ինգուշեթիայով, ապա դա կապահովի նաև ՌԴ-ի հետ ուղիղ կապն առանց Թուրքիայի և Ադրբեջանի ազդեցության:
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած
համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ
ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը։
Փաշինյանը սեպտեմբերի 11-ին
հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
