Հայաստան ցիկլոն է գալիս. առատ տեղումներ են սպասվում ՀՀ տարածքում
14:16 09.12.2025 (Թարմացված է: 14:29 09.12.2025)
Ձյուն. Արխիվային լուսանկար
© Photo : соцсети
Բաժանորդագրվել
Մայրաքաղաքում և մարզերում դեկտեմբերի 9–14 ժամանակահատվածը կանցնի մառախուղի և որոշ շրջաններում՝ ձյան ուղեկցությամբ։
ԵՐԵՎԱՆ, 9 դեկտեմբերի – Sputnik. Հարավ-արևմուտքից ակտիվ ցիկլոնի ներթափանցմամբ պայմանավորված՝ հանրապետության ամբողջ տարածքում դեկտեմբերի 9-ի երեկոյան և 10-ի գիշերը մինչև առավոտյան ժամերը սպասվում են տեղումներ։ Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ–ը։
«Շիրակում, Լոռիում, Գեղարքունիքում, Արագածոտնի, Կոտայքի, Վայոց Ձորի, Սյունիքի լեռնային շրջաններում և Սյունիքի նախալեռնային շրջաններում տեղումները կլինեն ձյան և ձնախառն անձրևի տեսքով, տեղ-տեղ՝ ինտենսիվ։ Արարատյան դաշտում, Արագածոտնի, Կոտայքի և Վայոց Ձորի նախալեռնային շրջաններում, Տավուշի և Սյունիքի հովտային գոտիներում, այդ թվում նաև Երևանում սպասվում է անձրև, առանձին հատվածներում՝ հորդառատ»,– նշել է ՊՈԱԿ–ը։
Մայրաքաղաքում և մարզերում ընդհանուր առմամաբ դեկտեմբերի 9–14 ժամանակահատվածը կանցնի անձրևների, մառախուղի և որոշ շրջաններում՝ ձյան ուղեկցությամբ։ Դեկտեմբերի 9-ի ցերեկը և 10-ին մայրաքաղաքում կտեղա անձրև, սպասվում է նաև մառախուղ։
Դեկտեմբերի 11-12-ին, ինչպես նաև 13-ի ցերեկը և 14-ին, Երևանում սպասվում է առանց տեղումների եղանակ։
