https://arm.sputniknews.ru/20251205/briks-i-vor-nakhagtserin-karvogh-e-masnakcel-hajastany-pvordzageti-kartsiqy-96589792.html
ԲՐԻԿՍ-ի ո՞ր նախագծերին կարող է մասնակցել Հայաստանը. փորձագետի կարծիքը
ԲՐԻԿՍ-ի ո՞ր նախագծերին կարող է մասնակցել Հայաստանը. փորձագետի կարծիքը
Sputnik Արմենիա
ԲՐԻԿՍ-ի հետ Հայաստանի համագործակցության ամրապնդման համար կարևոր գործընկեր կարող է դառնալ Իրանը, հատկապես տրանսպորտի և լոգիստիկայի ոլորտում: 05.12.2025, Sputnik Արմենիա
2025-12-05T18:43+0400
2025-12-05T18:43+0400
2025-12-05T18:45+0400
հայաստան
բրիկս
ռուսաստան
https://cdn.am.sputniknews.ru/img/07e9/0c/05/96584670_0:0:1601:901_1920x0_80_0_0_349ae2ff481e6fc2cde5dc3a4cfcdbe5.jpg
ԵՐԵՎԱՆ, 5 դեկտեմբերի - Sputnik. ԲՐԻԿՍ-ի բոլոր երկրների համար առավել հետաքրքիր նախագծերից մեկը կարելի է համարել միասնական հացահատիկային բորսայի ստեղծումը: Այս մասին Երևանում կազմակերպված «Չինաստան-Եվրասիա» միջազգային համաժողովի ժամանակ լրագրողների հետ զրույցում ասել է Տնտեսագիտության բարձրագույն դպրոցի համաշխարհային տնտեսության և համաշխարհային քաղաքականության ֆակուլտետի փոխտնօրեն Ալեքսանդր Կորոլյովը։Պարենային անվտանգության հարցերը կարևոր են ԲՐԻԿՍ-ի շատ երկրների համար, հատկապես նրա նոր անդամների` Իրանի, Եթովպիայի, Ինդոնեզիայի, Եգիպտոսի (որը շարունակում է ռուսական հացահատիկի խոշորագույն ներկրողը մնալ) համար: Բայց, Կորոլյովի խոսքով, հարց է առաջանում, թե այդ երկրներն իրենք ինչ կարող են բերել միավորմանը, արդյո՞ք նրանք այնտեղ կդառնան ոչ միայն ստացողներ, այլև դոնորներ` ինչպես գաղափարական, այնպես էլ ֆինանսական։Բազմակողմ համակարգը ճգնաժամի մեջ է. Հնդկաստանի արտգործնախարարը` ԲՐԻԿՍ-ի գագաթնաժողովումՊետք չէ նաև մոռանալ, որ իր կառուցվածքով ԲՐԻԿՍ-ը ոչ թե ինտեգրացիոն կազմակերպություն է, այլ երկրների ֆորում, և այստեղ կայացվող որոշումները կամավոր բնույթ են կրում։ Ավելին` երբ ԲՐԻԿՍ-ի կազմն ընդլայնվեց` 5 երկրից հասնելով 10-ի, հարց առաջացավ, թե ինչպես կարելի է փոխգործակցություն հաստատել «սկսնակ» երկրների հետ։ Փորձագետի խոսքով` այդ գործընթացը նույնպես տարիներ կպահանջի։Ի թիվս այլ նախագծերի` առաջնահերթ կարելի է համարել փոխադարձ վճարումների ենթակառուցվածքների ստեղծումը. նման նախագծեր արդեն ստեղծվում են ԲՐԻԿՍ-ի գործարար խորհրդի հովանու ներքո, բայց պետք չէ արագ արդյունքներ ակնկալել. այս աշխատանքը կարող է տարիներ կամ նույնիսկ տասնամյակներ տևել։ Ոչ բոլոր երկրներն են հավասարապես շահագրգռված միջազգային առևտրում ապադոլարիզացիայի հարցում։ Իրանի և Ռուսաստանի, շատ առումներով` Չինաստանի համար սա շատ արդիական հարց է, բայց այն երկրորդական է մնում Հնդկաստանի, Բրազիլիայի կամ Ինդոնեզիայի համար, որի արտաքին առևտրի սպասարկումը 90%-ով կախված է դոլարից։Ինչ վերաբերում է Հայաստանին, ապա, իհարկե, ԲՐԻԿՍ-ի առանձին երկրների` Ռուսաստանի, Իրանի, Հնդկաստանի հետ նա շատ զարգացած կապեր ունի։ Իսկ եթե խոսենք առհասարակ կազմակերպության հետ կապերի մասին, ապա հեռանկարային ուղղություն կարելի է անվանել թվայնացման հետ կապված ամեն ինչ, այդ թվում` պետական հատվածում: Շատ արդիական են նաև լոգիստիկայի հարցերը` հատկապես հաշվի առնելով երկրի կարևոր աշխարհագրական դիրքը: Այդ առումով, հավելել է փորձագետը, ԲՐԻԿՍ-ի հետ Հայաստանի կապերի ամրապնդման համար կարևոր գործընկեր կարող է դառնալ հարևան Իրանը։Փեզեշքիանն առաջարկել է ԲՐԻԿՍ-ի շրջանակում ստեղծել պատժամիջոցների հակազդման մեխանիզմ
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, բրիկս, ռուսաստան
հայաստան, բրիկս, ռուսաստան
ԲՐԻԿՍ-ի ո՞ր նախագծերին կարող է մասնակցել Հայաստանը. փորձագետի կարծիքը
18:43 05.12.2025 (Թարմացված է: 18:45 05.12.2025) ԲՐԻԿՍ-ի հետ Հայաստանի համագործակցության ամրապնդման համար կարևոր գործընկեր կարող է դառնալ Իրանը, հատկապես տրանսպորտի և լոգիստիկայի ոլորտում:
ԵՐԵՎԱՆ, 5 դեկտեմբերի - Sputnik. ԲՐԻԿՍ-ի բոլոր երկրների համար առավել հետաքրքիր նախագծերից մեկը կարելի է համարել միասնական հացահատիկային բորսայի ստեղծումը: Այս մասին Երևանում կազմակերպված «Չինաստան-Եվրասիա» միջազգային համաժողովի ժամանակ լրագրողների հետ զրույցում ասել է Տնտեսագիտության բարձրագույն դպրոցի համաշխարհային տնտեսության և համաշխարհային քաղաքականության ֆակուլտետի փոխտնօրեն Ալեքսանդր Կորոլյովը։
Պարենային անվտանգության հարցերը կարևոր են ԲՐԻԿՍ-ի շատ երկրների համար, հատկապես նրա նոր անդամների` Իրանի, Եթովպիայի, Ինդոնեզիայի, Եգիպտոսի (որը շարունակում է ռուսական հացահատիկի խոշորագույն ներկրողը մնալ) համար: Բայց, Կորոլյովի խոսքով, հարց է առաջանում, թե այդ երկրներն իրենք ինչ կարող են բերել միավորմանը, արդյո՞ք նրանք այնտեղ կդառնան ոչ միայն ստացողներ, այլև դոնորներ` ինչպես գաղափարական, այնպես էլ ֆինանսական։
Պետք չէ նաև մոռանալ, որ իր կառուցվածքով ԲՐԻԿՍ-ը ոչ թե ինտեգրացիոն կազմակերպություն է, այլ երկրների ֆորում, և այստեղ կայացվող որոշումները կամավոր բնույթ են կրում։ Ավելին` երբ ԲՐԻԿՍ-ի կազմն ընդլայնվեց` 5 երկրից հասնելով 10-ի, հարց առաջացավ, թե ինչպես կարելի է փոխգործակցություն հաստատել «սկսնակ» երկրների հետ։ Փորձագետի խոսքով` այդ գործընթացը նույնպես տարիներ կպահանջի։
Ի թիվս այլ նախագծերի` առաջնահերթ կարելի է համարել փոխադարձ վճարումների ենթակառուցվածքների ստեղծումը. նման նախագծեր արդեն ստեղծվում են ԲՐԻԿՍ-ի գործարար խորհրդի հովանու ներքո, բայց պետք չէ արագ արդյունքներ ակնկալել. այս աշխատանքը կարող է տարիներ կամ նույնիսկ տասնամյակներ տևել։ Ոչ բոլոր երկրներն են հավասարապես շահագրգռված միջազգային առևտրում ապադոլարիզացիայի հարցում։ Իրանի և Ռուսաստանի, շատ առումներով` Չինաստանի համար սա շատ արդիական հարց է, բայց այն երկրորդական է մնում Հնդկաստանի, Բրազիլիայի կամ Ինդոնեզիայի համար, որի արտաքին առևտրի սպասարկումը 90%-ով կախված է դոլարից։
«Շատ առումներով ապադոլարիզացիայի մասին խոսակցությունները նրանց համար ձեռնտու ֆոն են հռետորաբանության համար, բայց ոչ գործողությունների կոնկրետ հաջորդականություն։ Այդ պատճառով դժվար կլինի նման կառույցներ ստեղծել ԲՐԻԿՍ-ի տասնյակ երկրների մակարդակով։ Հնարավոր է` մինի-կոալիցիաներ կազմվեն ցանկացող երկրներից, օրինակ` Չինաստան-Հնդկաստան-Ռուսաստան կամ Իրան-Ռուսաստան-Հնդկաստան»,-հայտարարել է Կորոլյովը։
Ինչ վերաբերում է Հայաստանին, ապա, իհարկե, ԲՐԻԿՍ-ի առանձին երկրների` Ռուսաստանի, Իրանի, Հնդկաստանի հետ նա շատ զարգացած կապեր ունի։ Իսկ եթե խոսենք առհասարակ կազմակերպության հետ կապերի մասին, ապա հեռանկարային ուղղություն կարելի է անվանել թվայնացման հետ կապված ամեն ինչ, այդ թվում` պետական հատվածում: Շատ արդիական են նաև լոգիստիկայի հարցերը` հատկապես հաշվի առնելով երկրի կարևոր աշխարհագրական դիրքը: Այդ առումով, հավելել է փորձագետը, ԲՐԻԿՍ-ի հետ Հայաստանի կապերի ամրապնդման համար կարևոր գործընկեր կարող է դառնալ հարևան Իրանը։
