https://arm.sputniknews.ru/20251203/dektemberi-8in-kam-9in-parz-klini-hh-aviavolvorty-durs-kga-em-sev-cucakic-pvokhnakharar-96481431.html
Դեկտեմբերի 8–ին կամ 9–ին պարզ կլինի` ՀՀ ավիաոլորտը դուրս կգա՞ ԵՄ սև ցուցակից. փոխնախարար
Դեկտեմբերի 8–ին կամ 9–ին պարզ կլինի` ՀՀ ավիաոլորտը դուրս կգա՞ ԵՄ սև ցուցակից. փոխնախարար
Sputnik Արմենիա
Սիմոնյանը տեղեկացրեց, որ հարցը քննարկվել է նոյեմբերի 19–ին Բրյուսելում։ 03.12.2025, Sputnik Արմենիա
2025-12-03T13:00+0400
2025-12-03T13:00+0400
2025-12-03T13:06+0400
սև ցուցակ
wizz air ավիաընկերություն
«ազիմուտ» ավիաընկերություն
«flyone armenia» ավիաընկերություն
https://cdn.am.sputniknews.ru/img/07e7/03/06/56318445_0:0:1601:901_1920x0_80_0_0_ae03bc587793451bfa674fabc69441d9.jpg
ԵՐԵՎԱՆ, 3 դեկտեմբերի – Sputnik. Դեկտեմբերի 8–ին կամ 9–ին պարզ կլինի` ՀՀ ավիաոլորտը դուրս կգա՞ ԵՄ սև ցուցակից, թե՞ ոչ։ Ի պատասխան «Քաղաքացիական պայմանագիր» խմբակցության պատգամավոր Սիսակ Գաբրիելյանի հարցի` այս մասին ԱԺ–ում ասաց ՀՀ տարածաքային կառավարման և ենթակառուցվածքների նախարարի տեղակալ Արմեն Սիմոնյանը։Պատգամավորը նշեց` օրեր առաջ ԵՄ–ից հայտարարություն եղավ, որ ՀՀ ավիաոլորտի` սև ցուցակում հայտնվելը քաղաքական որոշում չէ, այլ բացառապես տեխնիկական է։Շատ դանդաղ, բայց ՀՀ քաղավիացիան դուրս կգա եվրոպական «սև ցուցակից». Ճաղարյան«Ի վերջո, ե՞րբ դուրս կգանք սև ցուցակից»,– հետաքրքվեց Գաբրիելյանը։Փոխնախարարն ի պատասխան նշեց, որ այս ընթացքում ՀՀ քաղաքացիական ավիացիայի կոմիտեի և եվրոպացի գործընկերների կողմից մի քանի ծրագրեր են իրականացվել, այդ թվում` 2024 թվականին ԻԿԱՕ–ի կողմից իրականացված աուդիտի արդյունքում ևս որոշակի փոփոխություններ են իրականացվել։Նա նաև տեղեկացրեց, որ 2026 թ. հունվարի 1–ից ՀՀ քաղաքացիական ավիացիայի կոմիտեում բարեփոխումների բավականին մեծ ծրագիր է մեկնարկում։Հիշեցնենք, որ 2020 թվականին Եվրոպական հանձնաժողովը հայկական բոլոր ավիաընկերություններին ներառեց թռիչքների անվտանգության «սև ցուցակում»։ Սա նշանակում էր, որ փոխադրողների վրա տարածվում է ԵՄ երկրների օդային տարածքում շահագործման արգելքը՝ ավիացիոն անվտանգության միջազգային չափանիշներին չհամապատասխանելու պատճառով։ Այս ցուցակում Հայաստանը հայտնվեց այնպիսի երկրների կողքին, ինչպիսիք են Աֆղանստանը, Անգոլան, Կոնգոն, Նեպալը, Սուդանը և այլն։Այնուամենայնիվ, 2021 թվականի նոյեմբերի 15-ին Հայաստանն ու Եվրամիությունը ընդհանուր ավիացիոն համաձայնագիր ստորագրեցին։ Սակայն այդ համաձայնագրի իրականացումը հնարավոր է միայն այն դեպքում, եթե Հայաստանը շարունակի ազգային օրենսդրությունը հարմարեցնել ԵՄ նորմերին այնպիսի ոլորտներում, ինչպիսիք են ավիացիոն անվտանգությունը, օդային երթևեկության կառավարումը, շրջակա միջավայրի պաշտպանությունը, տնտեսական կարգավորումը և սպառողների իրավունքների պաշտպանությունը:2025 թվականի հունվարին ՏԿԵՆ–ից Sputnik Արմենիային հայտնեցին, որ ԵՄ թռիչքներ կատարելու արգելք ունեցող ավիաընկերությունների ցուցակում հայտնվելը որոշ խոչընդոտներ է ստեղծել հայկական փոխադրողների համար դեպի ԵՄ տարածք թռիչքներ իրականացնելու համար, սակայն որպես այդ խնդրի լուծում հայկական փոխադրողները դեպի ԵՄ թռիչքներ կարող են իրականացնել` օգտագործելով այլ ավիաընկերությունների օդանավեր` վերջիններիս հետ բաց վարձակալության պայմանագրեր կնքելու միջոցով։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սև ցուցակ, wizz air ավիաընկերություն, «ազիմուտ» ավիաընկերություն, «flyone armenia» ավիաընկերություն
սև ցուցակ, wizz air ավիաընկերություն, «ազիմուտ» ավիաընկերություն, «flyone armenia» ավիաընկերություն
Դեկտեմբերի 8–ին կամ 9–ին պարզ կլինի` ՀՀ ավիաոլորտը դուրս կգա՞ ԵՄ սև ցուցակից. փոխնախարար
13:00 03.12.2025 (Թարմացված է: 13:06 03.12.2025) Սիմոնյանը տեղեկացրեց, որ հարցը քննարկվել է նոյեմբերի 19–ին Բրյուսելում։
ԵՐԵՎԱՆ, 3 դեկտեմբերի – Sputnik. Դեկտեմբերի 8–ին կամ 9–ին պարզ կլինի` ՀՀ ավիաոլորտը դուրս կգա՞ ԵՄ սև ցուցակից, թե՞ ոչ։ Ի պատասխան «Քաղաքացիական պայմանագիր» խմբակցության պատգամավոր Սիսակ Գաբրիելյանի հարցի` այս մասին ԱԺ–ում ասաց ՀՀ տարածաքային կառավարման և ենթակառուցվածքների նախարարի տեղակալ Արմեն Սիմոնյանը։
Պատգամավորը նշեց` օրեր առաջ ԵՄ–ից հայտարարություն եղավ, որ ՀՀ ավիաոլորտի` սև ցուցակում հայտնվելը քաղաքական որոշում չէ, այլ բացառապես տեխնիկական է։
«Ի վերջո, ե՞րբ դուրս կգանք սև ցուցակից»,– հետաքրքվեց Գաբրիելյանը։
Փոխնախարարն ի պատասխան նշեց, որ այս ընթացքում ՀՀ քաղաքացիական ավիացիայի կոմիտեի և եվրոպացի գործընկերների կողմից մի քանի ծրագրեր են իրականացվել, այդ թվում` 2024 թվականին ԻԿԱՕ–ի կողմից իրականացված աուդիտի արդյունքում ևս որոշակի փոփոխություններ են իրականացվել։
«Նախնական աուդիտ անցկացնելուց հետո քաղաքացիական ավիացիան դիմել է ԵՄ գործընկերներին` աուդիտ անցկացնելու և 2020 թ. ընթացքում հայտնաբերված 41 թերությունների մասով իր եզրակացությունը տալու համար։ ԵՄ–ի կողմից իրականացվել է աուդիտ այս տարվա սեպտեմբերի 1–5–ն ընկած ժամանակահատվածում, որոնց արդյունքները նոյեմբերի 19–ին քննարկվել են Բրյուսելում և կայացված որոշման մասով մեզ հայտնել են, որ դրա մասին տեղեկատվությունը կհրապարակվի կամ կփոխանցվի դեկտեմբերի 8–ին կամ 9–ին»,– հայտարարեց Սիմոնյանը։
Նա նաև տեղեկացրեց, որ 2026 թ. հունվարի 1–ից ՀՀ քաղաքացիական ավիացիայի կոմիտեում բարեփոխումների բավականին մեծ ծրագիր է մեկնարկում։
Հիշեցնենք, որ 2020 թվականին Եվրոպական հանձնաժողովը հայկական բոլոր ավիաընկերություններին
ներառեց թռիչքների անվտանգության «սև ցուցակում»։ Սա նշանակում էր, որ փոխադրողների վրա տարածվում է ԵՄ երկրների օդային տարածքում շահագործման արգելքը՝ ավիացիոն անվտանգության միջազգային չափանիշներին չհամապատասխանելու պատճառով։ Այս ցուցակում Հայաստանը հայտնվեց այնպիսի երկրների կողքին, ինչպիսիք են Աֆղանստանը, Անգոլան, Կոնգոն, Նեպալը, Սուդանը և այլն։
Այնուամենայնիվ, 2021 թվականի նոյեմբերի 15-ին Հայաստանն ու Եվրամիությունը ընդհանուր ավիացիոն համաձայնագիր ստորագրեցին։ Սակայն այդ համաձայնագրի իրականացումը հնարավոր է միայն այն դեպքում, եթե Հայաստանը շարունակի ազգային օրենսդրությունը հարմարեցնել ԵՄ նորմերին այնպիսի ոլորտներում, ինչպիսիք են ավիացիոն անվտանգությունը, օդային երթևեկության կառավարումը, շրջակա միջավայրի պաշտպանությունը, տնտեսական կարգավորումը և սպառողների իրավունքների պաշտպանությունը:
2025 թվականի հունվարին ՏԿԵՆ–ից
Sputnik Արմենիային հայտնեցին, որ ԵՄ թռիչքներ կատարելու արգելք ունեցող ավիաընկերությունների ցուցակում հայտնվելը որոշ խոչընդոտներ է ստեղծել հայկական փոխադրողների համար դեպի ԵՄ տարածք թռիչքներ իրականացնելու համար, սակայն որպես այդ խնդրի լուծում հայկական փոխադրողները դեպի ԵՄ թռիչքներ կարող են իրականացնել` օգտագործելով այլ ավիաընկերությունների օդանավեր` վերջիններիս հետ բաց վարձակալության պայմանագրեր կնքելու միջոցով։
