Հայաստանի բռնցքամարտի հավաքականը մեկնել է Դուբայ՝ մասնակցելու աշխարհի առաջնությանը
14:33 01.12.2025 (Թարմացված է: 15:18 01.12.2025)
© Sputnik / Andranik Ghazaryan
Բաժանորդագրվել
Աշխարհի առաջնությունում Հայաստանը կունենա նաև իր մրցավարը։
ԵՐԵՎԱՆ, 1 դեկտեմբերի – Sputnik. Բռնցքամարտի Հայաստանի հավաքականը 15 հոգանոց պատվիրակությամբ մեկնել է Դուբայ` մասնակցելու աշխարհի առաջնությանը։ Այս մասին հայտնում է Հայաստանի բռնցքամարտի ֆեդերացիան։
«Աշխարհի առաջնությունում 13 բռնցքամարտիկ է ներկայանալու՝ Բարեղամ Հարությունյան (48 կգ), Ռուդոլֆ Գարբոյան (51 կգ), Դավիթ Եգորյան (54 կգ), Ժիրայր Սարգսյան (57 կգ), Արթուր Բազեյան (60 կգ), Նարեկ Հովհաննիսյան (63,5 կգ), Արմեն Մաշակարյան (67 կգ), Արարատ Հարությունյան (71 կգ), Վախթանգ Հարությունյան (75 կգ), Արտուշ Հովհաննիսյան (80 կգ), Ռաֆայել Հովհաննիսյան (86 կգ), Նարեկ Մանասյան (92 կգ), Դավիթ Չալոյան (+92 կգ)։ Պատվիրակության կազմում է նաև գլխավոր մարզիչ Ռուդիկ Մկրտչյանը, ինչպես նաև մարզիչ Ռոբերտ Պետրոսյանը»,- ասված է հաղորդագրությունում։
Բռնցքամարտիկների կողքին են լինելու ֆեդերացիայի նախագահ Հովհաննես Հովսեփյանը, առաջին փոխնախագահ Սամվել Գասպարյանը և տիտղոսակիր բռնցքամարտիկներ` Եվրոպայի չեմպիոններ Մեխակ Ղազարյանն ու Սամսոն Խաչատրյանը։ Աշխարհի առաջնությունում Հայաստանը կունենա նաև իր մրցավարը։ Բռնցքամարտի տարվա գլխավոր ստուգատեսում կաշխատի միջազգային կարգի մրցավար Բագրատ Ավոյանը։
Բռնցքամարտի աշխարհի առաջնությունը կանցկացվի դեկտեմբերի 2-ից 13-ը։
