https://arm.sputniknews.ru/20251129/zelenskin-ermaki-pvokharen-umervovin-e-nshanakel-banakcajin-patvirakutjan-ghekavar-96367637.html
Զելենսկին Երմակի փոխարեն Ումերովին է նշանակել բանակցային պատվիրակության ղեկավար
Զելենսկին Երմակի փոխարեն Ումերովին է նշանակել բանակցային պատվիրակության ղեկավար
Sputnik Արմենիա
Անդրեյ Երմակը հրաժարականի մասին հայտնի դարձավ նոյեմբերի 28-ին։ 29.11.2025, Sputnik Արմենիա
2025-11-29T15:29+0400
2025-11-29T15:29+0400
2025-11-30T18:24+0400
ուկրաինա
բանակցություն
պատվիրակություն
վլադիմիր զելենսկի
ռուստեմ ումերով
անդրեյ երմակ
https://cdn.am.sputniknews.ru/img/07e9/0b/14/96052493_0:34:3071:1761_1920x0_80_0_0_cdbf1d8ced279d7591899c7f8b6eb616.jpg
ԵՐԵՎԱՆ, 29 նոյեմբերի — Sputnik. Վլադիմիր Զելենսկին Ազգային անվտանգության և պաշտպանության խորհրդի (ԱԱՊԽ) քարտուղար Ռուստեմ Ումերովին նշանակել է ԱՄՆ-ի, Ուկրաինայի գործընկերների և Ռուսաստանի հետ բանակցությունների պատվիրակության ղեկավար՝ փոխարինելով իր գրասենյակի ղեկավար Անդրեյ Երմակին, որն ազատվել էր նախորդ օրը։ Տեղեկությունը հայտնում է ՌԻԱ Նովոստին՝ հղում անելով Զելենսկու կայքում հրապարակված հրամանագրին։«Ուկրաինայի պատվիրակության հարցերը ԱՄՆ-ի և Ուկրաինայի այլ միջազգային գործընկերների, ինչպես նաև ՌԴ ներկայացուցիչների հետ բանակցային գործընթացին մասնակցելու համար՝ արդար և կայուն խաղաղության հասնելու համար։ Ռուստեմ Էնվերի Ումերով՝ Ուկրաինայի ազգային անվտանգության և պաշտպանության խորհրդի քարտուղար, պատվիրակության ղեկավար», - ասվում է հրամանագրի տեքստում։Պատվիրակության կազմում մնացել են Զելենսկու գրասենյակի ղեկավարի խորհրդական Ալեքսանդր Բևզը, պաշտպանության նախարարության հետախուզության գլխավոր վարչության պետ Կիրիլ Բուդանովը, Ուկրաինայի զինված ուժերի գլխավոր շտաբի պետ Անդրեյ Գնատովը, արտաքին հետախուզության ծառայության ղեկավար Օլեգ Իվաշչենկոն, արտաքին գործերի նախարարի առաջին տեղակալ Սերգեյ Կիսլիցան, ԱԱՊԽ քարտուղարի առաջին տեղակալ Եվգենի Օստրյանսկին, Ուկրաինայի անվտանգության ծառայության ղեկավարի տեղակալ Ալեքսանդր Պոկլադը:«Պետք էր ստուգել Կիևին ուղարկվող գումարները». ԱՄՆ–ի արձագանքը Երմակի հրաժարականինՊատվիրակության կազմում ընդգրկվել է նաև Ուկրաինայի պաշտպանության նախարարության հետախուզության գլխավոր վարչության պետի տեղակալ Վադիմ Սկիբիցկին։Նոյեմբերի 28-ին Զելենսկին հայտնեց, որ իր գրասենյակի ղեկավար Անդրեյ Երմակը հրաժարականի դիմում է գրել։ Մինչ այդ Գերագույն ռադայի պատգամավոր Յարոսլավ Ժելեզնյակը հայտնել էր, որ Ուկրաինայի ազգային հակակոռուպցիոն բյուրոն և Մասնագիտացված հակակոռուպցիոն դատախազությունը խուզարկություններ են անցկացնում Երմակի մոտ՝ Ուկրաինայում էներգետիկ կոռուպցիոն սկանդալի ֆոնին: Բյուրոն հաստատեց խուզարկությունների փաստը՝ նշելով, որ քննչական գործողություններն իրականացվում են հետաքննության շրջանակում: «Ուկրինֆորմ» գործակալությունն ավելի ուշ հայտնեց, որ խուզարկություններից հետո ոչ ոքի մեղադրանք չի ներկայացվել։
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ուկրաինա, բանակցություն, պատվիրակություն, վլադիմիր զելենսկի, ռուստեմ ումերով, անդրեյ երմակ
ուկրաինա, բանակցություն, պատվիրակություն, վլադիմիր զելենսկի, ռուստեմ ումերով, անդրեյ երմակ
Զելենսկին Երմակի փոխարեն Ումերովին է նշանակել բանակցային պատվիրակության ղեկավար
15:29 29.11.2025 (Թարմացված է: 18:24 30.11.2025) Անդրեյ Երմակը հրաժարականի մասին հայտնի դարձավ նոյեմբերի 28-ին։
ԵՐԵՎԱՆ, 29 նոյեմբերի — Sputnik. Վլադիմիր Զելենսկին Ազգային անվտանգության և պաշտպանության խորհրդի (ԱԱՊԽ) քարտուղար Ռուստեմ Ումերովին նշանակել է ԱՄՆ-ի, Ուկրաինայի գործընկերների և Ռուսաստանի հետ բանակցությունների պատվիրակության ղեկավար՝ փոխարինելով իր գրասենյակի ղեկավար Անդրեյ Երմակին, որն ազատվել էր նախորդ օրը։ Տեղեկությունը հայտնում է ՌԻԱ Նովոստին՝ հղում անելով Զելենսկու կայքում հրապարակված հրամանագրին։
«Ուկրաինայի պատվիրակության հարցերը ԱՄՆ-ի և Ուկրաինայի այլ միջազգային գործընկերների, ինչպես նաև ՌԴ ներկայացուցիչների հետ բանակցային գործընթացին մասնակցելու համար՝ արդար և կայուն խաղաղության հասնելու համար։ Ռուստեմ Էնվերի Ումերով՝ Ուկրաինայի ազգային անվտանգության և պաշտպանության խորհրդի քարտուղար, պատվիրակության ղեկավար», - ասվում է հրամանագրի տեքստում։
Պատվիրակության կազմում մնացել են Զելենսկու գրասենյակի ղեկավարի խորհրդական Ալեքսանդր Բևզը, պաշտպանության նախարարության հետախուզության գլխավոր վարչության պետ Կիրիլ Բուդանովը, Ուկրաինայի զինված ուժերի գլխավոր շտաբի պետ Անդրեյ Գնատովը, արտաքին հետախուզության ծառայության ղեկավար Օլեգ Իվաշչենկոն, արտաքին գործերի նախարարի առաջին տեղակալ Սերգեյ Կիսլիցան, ԱԱՊԽ քարտուղարի առաջին տեղակալ Եվգենի Օստրյանսկին, Ուկրաինայի անվտանգության ծառայության ղեկավարի տեղակալ Ալեքսանդր Պոկլադը:
Պատվիրակության կազմում ընդգրկվել է նաև Ուկրաինայի պաշտպանության նախարարության հետախուզության գլխավոր վարչության պետի տեղակալ Վադիմ Սկիբիցկին։
Նոյեմբերի 28-ին Զելենսկին
հայտնեց, որ իր գրասենյակի ղեկավար Անդրեյ Երմակը հրաժարականի դիմում է գրել։ Մինչ այդ Գերագույն ռադայի պատգամավոր Յարոսլավ Ժելեզնյակը հայտնել էր, որ Ուկրաինայի ազգային հակակոռուպցիոն բյուրոն և Մասնագիտացված հակակոռուպցիոն դատախազությունը խուզարկություններ են անցկացնում Երմակի մոտ՝ Ուկրաինայում էներգետիկ կոռուպցիոն սկանդալի ֆոնին: Բյուրոն հաստատեց խուզարկությունների փաստը՝ նշելով, որ քննչական գործողություններն իրականացվում են հետաքննության շրջանակում: «Ուկրինֆորմ» գործակալությունն ավելի ուշ հայտնեց, որ խուզարկություններից հետո ոչ ոքի մեղադրանք չի ներկայացվել։
