https://arm.sputniknews.ru/20251126/davit-tvonvojanin-tujl-chen-talis-tsanvotanal-qnnich-handznazhvoghvovi-zekujcin-96223766.html
Դավիթ Տոնոյանին թույլ չեն տալիս ծանոթանալ քննիչ հանձնաժողովի զեկույցին
Դավիթ Տոնոյանին թույլ չեն տալիս ծանոթանալ քննիչ հանձնաժողովի զեկույցին
Sputnik Արմենիա
Դավիթ Տոնոյանն իրավախորհրդատվություն ստանալու համար երկրորդ անգամ է դիմել ՀՀ ԱԺ նախագահին։ 26.11.2025, Sputnik Արմենիա
2025-11-26T10:14+0400
2025-11-26T10:14+0400
2025-11-26T10:31+0400
հայաստան
դավիթ տոնոյան
44-օրյա պատերազմի հանգամանքներն ուսումնասիրող քննիչ հանձնաժողով
https://cdn.am.sputniknews.ru/img/07e7/08/01/63745422_0:0:1600:900_1920x0_80_0_0_57fa497f55f469d9ebd8dce8b27b93ea.jpg
ԵՐԵՎԱՆ, 26 նոյեմբերի – Sputnik. ՀՀ պաշտպանության նախկին ղեկավար Դավիթ Տոնոյանին թույլ չեն տալիս ծանոթանալ 44-օրյա պատերազմի հանգամանքներն ուսումնասիրող քննիչ հանձնաժողովի զեկույցին: Նա այդ մասին հայտարարություն է տարածել:Նման պատասխան ստանալուց հետո նա դիմել է իրեն իրավաբանական օգնություն ցուցաբերող փաստաբանական խմբին, ստացել համապատասխան իրավախորհրդատվություն: Դրա հիման վրա և հիմք ընդունելով «Ազգային ժողովի կանոնակարգ» սահմանադրական օրենքի 22-րդ հոդվածի 2-րդ մասի 1-ին և 2-րդ կետերը՝ ս.թ. նոյեմբերի 24-ին կրկին գրավոր դիմել է ԱԺ նախագահին՝ խնդրելով թույլատրել ծանոթանալ քննիչ հանձնաժողովի կողմից նախապատրաստված փաստաթղթին:Տոնոյանը շեշտել է, որ անհրաժեշտության դեպքում պատրաստ է հրապարակել փաստաբանական խմբի տրամադրած պարզաբանումն ամբողջությամբ, ինչպես նաև ԱԺ աշխատակազմի հետ նամակագրությունը:Հիշեցնենք` ԱԺ նախագահ Ալեն Սիմոնյանը հոկտեմբերի 1-ին հայտարարեց, որ 44-օրյա պատերազմի հանգամանքներն ուսումնասիրող քննիչ հանձնաժողովի զեկույցը ժամկետի խախտման պատճառով չի ներառվի ԱԺ լիագումար նիստերի օրակարգում, բայց կքննարկվեն այն ներկայացնելու այլ ձևաչափեր։ Հոկտեմբերի 6-ին հայտնի դարձավ, որ զեկույցը չի հանրայնացվի. Ալեն Սիմոնյանը որոշել է այն ուղարկել խորհրդարանի առաջին բաժին, որտեղ պահվում են գաղտնի փաստաթղթերը:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, դավիթ տոնոյան, 44-օրյա պատերազմի հանգամանքներն ուսումնասիրող քննիչ հանձնաժողով
հայաստան, դավիթ տոնոյան, 44-օրյա պատերազմի հանգամանքներն ուսումնասիրող քննիչ հանձնաժողով
Դավիթ Տոնոյանին թույլ չեն տալիս ծանոթանալ քննիչ հանձնաժողովի զեկույցին
10:14 26.11.2025 (Թարմացված է: 10:31 26.11.2025) Դավիթ Տոնոյանն իրավախորհրդատվություն ստանալու համար երկրորդ անգամ է դիմել ՀՀ ԱԺ նախագահին։
ԵՐԵՎԱՆ, 26 նոյեմբերի – Sputnik. ՀՀ պաշտպանության նախկին ղեկավար Դավիթ Տոնոյանին թույլ չեն տալիս ծանոթանալ 44-օրյա պատերազմի հանգամանքներն ուսումնասիրող քննիչ հանձնաժողովի զեկույցին: Նա այդ մասին հայտարարություն է տարածել:
«Քննիչ հանձնաժողովի՝ իմ մասնակցությամբ 2023թ. օգոստոսի 1-ին և օգոստոսի 2-ին տեղի ունեցած նիստերի արձանագրություններին և հանձնաժողովի զեկույցին ծանոթանալու ու դրանց վերաբերյալ պարզաբանումներ տալու, ինչպես նաև դրանցում փոփոխություններ կատարելու պահանջ ներկայացնելու և դիրքորոշումս ամբողջությամբ հիմնավորելու նպատակով հուլիսի 15-ին և հոկտեմբերի 28-ին ԱԺ նախագահին հասցեագրել եմ դիմումներ: Դրանց ի պատասխան նոյեմբերի 13-ին ԱԺ աշխատակազմի ղեկավար-գլխավոր քարտուղարը պատասխանել է, որ քննիչ հանձնաժողովի՝ ԱԺ նախագահին ուղարկված զեկույցը «Ազգային ժողովի կանոնակարգ» սահմանադրական օրենքի 25-րդ հոդվածով նախատեսված զեկույցի իրավական կարգավիճակ չունի, հետևաբար իմ մասնակցությամբ տեղի ունեցած նիստերի արձանագրություններին և հանձնաժողովի զեկույցին ծանոթանալու մասին իմ խնդրանքի կապակցությամբ կիրառելի չեն «Ազգային ժողովի կանոնակարգ» սահմանադրական օրենքի 22-րդ հոդվածի 2-րդ մասի 1-ին և 2-րդ կետերը»,- նշել է Տոնոյանը:
Նման պատասխան ստանալուց հետո նա դիմել է իրեն իրավաբանական օգնություն ցուցաբերող փաստաբանական խմբին, ստացել համապատասխան իրավախորհրդատվություն: Դրա հիման վրա և հիմք ընդունելով «Ազգային ժողովի կանոնակարգ» սահմանադրական օրենքի 22-րդ հոդվածի 2-րդ մասի 1-ին և 2-րդ կետերը՝ ս.թ. նոյեմբերի 24-ին կրկին գրավոր դիմել է ԱԺ նախագահին՝ խնդրելով թույլատրել ծանոթանալ քննիչ հանձնաժողովի կողմից նախապատրաստված փաստաթղթին:
Տոնոյանը շեշտել է, որ անհրաժեշտության դեպքում պատրաստ է հրապարակել փաստաբանական խմբի տրամադրած պարզաբանումն ամբողջությամբ, ինչպես նաև ԱԺ աշխատակազմի հետ նամակագրությունը:
Հիշեցնենք` ԱԺ նախագահ
Ալեն Սիմոնյանը հոկտեմբերի 1-ին հայտարարեց, որ 44-օրյա պատերազմի հանգամանքներն ուսումնասիրող քննիչ հանձնաժողովի զեկույցը ժամկետի խախտման պատճառով չի ներառվի ԱԺ լիագումար նիստերի օրակարգում, բայց կքննարկվեն այն ներկայացնելու այլ ձևաչափեր։ Հոկտեմբերի 6-ին
հայտնի դարձավ, որ զեկույցը չի հանրայնացվի. Ալեն Սիմոնյանը որոշել է այն ուղարկել խորհրդարանի առաջին բաժին, որտեղ պահվում են գաղտնի փաստաթղթերը:
