https://arm.sputniknews.ru/20251124/ajs-pahin-yndunvats-iravakan-voreve-akt-hajtni-che-pvokhnakharary-bernatarneri-khndri-masin-96170696.html
Այս պահին ընդունված իրավական որևէ ակտ հայտնի չէ. փոխնախարարը` բեռնատարների խնդրի մասին
Այս պահին ընդունված իրավական որևէ ակտ հայտնի չէ. փոխնախարարը` բեռնատարների խնդրի մասին
Sputnik Արմենիա
Բեռնատարների վարորդները հոկտեմբերի 21–ին դադարեցրել էին ակցիաները, քանի որ ՀՀ փոխվարչապետ Մհեր Գրիգորյանի գրասենյակից հայտնել էին, որ ՌԴ գործընկերները... 24.11.2025, Sputnik Արմենիա
2025-11-24T16:15+0400
2025-11-24T16:15+0400
2025-11-24T16:17+0400
բեռնատար
բեռնափոխադրում
վարորդ
ռուսաստան
հայաստան
բողոքի ակցիա
https://cdn.am.sputniknews.ru/img/07e8/0a/10/81898014_0:51:1149:697_1920x0_80_0_0_e93b33a3276339490bdfbc16ffcca41b.jpg
ԵՐԵՎԱՆ, 24 նոյեմբերի – Sputnik. Ռուսաստանում հայ բեռնատարների վարորդների անարգել գործունեության վերաբերյալ որևէ իրավական ակտ դեռ չի ընդունվել։ Այդ մասին այսօր ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստի ժամանակ տեղեկացրեց ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը։Ավելի վաղ հայտնել էինք, որ հայ բեռնատարների վարորդներն օրեր շարունակ բողոքի ակցիաներ էին անցկացնում և միջպետական ճանապարհներ փակում` պահանջելով վերանայել ՌԴ–ում ոչ վիզային ռեժիմի երկրների քաղաքացիների համար 90–օրյա ժամկետ սահմանելու որոշումը։ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահ Վաղարշակ Հակոբյանն իր հերթին նշեց, որ այս հարցը հիմա չափազանց կարևոր է, քանի որ ենթակառուցվածքների ապաշրջափակման այս փուլում այն բեռները, որոնք նախատեսվում է Ադրբեջանի տարածքով բերել Հայաստան, Ռուսաստանի ներգրավվածությունը ևս կա։«Ապաշրջափակման այս գործընթացը նույնպես կարող է մեծ նշանակություն հաղորդել բեռնափոխադրողների խնդրին. եթե այն ժամանակ բեռներ չէին գալիս ՌԴ–ից Ադրբեջանի տարածքով, ապա հիմա դա լինելու է։ Հույս ունենք, որ այս առումով որոշակի նորություն կլինի արդեն տարեվերջին»,– նշեց Հակոբյանը։Հիշեցնենք, որ բեռնատարների վարորդները հոկտեմբերի 21–ին դադարեցրել էին ակցիաները, քանի որ ՀՀ փոխվարչապետ Մհեր Գրիգորյանի գրասենյակից հայտնել էին, որ ՌԴ գործընկերները տրամադրված են հարցին լուծում տալ՝ օրերի թիվը հասցնելով մինչև 180: Փոխվարչապետի գրասենյակից նաև հայտնել էին, որ այս հարցը ընդգրկվել է հոկտեմբերի 24–ին կայանալիք Եվրասիական տնտեսական հանձնաժողովի խորհրդի նիստի օրակարգում։Նշենք նաև, որ այս տարվա հունվարի 1-ից ոչ վիզային ռեժիմի երկրների քաղաքացիները, որոնք ՌԴ են մուտք գործում ոչ աշխատելու նպատակով (այսինքն՝ միգրացիոն քարտում «այցի նպատակը» բաժնում աշխատանքը նշված չէ- խմբ․), օրացույցային տարվա ընթացքում կարող են մնալ 90 օր (նախկինում թույլատրելի էր տարվա յուրաքանչյուր 180 օրվա մեջ 90 օր- խմբ․)։ Այս փոփոխությունը վերաբերում է նաև ուղևորափոխադրում և բեռնափոխադրում իրականացնողներին։ Վարորդները պնդում են, որ 90 օրը քիչ է, որովհետև թույլատրելի ժամկետի մեծ մասն իրենք կարող են անցկացնել, օրինակ, Վլադիկավկազում կամ Վերին Լարսում հերթերի մեջ։Դինամիկա կա. ԵՏՀ ներկայացուցիչը՝ ՌԴ–ում բեռնատարների հայաստանցի վարորդների խնդրի մասին
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բեռնատար, բեռնափոխադրում, վարորդ, ռուսաստան, հայաստան, բողոքի ակցիա
բեռնատար, բեռնափոխադրում, վարորդ, ռուսաստան, հայաստան, բողոքի ակցիա
Այս պահին ընդունված իրավական որևէ ակտ հայտնի չէ. փոխնախարարը` բեռնատարների խնդրի մասին
16:15 24.11.2025 (Թարմացված է: 16:17 24.11.2025) Բեռնատարների վարորդները հոկտեմբերի 21–ին դադարեցրել էին ակցիաները, քանի որ ՀՀ փոխվարչապետ Մհեր Գրիգորյանի գրասենյակից հայտնել էին, որ ՌԴ գործընկերները տրամադրված են հարցին լուծում տալ՝ օրերի թիվը հասցնելով մինչև 180:
ԵՐԵՎԱՆ, 24 նոյեմբերի – Sputnik. Ռուսաստանում հայ բեռնատարների վարորդների անարգել գործունեության վերաբերյալ որևէ իրավական ակտ դեռ չի ընդունվել։ Այդ մասին այսօր ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստի ժամանակ տեղեկացրեց ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը։
Ավելի վաղ
հայտնել էինք, որ հայ բեռնատարների վարորդներն օրեր շարունակ բողոքի ակցիաներ էին անցկացնում և միջպետական ճանապարհներ փակում` պահանջելով վերանայել ՌԴ–ում ոչ վիզային ռեժիմի երկրների քաղաքացիների համար 90–օրյա ժամկետ սահմանելու որոշումը։
«ԵԱՏՄ անդամ բոլոր երկրներում (բացառությամբ ՌԴ–ում և Բելառուսում) այդ խնդիրը բարձրաձայնվեց։ Մի քանի փուլ քննարկումներից հետո ռուս գործընկերները հայտնեցին, որ համապատասխան իրավական գործընթաց են սկսել այդ մասով, որ վարորդների համար այլ միգրացիոն ռեժիմ սահմանեն։ ՌԴ տրանսպորտի նախարարությունը ևս համապատասխան առաջարկություններով է հանդես եկել ՆԳ նախարարությանը։ Գործընթացը գնում է, սակայն այս պահին իրավական որևէ ակտ, որ ընդունված է, մեզ հայտնի չէ։ Մեր գործընկերները հայտնում են, որ այդ ուղղությամբ աշխատանքներ տանում են»,– վստահեցրեց փոխնախարար Սիմոնյանը։
ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահ Վաղարշակ Հակոբյանն իր հերթին նշեց, որ այս հարցը հիմա չափազանց կարևոր է, քանի որ ենթակառուցվածքների ապաշրջափակման այս փուլում այն բեռները, որոնք նախատեսվում է Ադրբեջանի տարածքով բերել Հայաստան, Ռուսաստանի ներգրավվածությունը ևս կա։
«Ապաշրջափակման այս գործընթացը նույնպես կարող է մեծ նշանակություն հաղորդել բեռնափոխադրողների խնդրին. եթե այն ժամանակ բեռներ չէին գալիս ՌԴ–ից Ադրբեջանի տարածքով, ապա հիմա դա լինելու է։ Հույս ունենք, որ այս առումով որոշակի նորություն կլինի արդեն տարեվերջին»,– նշեց Հակոբյանը։
Հիշեցնենք, որ բեռնատարների վարորդները հոկտեմբերի 21–ին դադարեցրել էին ակցիաները, քանի որ ՀՀ փոխվարչապետ Մհեր Գրիգորյանի գրասենյակից հայտնել էին, որ ՌԴ գործընկերները տրամադրված են հարցին լուծում տալ՝ օրերի թիվը հասցնելով մինչև 180: Փոխվարչապետի գրասենյակից նաև հայտնել էին, որ այս հարցը ընդգրկվել է հոկտեմբերի 24–ին կայանալիք Եվրասիական տնտեսական հանձնաժողովի խորհրդի նիստի օրակարգում։
Նշենք նաև, որ այս տարվա հունվարի 1-ից ոչ վիզային ռեժիմի երկրների քաղաքացիները, որոնք ՌԴ են մուտք գործում ոչ աշխատելու նպատակով (այսինքն՝ միգրացիոն քարտում «այցի նպատակը» բաժնում աշխատանքը նշված չէ- խմբ․), օրացույցային տարվա ընթացքում կարող են մնալ 90 օր (նախկինում թույլատրելի էր տարվա յուրաքանչյուր 180 օրվա մեջ 90 օր- խմբ․)։ Այս փոփոխությունը վերաբերում է նաև ուղևորափոխադրում և բեռնափոխադրում իրականացնողներին։ Վարորդները պնդում են, որ 90 օրը քիչ է, որովհետև թույլատրելի ժամկետի մեծ մասն իրենք կարող են անցկացնել, օրինակ, Վլադիկավկազում կամ Վերին Լարսում հերթերի մեջ։
