https://arm.sputniknews.ru/20251112/inchu-en-hvogevvorakannery-harcaqnnutjan-kanchvel-pastabany-qreakan-nvor-varujti-masin-95751934.html
Ինչո՞ւ են հոգևորականները հարցաքննության կանչվել. փաստաբանը` քրեական նոր վարույթի մասին
Ինչո՞ւ են հոգևորականները հարցաքննության կանչվել. փաստաբանը` քրեական նոր վարույթի մասին
Sputnik Արմենիա
Այն, ինչ անում է ՔԿ–ն, փաստաբան Զոհրաբյանը բնորոշում է որպես հակաեկեղեցական շարժման նոր ռեկորդ և ապա պատճառաբանում` ինչու. քննչական կոմիտեն իրավունք չունի... 12.11.2025, Sputnik Արմենիա
2025-11-12T19:28+0400
2025-11-12T19:28+0400
2025-11-12T19:30+0400
քահանա
հհ քննչական կոմիտե
https://cdn.am.sputniknews.ru/img/07e9/0a/10/94683644_0:0:1600:900_1920x0_80_0_0_885c16a4fc0728a0b8718ba3e7421f1d.jpg
ԵՐԵՎԱՆ, 12 նոյեմբերի – Sputnik. ՀՀ քննչական կոմիտեում քրեական նոր վարույթ է նախաձեռնվել հայ հոգևորականների դեմ ՀՀ քրեական օրենսգրքի խտրականության հոդվածով։ Այդ մասին «Ֆեսբուք» սոցիալական ցանցի իր էջում գրել է փաստաբան Արա Զոհրաբյանը։Ավելի վաղ հայտնել էինք, որ Մայր աթոռ Սուրբ Էջմիածնից և Արագածոտնի թեմից ավելի քան 8 հոգևորականի կանչել են ՀՀ քննչական կոմիտե։ Նրանց ՔԿ են կանչել Նաթան սրբազանին առնչվող ձայնագրության հետ կապված քրեական վարույթի շրջանակում։ Այս պահին հոգևորականները վկայի կարգավիճակով են։Այն, ինչ անում է ՔԿ–ն, Զոհրաբյանը բնորոշում է որպես հակաեկեղեցական շարժման նոր ռեկորդ և ապա պատճառաբանում` ինչու. քննչական կոմիտեն իրավունք չունի խառնվել եկեղեցու ներքին գործերին:Նա հիշեցրել է, որ հենց այդ հատկանիշներով քրեական գործ էր ժամանակին հարուցվել ՀՀ վարչապետ Նիկոլ Փաշինյանի և այդ ժամանակ ԱԱԾ պետ Արթուր Վանեցյանի հեռախոսային խոսակցության գաղտնիությունը խախտելու դեպքի առիթով:Զոհրաբյանը նաև հիշեցրել է, որ խտրականության թեսթը չի կարող կիրառվել եկեղեցում:Նա իր գրառման մեջ մեջբերումներ է արել ՀՀ Սահմանադրությունից, որտեղ հստակ նշվում են Հայ առաքելական սուրբ եկեղեցու` որպես ազգային եկեղեցու բացառիկ առաքելությունը հայ ժողովրդի հոգևոր կյանքում, բացի այդ` ՀՀ–ն ճանաչում է Հայաստանյայց առաքելական սուրբ եկեղեցու ինքնակառավարումն իր նվիրապետության սահմաններում և նաև այն, որ պետությունը, այդ թվում՝ քննչական մարմինը, իրավունք չունի խառնվելու եկեղեցու ներքին գործերին:Հիշեցնենք` հոկտեմբերին իշխանական ԶԼՄ-ները 2023 թվականին արված ձայնագրություն տարածեցին, որում Գարեգին Երկրորդի նախկին գավազանակիր Աղան աբեղա Երնջակյանը Մայր աթոռի արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանի հետ զրույցում դժգոհում է, թե կաթողիկոսը ստիպում է մասնակցել հակաիշխանական ցույցերի:Հոկտեմբերի 17-ին հայտնի դարձավ, որ աղմկահարույց ձայնագրության հիմքով քրեական վարույթ է նախաձեռնվել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
քահանա, հհ քննչական կոմիտե
քահանա, հհ քննչական կոմիտե
Ինչո՞ւ են հոգևորականները հարցաքննության կանչվել. փաստաբանը` քրեական նոր վարույթի մասին
19:28 12.11.2025 (Թարմացված է: 19:30 12.11.2025) Այն, ինչ անում է ՔԿ–ն, փաստաբան Զոհրաբյանը բնորոշում է որպես հակաեկեղեցական շարժման նոր ռեկորդ և ապա պատճառաբանում` ինչու. քննչական կոմիտեն իրավունք չունի խառնվել եկեղեցու ներքին գործերին:
ԵՐԵՎԱՆ, 12 նոյեմբերի – Sputnik. ՀՀ քննչական կոմիտեում քրեական նոր վարույթ է նախաձեռնվել հայ հոգևորականների դեմ ՀՀ քրեական օրենսգրքի խտրականության հոդվածով։ Այդ մասին
«Ֆեսբուք» սոցիալական ցանցի իր էջում գրել է փաստաբան Արա Զոհրաբյանը։
Ավելի վաղ հայտնել էինք, որ Մայր աթոռ Սուրբ Էջմիածնից և Արագածոտնի թեմից ավելի քան 8 հոգևորականի կանչել են ՀՀ քննչական կոմիտե։ Նրանց ՔԿ են կանչել Նաթան սրբազանին առնչվող ձայնագրության հետ կապված
քրեական վարույթի շրջանակում։ Այս պահին հոգևորականները վկայի կարգավիճակով են։
Այն, ինչ անում է ՔԿ–ն, Զոհրաբյանը բնորոշում է որպես հակաեկեղեցական շարժման նոր ռեկորդ և ապա պատճառաբանում` ինչու. քննչական կոմիտեն իրավունք չունի խառնվել եկեղեցու ներքին գործերին:
«Քննչական մարմնին հետաքրքրում է կարգալույծ եղած նախկին տեր Արամ Ասատրյանի և տեր Թադե քահանա Թահմազյանի վերաբերյալ Մայր աթոռում առկա տեղեկությունները: Պատկերացնում եք` քննչական մարմինը մտածում է որ նախկին տեր Արամին կարգալույծ են արել խտրական վերաբերմունքով պայմանավորված: Քննչական մարմնին չի հետաքրքրում, որ հենց քննչական մարմինն է խտրական վերաբերմունք ցույց տալիս Նաթան սրբազանի հեռախոսային խոսակցության դեպքով, երբ քրեական վարույթ չի նախաձեռնում ՀՀ քրեական օրենսգրքի` հեռախոսային խոսակցությունների գաղտնիությունն ապօրինի խախտելուն հոդվածով»,– ընդգծել է փաստաբանը:
Նա հիշեցրել է, որ հենց այդ հատկանիշներով քրեական գործ էր ժամանակին հարուցվել ՀՀ վարչապետ Նիկոլ Փաշինյանի և այդ ժամանակ ԱԱԾ պետ Արթուր Վանեցյանի հեռախոսային խոսակցության գաղտնիությունը խախտելու դեպքի առիթով:
Զոհրաբյանը նաև հիշեցրել է, որ խտրականության թեսթը չի կարող կիրառվել եկեղեցում:
«Չի կարող կինը՝ հենց սեռով պայմանավորված, դառնալ քահանա կամ եպիսկոպոս, չի կարող չմկրտված մարդը ստանալ Սուրբ հաղորդություն: Հիմա ի՞նչ, սա խտրական վերաբերմու՞նք է համարվելու»,– գրել է փաստաբանը:
Նա իր գրառման մեջ մեջբերումներ է արել ՀՀ Սահմանադրությունից, որտեղ հստակ նշվում են Հայ առաքելական սուրբ եկեղեցու` որպես ազգային եկեղեցու բացառիկ առաքելությունը հայ ժողովրդի հոգևոր կյանքում, բացի այդ` ՀՀ–ն ճանաչում է Հայաստանյայց առաքելական սուրբ եկեղեցու ինքնակառավարումն իր նվիրապետության սահմաններում և նաև այն, որ պետությունը, այդ թվում՝ քննչական մարմինը, իրավունք չունի խառնվելու եկեղեցու ներքին գործերին:
Հիշեցնենք` հոկտեմբերին իշխանական ԶԼՄ-ները 2023 թվականին արված ձայնագրություն տարածեցին, որում Գարեգին Երկրորդի նախկին գավազանակիր Աղան աբեղա Երնջակյանը Մայր աթոռի արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանի հետ զրույցում դժգոհում է, թե կաթողիկոսը ստիպում է մասնակցել հակաիշխանական ցույցերի:
Հոկտեմբերի 17-ին հայտնի դարձավ, որ աղմկահարույց ձայնագրության հիմքով
քրեական վարույթ է նախաձեռնվել։
