https://arm.sputniknews.ru/20251109/lsel-srti-babakhjuny-kardal-nkaragrutjuny-erevanci-usanvoghy-kendanacnum-e-dasagrqery-95642175.html
Լսել սրտի բաբախյունը, կարդալ նկարագրությունը. երևանցի ուսանողը «կենդանացնում» է դասագրքերը
Լսել սրտի բաբախյունը, կարդալ նկարագրությունը. երևանցի ուսանողը «կենդանացնում» է դասագրքերը
Sputnik Արմենիա
Վիրտուալ հարթակում հնարավոր է ստեղծել պատկերներ (այդ թվում՝ անիմացիոն), որոնք «կենդանանում են»՝ հեռախոսը դասագրքի նկարազարդումներին մոտեցնելիս։ 09.11.2025, Sputnik Արմենիա
2025-11-09T13:30+0400
2025-11-09T13:30+0400
2025-11-09T13:41+0400
դասագիրք
վիրտուալ
ստարտափ
հայ
ուսանող
https://cdn.am.sputniknews.ru/img/07e9/0b/07/95598957_0:0:1601:901_1920x0_80_0_0_4f859946a8cc86d8c4850037f4c1423d.jpg
ԵՐԵՎԱՆ, 9 նոյեմբերի - Sputnik. Երևանցի ուսանող Վաչե Թադևոսյանը դպրոցական գործընթացի համար ստեղծել է ծրագիր՝ լրացված իրականության (AR) և արհեստական բանականության (AI) տարրերով: Այս մասին նա պատմել է Sputnik Արմենիային։Ծրագիրը թույլ է տալիս ստեղծել տարբեր առարկաների դասագրքերի պատկերներ (և՛ անշարժ, և՛ անիմացիոն)։ Օրինակ՝ հեռախոսը կենսաբանության դասագրքի նկարին մոտ պահելով՝ կարելի է տեսնել սրտի բաբախյունը, իսկ սեղմելով վիրտուալ նկարի թվերը՝ սրտի համապատասխան մասի նկարագրությունը։«ReEducate» ստարտափի (որտեղ Վաչեն հանդես է գալիս որպես համահիմնադիր) թողարկած արտադրանքն արդեն օգտագործվում է Հայաստանի ավելի քան մեկուկես տասնյակ դպրոցներում և հոկտեմբերին ներկայացվել է Երևանում կայացած «DigiTec» բարձր տեխնոլոգիաների ամենամյա ցուցահանդեսին։Տեսողականացումից (վիզուալիզացիա) բացի, AI-ով կարելի է ստեղծել տարբեր բարդության հարցաթերթիկներ՝ քվիզներ (ինտերակտիվ թեստեր, վիկտորինաներ և հարցումներ – խմբ.)։Վաչեն, որը նախագծով սկսել է զբաղվել դեռևս դպրոցական հասակում, իսկ այժմ Հայաստանի Եվրոպական համալսարանի 2-րդ կուրսի ուսանող է, նշում է, որ ամբողջ գործիքակազմը հասանելի է նաև աշակերտներին. նրանք նույնպես կարող են ստեղծել իրենց կոնտենտը և ներկայացնել համադասարանցիներին:Մոտ ապագայում ReEducate-ի հիմնադիրները մտադիր են համագործակցություն սկսել ԿԳՄՍՆ-ի հետ, որպեսզի այս հարթակը կիրառվի նաև հանրակրթական դպրոցներում: Հավելենք, որ առայժմ այն պատրաստ է երեք լեզվական տարբերակով (հայերեն, ռուսերեն, անգլերեն), սակայն ընկերությունը բանակցություններ է վարում արաբական երկրներից մեկի համար այն տեղայնացնելու շուրջ։Ամերիկահայի ստարտափը սովորական մարդկանց կօգնի օգտվել VIP ծառայություններից
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դասագիրք, վիրտուալ, ստարտափ, հայ, ուսանող
դասագիրք, վիրտուալ, ստարտափ, հայ, ուսանող
Լսել սրտի բաբախյունը, կարդալ նկարագրությունը. երևանցի ուսանողը «կենդանացնում» է դասագրքերը
13:30 09.11.2025 (Թարմացված է: 13:41 09.11.2025) Վիրտուալ հարթակում հնարավոր է ստեղծել պատկերներ (այդ թվում՝ անիմացիոն), որոնք «կենդանանում են»՝ հեռախոսը դասագրքի նկարազարդումներին մոտեցնելիս։
ԵՐԵՎԱՆ, 9 նոյեմբերի - Sputnik. Երևանցի ուսանող Վաչե Թադևոսյանը դպրոցական գործընթացի համար ստեղծել է ծրագիր՝ լրացված իրականության (AR) և արհեստական բանականության (AI) տարրերով: Այս մասին նա պատմել է Sputnik Արմենիային։
Ծրագիրը թույլ է տալիս ստեղծել տարբեր առարկաների դասագրքերի պատկերներ (և՛ անշարժ, և՛ անիմացիոն)։ Օրինակ՝ հեռախոսը կենսաբանության դասագրքի նկարին մոտ պահելով՝ կարելի է տեսնել սրտի բաբախյունը, իսկ սեղմելով վիրտուալ նկարի թվերը՝ սրտի համապատասխան մասի նկարագրությունը։
«ReEducate» ստարտափի (որտեղ Վաչեն հանդես է գալիս որպես համահիմնադիր) թողարկած արտադրանքն արդեն օգտագործվում է Հայաստանի ավելի քան մեկուկես տասնյակ դպրոցներում և հոկտեմբերին ներկայացվել է Երևանում կայացած «DigiTec» բարձր տեխնոլոգիաների ամենամյա ցուցահանդեսին։
«Մենք ուսուցիչներին առաջարկում ենք գործիքներ, որոնցով նրանք կստեղծեն իրենց գրաֆիկներն ու գծապատկերները, քանի որ նրանք մեզանից ավելի լավ գիտեն իրենց առարկաները: Մեր բազայում կա ավելի քան 10 հազար նմուշ (templates)», - նշել է Թադևոսյանը։
Տեսողականացումից (վիզուալիզացիա) բացի, AI-ով կարելի է ստեղծել տարբեր բարդության հարցաթերթիկներ՝ քվիզներ (ինտերակտիվ թեստեր, վիկտորինաներ և հարցումներ – խմբ.)։
Վաչեն, որը նախագծով սկսել է զբաղվել դեռևս դպրոցական հասակում, իսկ այժմ Հայաստանի Եվրոպական համալսարանի 2-րդ կուրսի ուսանող է, նշում է, որ ամբողջ գործիքակազմը հասանելի է նաև աշակերտներին. նրանք նույնպես կարող են ստեղծել իրենց կոնտենտը և ներկայացնել համադասարանցիներին:
Մոտ ապագայում ReEducate-ի հիմնադիրները մտադիր են համագործակցություն սկսել ԿԳՄՍՆ-ի հետ, որպեսզի այս հարթակը կիրառվի նաև հանրակրթական դպրոցներում: Հավելենք, որ առայժմ այն պատրաստ է երեք լեզվական տարբերակով (հայերեն, ռուսերեն, անգլերեն), սակայն ընկերությունը բանակցություններ է վարում արաբական երկրներից մեկի համար այն տեղայնացնելու շուրջ։
