https://arm.sputniknews.ru/20251107/pek-nakhkin-nakhagahi-pashtpannery-vorvoshel-en-bvoghvoqarkel-datarani-vorvoshumy-95575259.html
ՊԵԿ նախկին նախագահի պաշտպանները որոշել են բողոքարկել դատարանի որոշումը
ՊԵԿ նախկին նախագահի պաշտպանները որոշել են բողոքարկել դատարանի որոշումը
Sputnik Արմենիա
Փաստաբան Արմեն Անդրիկյանը միջնորդել էր չերկարաձգել Հարությունյանի կալանքը։ 07.11.2025, Sputnik Արմենիա
2025-11-07T10:25+0400
2025-11-07T10:25+0400
2025-11-07T10:28+0400
վարդան հարությունյան
կալանք
տնային կալանք
պաշտպան
արմեն անդրիկյան
https://cdn.am.sputniknews.ru/img/543/34/5433412_0:0:962:541_1920x0_80_0_0_905145d9fa4febe00f9e737844ad6d93.jpg
ԵՐԵՎԱՆ, 7 նոյեմբերի - Sputnik. ՀՀ պետական եկամուտների կոմիտեի նախկին նախագահ Վարդան Հարութունյանի պաշտպանները պատրաստվում են բողոքարկել նրա խափանման միջոցը տնային կալանք ընտրելու` դատարանի որոշումը։ Այս մասին Sputnik Արմենիայի հետ զրույցում ասաց Հարությունյանի փաստաբան Արմեն Անդրիկյանը։Ինչպես հայտնել ենք, նոյեմբերի 7-ին կայացել է Վարդան Հարությունյանի գործով դատական նիստը, որի ժամանակ դատարանը որոշել է փոխել նրա խափանման միջոց կալանքը՝ կիրառելով տնային կալանք։Նա ընդգծեց՝ բողոք ներկայացնելու են, քանի որ դատարանի հիմնավոր կասկածի հետ համաձայն չեն և համարում են, որ ավելի մեղմ խափանման միջոց պետք է ընտրվի, օրինակ՝ գրավ կամ վարչական հսկողություն։Հիշեցնենք` Վարդան Հարությունյանը կալանքի տակ է օգոստոսի 8-ից, նրա կալանքի ժամկետը վերջին անգամ մեկ ամսով երկարացվել էր հոկտեմբերին։ՀՀ ՊԵԿ նախկին նախագահի դեմ հարուցված քրեական գործը վերաբերում է «Նորֆոլկ» ընկերությանը։ Նրան ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներ են առաջադրվել։ Նախաքննական մարմինը նշել է, որ Հարությունյանն այս ընկերության հետ կապ է ունեցել, մինչդեռ փաստաբաններ նշում են, որ իրականում 2018 թվականին այս ընկերության հետ կապված քննություն է իրականացվել, և այդ կապն ամբողջությամբ հերքվել է։Վարդան Հարությունյանը ՊԵԿ նախագահ է եղել 2016–2018թթ․-ին։ Դեռ նախորդ տարի ՀՀ գլխավոր դատախազությունը հայտնել էր, որ պահանջում է ՊԵԿ նախկին նախագահից բռնագանձել 23 անշարժ գույք, 9 տրանսպորտային միջոց, 473 հազար դոլար ավանդ, 6 մլն 239 հազար դոլարի և 219 մլն 880 հազար դրամի չափով տրված փոխառության պահանջի իրավունք, Լոնդոնում ձեռք բերված գույքի ձեռքբերման արժեքի (ապօրինի մասի) չափով գումար, որը կազմում է 242 մլն 128 հազար դրամ, 1 մլրդ 61 մլն 438 հազար դրամ՝ որպես ապօրինի ծագում ունեցող գույքի օգտագործումից ստացված եկամտի մնացորդ, 4 մլրդ 975 մլն 318 հազար դրամ, որը չի հիմնավորվում օրինական եկամուտներով, ունի ապօրինի ծագում և ուսումնասիրվող ժամանակահատվածի ընթացքում փոխանցվել է բարեխիղճ ձեռքբերողների կամ այն անհնար է նույնականացնել:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վարդան հարությունյան, կալանք, տնային կալանք, պաշտպան, արմեն անդրիկյան
վարդան հարությունյան, կալանք, տնային կալանք, պաշտպան, արմեն անդրիկյան
ՊԵԿ նախկին նախագահի պաշտպանները որոշել են բողոքարկել դատարանի որոշումը
10:25 07.11.2025 (Թարմացված է: 10:28 07.11.2025) Փաստաբան Արմեն Անդրիկյանը միջնորդել էր չերկարաձգել Հարությունյանի կալանքը։
ԵՐԵՎԱՆ, 7 նոյեմբերի - Sputnik. ՀՀ պետական եկամուտների կոմիտեի նախկին նախագահ Վարդան Հարութունյանի պաշտպանները պատրաստվում են բողոքարկել նրա խափանման միջոցը տնային կալանք ընտրելու` դատարանի որոշումը։ Այս մասին
Sputnik Արմենիայի հետ զրույցում ասաց Հարությունյանի փաստաբան Արմեն Անդրիկյանը։
Ինչպես հայտնել ենք, նոյեմբերի 7-ին կայացել է Վարդան Հարությունյանի գործով դատական նիստը, որի ժամանակ դ
ատարանը որոշել է փոխել նրա խափանման միջոց կալանքը՝ կիրառելով տնային կալանք։
«Միջնորդել էինք կալանքը չերկարաձգել, բայց դատարանը որոշեց կիրառել խափանման միջոց տնային կալանքը»,- նշեց Անդրիկյանը։
Նա ընդգծեց՝ բողոք ներկայացնելու են, քանի որ դատարանի հիմնավոր կասկածի հետ համաձայն չեն և համարում են, որ ավելի մեղմ խափանման միջոց պետք է ընտրվի, օրինակ՝ գրավ կամ վարչական հսկողություն։
Հիշեցնենք` Վարդան Հարությունյանը կալանքի տակ է օգոստոսի 8-ից, նրա
կալանքի ժամկետը վերջին անգամ մեկ ամսով երկարացվել էր հոկտեմբերին։
ՀՀ ՊԵԿ նախկին նախագահի դեմ հարուցված քրեական գործը վերաբերում է
«Նորֆոլկ» ընկերությանը։ Նրան ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներ են առաջադրվել։ Նախաքննական մարմինը նշել է, որ Հարությունյանն այս ընկերության հետ կապ է ունեցել, մինչդեռ փաստաբաններ նշում են, որ իրականում 2018 թվականին այս ընկերության հետ կապված քննություն է իրականացվել, և այդ կապն ամբողջությամբ հերքվել է։
Վարդան Հարությունյանը ՊԵԿ նախագահ է եղել 2016–2018թթ․-ին։ Դեռ նախորդ տարի
ՀՀ գլխավոր դատախազությունը հայտնել էր, որ պահանջում է ՊԵԿ նախկին նախագահից բռնագանձել 23 անշարժ գույք, 9 տրանսպորտային միջոց, 473 հազար դոլար ավանդ, 6 մլն 239 հազար դոլարի և 219 մլն 880 հազար դրամի չափով տրված փոխառության պահանջի իրավունք, Լոնդոնում ձեռք բերված գույքի ձեռքբերման արժեքի (ապօրինի մասի) չափով գումար, որը կազմում է 242 մլն 128 հազար դրամ, 1 մլրդ 61 մլն 438 հազար դրամ՝ որպես ապօրինի ծագում ունեցող գույքի օգտագործումից ստացված եկամտի մնացորդ, 4 մլրդ 975 մլն 318 հազար դրամ, որը չի հիմնավորվում օրինական եկամուտներով, ունի ապօրինի ծագում և ուսումնասիրվող ժամանակահատվածի ընթացքում փոխանցվել է բարեխիղճ ձեռքբերողների կամ այն անհնար է նույնականացնել:
