https://arm.sputniknews.ru/20251104/kb-nakhagahy-parzabanec-inchu-en-krkin-anpvopvokh-tvoghel-verafinansavvorman-tvokvosadrujqy-95448085.html
ԿԲ նախագահը պարզաբանեց` ինչու են կրկին անփոփոխ թողել վերաֆինանսավորման տոկոսադրույքը
ԿԲ նախագահը պարզաբանեց` ինչու են կրկին անփոփոխ թողել վերաֆինանսավորման տոկոսադրույքը
Sputnik Արմենիա
Մարտին Գալստյանը նշեց, որ 2025 թ. 3–րդ եռամսյակում 12–ամյսա գնաճը փոքր–ինչ արագացել է` սեպտեմբերին կազմելով 3.7 տոկոս։ 04.11.2025, Sputnik Արմենիա
2025-11-04T14:32+0400
2025-11-04T14:32+0400
2025-11-04T14:32+0400
հայաստան
վերաֆինանսավորման տոկոսադրույք
մարտին գալստյան
https://cdn.am.sputniknews.ru/img/07e9/0a/1b/95130495_0:0:1094:616_1920x0_80_0_0_8d5ad9e725ae9d9a32f43da34ab13453.jpg
ԵՐԵՎԱՆ, 4 նոյեմբերի – Sputnik. ՀՀ կենտրոնական բանկը կրկին անփոփոխ է թողել վերաֆինանսավորման տոկոսադրույքը՝ 6.75 տոկոս։ Այդ մասին այսօր լրագրողների հետ հանդիպմանն ասաց ՀՀ կենտրոնական բանկի նախագահ Մարտին Գալստյանը։Նշենք, որ վերաֆինանսավորման տոկոսադրույքը փետրվարի 4–ից հետո չի փոխվել. փետրվարի 4-ին այն իջեցվել էր 0.25 տոկոսային կետով` սահմանվելով 6.75 %։Գալստյանի խոսքով` մակրոտնտեսական ընթացիկ զարգացումների պայմաններում ՀՀ ֆինանսական շուկայի մասնակիցներն ընդհանուր առմամբ ակնկալում են, որ ԿԲ–ն միջնաժամկետ հորիզոնում աստիճանաբար կնվազեցնի վերաֆինանսավորման տոկոսադրույքը` մինչև 6.25–6.5 տոկոս։ԿԲ նախագահը հայտնեց նաև, որ իրենց կողմից տրամադրվող լոմբարդային ռեպոյի տոկոսադրույքը 8.25 % է, իսկ բանկերից ներգրավվող միջոցների տոկոսադրույքը՝ 5.25 %:Ներկայացնելով ՀՀ ԿԲ դրամավարկային քաղաքականության թափանցիկության զեկույցը` Գալստյանը նշեց, որ 2025 թ. 3–րդ եռամսյակում 12–ամյսա գնաճը փոքր–ինչ արագացել է` սեպտեմբերին կազմելով 3.7 տոկոս։«2025 թ. 3–րդ եռամսյակում ՀՀ տնտեսական ակտիվությունն ավելացել է, որին շարունակել է զգալիորեն նպաստել շինարարության և ծառայությունների ճյուղերի բարձր աճը, ինչպես նաև որոշ կարճաժամկետ ոչ կառուցվածքային գործոնների ազդեցությունը։ Արձանագրվել է նաև տեղական ապրանքների և ծառայությունների նկատմամբ արտաքին պահանջարկի աճ»,– նշեց Գալստյանը։Նա վստահեցրեց, որ ԿԲ խորհուրդը կշարունակի մշտադիտարկել տնտեսության զարգացման սցենարները և պատրաստ է համարժեք գործողություններ ձեռնարկել միջնաժամկետ հորիզոնում գնաճը 3 տոկոսանոց նպատակային ցուցանիշի վրա կայունացնելու համար։Նշենք, որ առևտրային բանկերը հարկ եղած դեպքում երբեմն իրենք էլ են ստիպված լինում վարկ վերցնել ԿԲ–ից` որպես վերջին ատյանի վարկատու։ Ուստի վերաֆինանսավորման տոկոսադրույքը վարկի գինն է, այսինքն` այն տոկոսադրույքը, որով բանկերը վարկային միջոցներ են վերցնում կարգավորիչից։Վերաֆինանսավորման տոկոսադրույքը նաև ԿԲ–ի հիմնական գործիքն է ֆինանսական շուկայի և տնտեսության կարգավորման գործում։ Այդ տոկոսադրույքի բարձրացման կամ նվազեցման միջոցով ԿԲ–ն ազդում է նաև գնաճի վրա։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, վերաֆինանսավորման տոկոսադրույք, մարտին գալստյան
հայաստան, վերաֆինանսավորման տոկոսադրույք, մարտին գալստյան
ԿԲ նախագահը պարզաբանեց` ինչու են կրկին անփոփոխ թողել վերաֆինանսավորման տոկոսադրույքը
Մարտին Գալստյանը նշեց, որ 2025 թ. 3–րդ եռամսյակում 12–ամյսա գնաճը փոքր–ինչ արագացել է` սեպտեմբերին կազմելով 3.7 տոկոս։
ԵՐԵՎԱՆ, 4 նոյեմբերի – Sputnik. ՀՀ կենտրոնական բանկը կրկին անփոփոխ է թողել վերաֆինանսավորման տոկոսադրույքը՝ 6.75 տոկոս։ Այդ մասին այսօր լրագրողների հետ հանդիպմանն ասաց ՀՀ կենտրոնական բանկի նախագահ Մարտին Գալստյանը։
Նշենք, որ վերաֆինանսավորման տոկոսադրույքը փետրվարի 4–ից հետո չի փոխվել. փետրվարի 4-ին այն
իջեցվել էր 0.25 տոկոսային կետով` սահմանվելով 6.75 %։
Գալստյանի խոսքով` մակրոտնտեսական ընթացիկ զարգացումների պայմաններում ՀՀ ֆինանսական շուկայի մասնակիցներն ընդհանուր առմամբ ակնկալում են, որ ԿԲ–ն միջնաժամկետ հորիզոնում աստիճանաբար կնվազեցնի վերաֆինանսավորման տոկոսադրույքը` մինչև 6.25–6.5 տոկոս։
«ԿԲ–ն, քննարկելով հարկաբյուջետային քաղաքականությունների ազդեցության հետ կապված համաշխարհային չեզոք տոկոսադրույքների հնարավոր աճը, խոսքը ԱՄՆ-ի մասին է, ինչպես նաև ներքին տնտեսությունում ավելցուկային պահանջարկի պայմանների ձևավորման ռիսկերը, որոնք պահանջում են շուկայական սպասումների համեմատությամբ վերաֆինանսավորման ավելի բարձր տոկոսադրույքի ուղի, որոշեց անփոփոխ թողնել տոկոսադրույքը»,– ասաց նա։
ԿԲ նախագահը հայտնեց նաև, որ իրենց կողմից տրամադրվող լոմբարդային ռեպոյի տոկոսադրույքը 8.25 % է, իսկ բանկերից ներգրավվող միջոցների տոկոսադրույքը՝ 5.25 %:
Ներկայացնելով ՀՀ ԿԲ դրամավարկային քաղաքականության թափանցիկության զեկույցը` Գալստյանը նշեց, որ 2025 թ. 3–րդ եռամսյակում 12–ամյսա գնաճը փոքր–ինչ արագացել է` սեպտեմբերին կազմելով 3.7 տոկոս։
«2025 թ. 3–րդ եռամսյակում ՀՀ տնտեսական ակտիվությունն ավելացել է, որին շարունակել է զգալիորեն նպաստել շինարարության և ծառայությունների ճյուղերի բարձր աճը, ինչպես նաև որոշ կարճաժամկետ ոչ կառուցվածքային գործոնների ազդեցությունը։ Արձանագրվել է նաև տեղական ապրանքների և ծառայությունների նկատմամբ արտաքին պահանջարկի աճ»,– նշեց Գալստյանը։
Նա վստահեցրեց, որ ԿԲ խորհուրդը կշարունակի մշտադիտարկել տնտեսության զարգացման սցենարները և պատրաստ է համարժեք գործողություններ ձեռնարկել միջնաժամկետ հորիզոնում գնաճը 3 տոկոսանոց նպատակային ցուցանիշի վրա կայունացնելու համար։
Նշենք, որ առևտրային բանկերը հարկ եղած դեպքում երբեմն իրենք էլ են ստիպված լինում վարկ վերցնել ԿԲ–ից` որպես վերջին ատյանի վարկատու։ Ուստի վերաֆինանսավորման տոկոսադրույքը վարկի գինն է, այսինքն` այն տոկոսադրույքը, որով բանկերը վարկային միջոցներ են վերցնում կարգավորիչից։
Վերաֆինանսավորման տոկոսադրույքը նաև ԿԲ–ի հիմնական գործիքն է ֆինանսական շուկայի և տնտեսության կարգավորման գործում։ Այդ տոկոսադրույքի բարձրացման կամ նվազեցման միջոցով ԿԲ–ն ազդում է նաև գնաճի վրա։
