https://arm.sputniknews.ru/20251104/hrhn-kvoghm-che-shvoghakat-herustaynkerutjan-pakmany-tigran-hakvobjan-95440704.html
ՀՌՀ–ն կողմ չէ «Շողակաթ» հեռուստաընկերության փակմանը. Տիգրան Հակոբյան
ՀՌՀ–ն կողմ չէ «Շողակաթ» հեռուստաընկերության փակմանը. Տիգրան Հակոբյան
Sputnik Արմենիա
ՀՌՀ նախագահը նշեց, որ «Շողակաթ» ՀԸ–ն չի կատարել իր օրենսդրական պարտականությունը։ 04.11.2025, Sputnik Արմենիա
2025-11-04T13:32+0400
2025-11-04T13:32+0400
2025-11-04T15:22+0400
հայաստան
«շողակաթ» հեռուստաընկերություն
տիգրան հակոբյան (հեռուստատեսության ու ռադիոյի հանձնաժողովի նախագահ )
https://cdn.am.sputniknews.ru/img/07e9/0b/04/95442789_0:0:1276:718_1920x0_80_0_0_c24def3702fc6fd51aa7d45241b1db4a.jpg
ԵՐԵՎԱՆ, 4 նոյեմբերի – Sputnik. Հեռուստատեսության և ռադիոյի հանձնաժողովը կողմ չէ ԱԺ «Քաղաքացիական պայմանագիր» խմբակցության դիրքորոշմանը` կապված «Շողակաթ» հեռուստաընկերության հետ։ Հանձնաժողովի նախագահ Տիգրան Հակոբյանն այս մասին ասաց ԱԺ–ում լրագրողների հետ զրույցում` մեկնաբանելով ԱԺ–ի ընդունած օրինագիծ, որը հեղինակել են իշխող «Քաղաքացիական պայմանագիր» խմբակցության պատգամավորներ Սիսակ Գաբրիելյանն ու Թագուհի Ղազարյանը։Թագուհի Ղազարյանն ավելի վաղ ասել էր, որ նախկինում պետությունը «Շողակաթի» հետ առանց մրցույթի, մեկ անձից գնումների եղանակով կնքել է շուրջ 3 մլրդ դրամի պայմանագրեր։ Նրա խոսքով՝ այս միջոցները կարող են առավել նպատակային բաշխվել մուլտիպլեքսի բոլոր հեռուստաընկերությունների միջև՝ ապահովելով մրցակցային հավասար պայմաններ։Մտահոգություն չէ, իրականություն է. Թագուհի Ղազարյանը` «Շողակաթ» ՀԸ–ի փակման մասինՄիևնույն ժամանակ նա ուշադրություն հրավիրեց այն փաստի վրա, որ «Շողակաթը» օրենքով կրոնական ալիք չէ։«Մենք մոռանում ենք, որ 2020 թ.–ի նոր օրենքի համաձայն՝ «Շողակաթը» ոչ թե հոգևոր և մշակութային ծրագիր է, այլ կրթական–մշակութային։ Հոգևոր–կրոնական հաղորդումներ կրթական–մշակութային ալիքում չպետք է լինեն, որովհետև կրթությունը և մշակույթը կղերական մոտեցումների հետ պետք է կապ չունենան»,– ասաց նա։Հակոբյանի խոսքով՝ «Շողակաթ» ՀԸ–ն օրենքի փոփոխությունից հետո չփոխվեց և չկատարեց օրենսդրական պարտականությունը։ Նա ընդգծեց` անգամ կրոնական ալիքում անընդունելի է քաղաքական բովանդակություն հեռարձակելը։«Դա տեսավ նաև հեռուստադիտողը, և «Շողակաթի» ռեյտինգը կամաց–կամաց ընկավ և հավասարվեց գրեթե զրոյի։ Մենք խոսում ենք մի հեռարձակողի մասին, որ ՀՀ–ում գրեթե լսարան չուներ. սա պետք է լուծում ստանա»,– ասաց ՀՌՀ նախագահը։Հիշեցնենք` ԱԺ–ն հոկտեմբերի 24-ին ընդունեց «Տեսալսողական մեդիայի մասին» օրենքում փոփոխություն անելու նախագիծը, որով նախատեսվում է հանրային հեռարձակողների թիվը նվազեցնել՝ հասցնելով երկուսի՝ միևնույն ժամանակ վերացնելով նաև կրթական-մշակութային ուղղվածության ծրագիր պարունակելու պահանջը։ Օրինագծի հիմնավորումից պարզ էր դառնում, որ խոսքը հոգևոր–մշակութային «Շողակաթ» հեռուստաընկերությունից հրաժարվելու և այն հանրային հեռարձակողների շարքից դուրս թողնելու մասին է։Փոփոխությունները կսկսեն գործել 2026թ․ հունվարի 1-ից։«Շողակաթի» հեռարձակումը դադարեցնելու հարց չկա. ԲՏԱ նախարար
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
ՀՌՀ նախագահը, թեպետ «հաշտ չէ «Շողակաթը»» փակելու որոշման հետ, բայց դեմ է հոգևոր հեռուստաալիքի գոյությանը
Sputnik Արմենիա
ՀՌՀ նախագահը, թեպետ «հաշտ չէ «Շողակաթը»» փակելու որոշման հետ, բայց դեմ է հոգևոր հեռուստաալիքի գոյությանը
2025-11-04T13:32+0400
true
PT1M34S
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, «շողակաթ» հեռուստաընկերություն, տիգրան հակոբյան (հեռուստատեսության ու ռադիոյի հանձնաժողովի նախագահ ), видео
հայաստան, «շողակաթ» հեռուստաընկերություն, տիգրան հակոբյան (հեռուստատեսության ու ռադիոյի հանձնաժողովի նախագահ ), видео
ՀՌՀ–ն կողմ չէ «Շողակաթ» հեռուստաընկերության փակմանը. Տիգրան Հակոբյան
13:32 04.11.2025 (Թարմացված է: 15:22 04.11.2025) ՀՌՀ նախագահը նշեց, որ «Շողակաթ» ՀԸ–ն չի կատարել իր օրենսդրական պարտականությունը։
ԵՐԵՎԱՆ, 4 նոյեմբերի – Sputnik. Հեռուստատեսության և ռադիոյի հանձնաժողովը կողմ չէ ԱԺ «Քաղաքացիական պայմանագիր» խմբակցության դիրքորոշմանը` կապված «Շողակաթ» հեռուստաընկերության հետ։ Հանձնաժողովի նախագահ Տիգրան Հակոբյանն այս մասին ասաց ԱԺ–ում լրագրողների հետ զրույցում` մեկնաբանելով ԱԺ–ի ընդունած օրինագիծ, որը հեղինակել են իշխող «Քաղաքացիական պայմանագիր» խմբակցության պատգամավորներ Սիսակ Գաբրիելյանն ու Թագուհի Ղազարյանը։
Թագուհի Ղազարյանն ավելի վաղ ասել էր, որ նախկինում պետությունը «Շողակաթի» հետ առանց մրցույթի, մեկ անձից գնումների եղանակով կնքել է շուրջ 3 մլրդ դրամի պայմանագրեր։ Նրա խոսքով՝ այս միջոցները կարող են առավել նպատակային բաշխվել մուլտիպլեքսի բոլոր հեռուստաընկերությունների միջև՝ ապահովելով մրցակցային հավասար պայմաններ։
«Նախագծի հեղինակը շատ լավ գիտի, որ ոչ միայն ես, այլև մեր հանձնաժողովի անդամները այնքան էլ հաշտ չենք այդ որոշման հետ և գտնում ենք, որ կարելի էր շատ ավելի արդյունավետ ու ճիշտ լուծում գտնել»,- ասաց Հակոբյանը։
Միևնույն ժամանակ նա ուշադրություն հրավիրեց այն փաստի վրա, որ «Շողակաթը» օրենքով կրոնական ալիք չէ։
«Մենք մոռանում ենք, որ 2020 թ.–ի նոր օրենքի համաձայն՝ «Շողակաթը» ոչ թե հոգևոր և մշակութային ծրագիր է, այլ կրթական–մշակութային։ Հոգևոր–կրոնական հաղորդումներ կրթական–մշակութային ալիքում չպետք է լինեն, որովհետև կրթությունը և մշակույթը կղերական մոտեցումների հետ պետք է կապ չունենան»,– ասաց նա։
Հակոբյանի խոսքով՝ «Շողակաթ» ՀԸ–ն օրենքի փոփոխությունից հետո չփոխվեց և չկատարեց օրենսդրական պարտականությունը։ Նա ընդգծեց` անգամ կրոնական ալիքում անընդունելի է քաղաքական բովանդակություն հեռարձակելը։
«Դա տեսավ նաև հեռուստադիտողը, և «Շողակաթի» ռեյտինգը կամաց–կամաց ընկավ և հավասարվեց գրեթե զրոյի։ Մենք խոսում ենք մի հեռարձակողի մասին, որ ՀՀ–ում գրեթե լսարան չուներ. սա պետք է լուծում ստանա»,– ասաց ՀՌՀ նախագահը։
Հիշեցնենք` ԱԺ–ն հոկտեմբերի 24-ին
ընդունեց «Տեսալսողական մեդիայի մասին» օրենքում փոփոխություն անելու նախագիծը, որով նախատեսվում է հանրային հեռարձակողների թիվը նվազեցնել՝ հասցնելով երկուսի՝ միևնույն ժամանակ վերացնելով նաև կրթական-մշակութային ուղղվածության ծրագիր պարունակելու պահանջը։ Օրինագծի հիմնավորումից պարզ էր դառնում, որ խոսքը հոգևոր–մշակութային «Շողակաթ» հեռուստաընկերությունից հրաժարվելու և այն հանրային հեռարձակողների շարքից դուրս թողնելու մասին է։
Փոփոխությունները կսկսեն գործել 2026թ․ հունվարի 1-ից։
