https://arm.sputniknews.ru/20251031/arcakhic-brnahanvats-3250-yntaniq-tan-havastagir-e-stacel-inch-baghadrichnervov-en-trvel-dranq-95306860.html
Արցախից տեղահանված 3250 ընտանիք տան հավաստագիր է ստացել․ ինչ բաղադրիչներով են տրվել դրանք
Արցախից տեղահանված 3250 ընտանիք տան հավաստագիր է ստացել․ ինչ բաղադրիչներով են տրվել դրանք
Sputnik Արմենիա
Ղարագյոզյանն ընդգծեց, որ շահառուները միայն մարզային քաղաքներում չեն, նրանք նաև գյուղերում են ապրում։ 31.10.2025, Sputnik Արմենիա
2025-10-31T12:44+0400
2025-10-31T12:44+0400
2025-10-31T18:22+0400
բռնի տեղահանված
արցախ
բնակարան
հայաստան
հավաստագիր
ադրբեջան
հայ-ադրբեջանական
https://cdn.am.sputniknews.ru/img/07e4/0b/13/25415889_0:43:1600:943_1920x0_80_0_0_49b6afba3f8e69167a8106260be8c349.jpg
ԵՐԵՎԱՆ, 31 հոկտեմբերի - Sputnik. Արցախից բռնի տեղահանված 3250 ընտանիք արդեն իսկ ստացել է տան հավաստագիր։ Այս մասին ասուլիսի ժամանակ հայտնեց ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթների համակարգող խորհրդական Գայանե Ղարագյոզյանը։Նրա խոսքով՝ այս պահին առաջատարը Կոտայքի մարզն է, որտեղ 270 ընտանիք է իրացրել իր հավաստագիրը։ Հիմնականում Հրազդան, Չարենցավան, Աբովյան քաղաքներն են ամենաակտիվը։ Հաջորդ տեղում Երևանն է՝ 236 ընտանիք է հավաստագրերն իրացրել, այնուհետև Արմավիրն է՝ 199 շահառուով (Արմավիր, Էջմիածին և Մեծամոր բնակավայրերում)։Հաջորդը Լոռու մարզն է՝ 129 շահառուով (Վանաձոր, Ստեփանավան և Ալավերդի), այնուհետև Արարատի մարզը՝ 121 շահառուով (Մասիս, Արարատ, Այնթապ)։Սյունիքի մարզում 70 շահառու կա, որոնք իրացրել են իրենց հավաստագրերը՝ հիմնականում Գորիս և Սիսիան բնակավայրերում, Շիրակի մարզում՝ 59 ընտանիք կա, որտեղ ակտիվ են Գյումրին և Արթիկը։Հայաստանն ԱԶԲ-ից 250 մլն դոլար վարկ է վերցնում արցախցիների բնակապահովման ծրագրի համարԳեղարքունիքի մարզում 52 շահառու կա (Գավառ, Սևան, Վարդենիս)։ Տավուշ, Արագածոտն և Վայոց Ձոր մարզերը համեմատաբար ավելի պասիվ են՝ համապատասխանաբար՝ 35, 29 և 20 շահառու կա։Ղարագյոզյանն ընդգծեց, որ շահառուները միայն մարզային քաղաքներում չեն, նրանք նաև գյուղերում են ապրում։Հիշեցնենք, որ 250 մլն ԱՄՆ դոլարի չափով վարկը Հայաստանին տրամադրվելու է 27 տարի ժամկետով, որից 10 տարին արտոնյալ ժամկետ է։ Վարկի տոկոսադրույքը լողացող է։ Մայր գումարը ենթակա է մարման 34 հավասարաչափ կիսամյակային վճարումներով` 2035թ․ դեկտեմբերի 15-ից մինչև 2052թ. հունիսի 15-ը։Հավելենք, որ ՀՀ ներքին գործերի նախարարության միգրացիայի և քաղաքացիության ծառայության տվյալներով՝ 2023 թվականի սեպտեմբերից հետո Արցախից 115 365 մարդ է բռնի տեղահանվել։ Հուլիսի 3-ի տվյալներով՝ նրանցից 9 346-ը Հայաստանի Հանրապետության քաղաքացիություն են ստացել։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բռնի տեղահանված, արցախ, բնակարան, հայաստան, հավաստագիր, ադրբեջան, հայ-ադրբեջանական
բռնի տեղահանված, արցախ, բնակարան, հայաստան, հավաստագիր, ադրբեջան, հայ-ադրբեջանական
Արցախից տեղահանված 3250 ընտանիք տան հավաստագիր է ստացել․ ինչ բաղադրիչներով են տրվել դրանք
12:44 31.10.2025 (Թարմացված է: 18:22 31.10.2025) Ղարագյոզյանն ընդգծեց, որ շահառուները միայն մարզային քաղաքներում չեն, նրանք նաև գյուղերում են ապրում։
ԵՐԵՎԱՆ, 31 հոկտեմբերի - Sputnik. Արցախից բռնի տեղահանված 3250 ընտանիք արդեն իսկ ստացել է տան հավաստագիր։ Այս մասին ասուլիսի ժամանակ հայտնեց ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթների համակարգող խորհրդական Գայանե Ղարագյոզյանը։
«Տվյալներն այսօր առավոտվա են։ Մեզ մոտ ժամերի ընթացքում էլ է փոխվում վիճակագրությունը։ Այդ ընտանիքներից 2954-ն այդ հավաստագրերը ստացել են անշարժ գույքի ձեռքբերման, 102-ը՝ անհատական տան կառուցման, իսկ 191-ը՝ գործող պետական վարկի մարման աջակցության բաղադրիչներով։ 3250 ընտանիքից 1220-ն արդեն վերցրել են իրենց հավաստագրերը»,- նշեց Ղարագյոզյանը։
Նրա խոսքով՝ այս պահին առաջատարը Կոտայքի մարզն է, որտեղ 270 ընտանիք է իրացրել իր հավաստագիրը։ Հիմնականում Հրազդան, Չարենցավան, Աբովյան քաղաքներն են ամենաակտիվը։ Հաջորդ տեղում Երևանն է՝ 236 ընտանիք է հավաստագրերն իրացրել, այնուհետև Արմավիրն է՝ 199 շահառուով (Արմավիր, Էջմիածին և Մեծամոր բնակավայրերում)։
Հաջորդը Լոռու մարզն է՝ 129 շահառուով (Վանաձոր, Ստեփանավան և Ալավերդի), այնուհետև Արարատի մարզը՝ 121 շահառուով (Մասիս, Արարատ, Այնթապ)։
Սյունիքի մարզում 70 շահառու կա, որոնք իրացրել են իրենց հավաստագրերը՝ հիմնականում Գորիս և Սիսիան բնակավայրերում, Շիրակի մարզում՝ 59 ընտանիք կա, որտեղ ակտիվ են Գյումրին և Արթիկը։
Գեղարքունիքի մարզում 52 շահառու կա (Գավառ, Սևան, Վարդենիս)։ Տավուշ, Արագածոտն և Վայոց Ձոր մարզերը համեմատաբար ավելի պասիվ են՝ համապատասխանաբար՝ 35, 29 և 20 շահառու կա։
Ղարագյոզյանն ընդգծեց, որ շահառուները միայն մարզային քաղաքներում չեն, նրանք նաև գյուղերում են ապրում։
Հիշեցնենք, որ 250 մլն ԱՄՆ դոլարի չափով վարկը Հայաստանին տրամադրվելու է 27 տարի ժամկետով, որից 10 տարին արտոնյալ ժամկետ է։ Վարկի տոկոսադրույքը լողացող է։ Մայր գումարը ենթակա է մարման 34 հավասարաչափ կիսամյակային վճարումներով` 2035թ․ դեկտեմբերի 15-ից մինչև 2052թ. հունիսի 15-ը։
Հավելենք, որ ՀՀ ներքին գործերի նախարարության միգրացիայի և քաղաքացիության ծառայության
տվյալներով՝ 2023 թվականի սեպտեմբերից հետո Արցախից 115 365 մարդ է բռնի տեղահանվել։ Հուլիսի 3-ի տվյալներով՝ նրանցից 9 346-ը Հայաստանի Հանրապետության քաղաքացիություն են ստացել։
