https://arm.sputniknews.ru/20251030/gitakcum-enq-apahvovagrutjan-hamakargi-nerdrmamb-kunenanq-bazmativ-anhajtner-nakharar-95272516.html
Գիտակցում ենք` ապահովագրության համակարգի ներդրմամբ կունենանք բազմաթիվ անհայտներ. նախարար
Գիտակցում ենք` ապահովագրության համակարգի ներդրմամբ կունենանք բազմաթիվ անհայտներ. նախարար
Sputnik Արմենիա
Այսօրվա տվյալներով, որոնք դեռ վերջնական հաստատված չեն, առողջության պարտադիր ապահովագրության գումարը կկազմի տարեկան 129 հազար դրամ, որը պետք է վճարվի նոր... 30.10.2025, Sputnik Արմենիա
2025-10-30T16:52+0400
2025-10-30T16:52+0400
2025-10-30T16:52+0400
վահե հովհաննիսյան
առողջապահություն
առողջության ապահովագրություն
անահիտ ավանեսյան
https://cdn.am.sputniknews.ru/img/07e7/05/1d/60311127_0:37:1600:938_1920x0_80_0_0_957eba62d6fcbdbbad8ed524607138f6.jpg
ԵՐԵՎԱՆ, 30 հոկտեմբերի – Sputnik. 2026 թվականի համար ՀՀ առողջապահության նախարարության համար նախատեսվել է 44 մլրդ 313 մլն դրամով ավելի բյուջե, քան 2025 թվականին էր. այն 2026 թ. կկազմի 210 մլրդ 912 մլն դրամ։ Այդ մասին ՀՀ ԱԺ առողջապահության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստի ժամանակ 2026 թ. պետական բյուջեի քննարկմանն ասաց ֆինանսների նախարար Վահե Հովհաննիսյանը։Նա ժպիտով հայտարարեց, որ ի տարբերություն մյուս գերատեսչությունների, այս նախարարության բյուջեի թվերն ինքն անգիր գիտի։Նախարարը նշեց, որ 2026 թ. ռեֆորմների հետ կապված ամենամեծ հատկացումներն ուղղվել են հենց այս նախարարությանը, որը պայմանավորված է հաջորդ տարվանից առողջության համընդհանուր ապահովագրության ներդրման հանգամանքով։Այդ իսկ պատճառով, ըստ նրա, ֆինանսների նախարարությունը չի համարում, որ ԱՆ–ին տրամադրված 210 մլրդ դրամը գերագնահատված թիվ է։Այսօրվա տվյալներով, որոնք դեռ վերջնական հաստատված չեն, առողջության պարտադիր ապահովագրության գումարը մեկ անձի համար կկազմի տարեկան 129 հազար դրամ, որը պետք է վճարվի նոր ստեղծվելիք պետական հիմնադրամին։Նա անդրադարձավ նաև այն քննակումներին, թե առողջության պարտադիր ապահովագրության ո՞ր տարբերակն է ավելի շահավետ` պետակա՞ն, թե մասնավոր։ Նախարարն ինքը կողմնակից է պետական մեկ միասնական ապահովագրական համակարգին` հաշվի առնելով միջազգային փորձը։Առողջության պարտադիր ապահովագրության համակարգի մասին այլ մանրամասներ նախարարը չհայտնեց` նշելով, որ ամեն ինչ կհստակեցվի համապատասխան օրենքի ընդունումից հետո։Հիշեցնենք՝ ՀՀ առողջապահության նախարար Անահիտ Ավանեսյանը հոկտեմբերի 1–ին լրագրողների հետ հանդիպմանն ասել էր, որ առողջության պարտադիր համակարգը կներդրվի 3 փուլով` կմեկնարկի 2026 թ.-ին և կավարտվի 2028 թ.-ին։ 2026 թ.-ին մինչև 18 տարեկան երեխաները պետության 100% սուբսիդավորմամբ կներառվեն ապահովագրության համակարգում։ 65 տարին լրացած քաղաքացիները ևս 2026 թվականից կներառվեն համակարգում։ Համակարգը կվերաբերի նաև 200 հազար և ավելի աշխատավարձ ստացող անձանց։ Նրանց թիվը Հայաստանում մոտ 190 հազար է։ Ընդհանուր առմամբ, ապահովագրության համակարգի առաջի փուլը կվերաբերի 1 մլն 600 հազար քաղաքացու, որոնք վերջին 183 օրն ապրել են Հայաստանում։ՀՀ կառավարությունն դեռ 2023 թվականի փետրվարին հաստատել էր առողջության համապարփակ ապահովագրության ներդրման հայեցակարգը։ 2025թ–ից պետությունը ծրագրում էր համակարգում ներառել թոշակառուներին, իսկ 2027-ից նախատեսվում էր ունենալ պարտադիր ապահովագրության ամբողջական ծածկույթ ՀՀ բոլոր քաղաքացիների համար։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վահե հովհաննիսյան, առողջապահություն, առողջության ապահովագրություն, անահիտ ավանեսյան
վահե հովհաննիսյան, առողջապահություն, առողջության ապահովագրություն, անահիտ ավանեսյան
Գիտակցում ենք` ապահովագրության համակարգի ներդրմամբ կունենանք բազմաթիվ անհայտներ. նախարար
Այսօրվա տվյալներով, որոնք դեռ վերջնական հաստատված չեն, առողջության պարտադիր ապահովագրության գումարը կկազմի տարեկան 129 հազար դրամ, որը պետք է վճարվի նոր ստեղծվելիք պետական հիմնադրամին։
ԵՐԵՎԱՆ, 30 հոկտեմբերի – Sputnik. 2026 թվականի համար ՀՀ առողջապահության նախարարության համար նախատեսվել է 44 մլրդ 313 մլն դրամով ավելի բյուջե, քան 2025 թվականին էր. այն 2026 թ. կկազմի 210 մլրդ 912 մլն դրամ։ Այդ մասին ՀՀ ԱԺ առողջապահության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստի ժամանակ 2026 թ. պետական բյուջեի քննարկմանն ասաց ֆինանսների նախարար Վահե Հովհաննիսյանը։
Նա ժպիտով հայտարարեց, որ ի տարբերություն մյուս գերատեսչությունների, այս նախարարության բյուջեի թվերն ինքն անգիր գիտի։
Նախարարը նշեց, որ 2026 թ. ռեֆորմների հետ կապված ամենամեծ հատկացումներն ուղղվել են հենց այս նախարարությանը, որը պայմանավորված է հաջորդ տարվանից առողջության համընդհանուր ապահովագրության ներդրման հանգամանքով։
«Մենք գիտենք, որ այս համակարգի ներդրումը տարբեր երկրներում ուղեկցվել է ծախսերի զգալի աճով։ Այդ պատճառով փորձել ենք բավարարել այն ամբողջ պահանջը, որ ներկայացրել է առողջապահության նախարարությունը։ Մենք էլ գիտենք, որ այստեղ կան բազմաթիվ անհայտ հարցեր, որոնք կախված են մեր քաղաքացիների դիմելիության աստիճանից այս համակարգին, դա կախված է մեր հիվանդանոցների պատրաստվածության աստիճանից,։ Գիտակցում ենք, որ գնում ենք այս համակարիգի ներդրմանը` ունենալով բազմաթիվ անհայտներ»,– հայտարարեց նախարարը։
Այդ իսկ պատճառով, ըստ նրա, ֆինանսների նախարարությունը չի համարում, որ ԱՆ–ին տրամադրված 210 մլրդ դրամը գերագնահատված թիվ է։
Այսօրվա տվյալներով, որոնք դեռ վերջնական հաստատված չեն, առողջության պարտադիր ապահովագրության գումարը մեկ անձի համար կկազմի տարեկան 129 հազար դրամ, որը պետք է վճարվի նոր ստեղծվելիք պետական հիմնադրամին։
Նա անդրադարձավ նաև այն քննակումներին, թե առողջության պարտադիր ապահովագրության ո՞ր տարբերակն է ավելի շահավետ` պետակա՞ն, թե մասնավոր։ Նախարարն ինքը կողմնակից է պետական մեկ միասնական ապահովագրական համակարգին` հաշվի առնելով միջազգային փորձը։
Առողջության պարտադիր ապահովագրության համակարգի մասին այլ մանրամասներ նախարարը չհայտնեց` նշելով, որ ամեն ինչ կհստակեցվի համապատասխան օրենքի ընդունումից հետո։
Հիշեցնենք՝ ՀՀ առողջապահության նախարար Անահիտ Ավանեսյանը
հոկտեմբերի 1–ին լրագրողների հետ հանդիպմանն ասել էր, որ առողջության պարտադիր համակարգը կներդրվի 3 փուլով` կմեկնարկի 2026 թ.-ին և կավարտվի 2028 թ.-ին։ 2026 թ.-ին մինչև 18 տարեկան երեխաները պետության 100% սուբսիդավորմամբ կներառվեն ապահովագրության համակարգում։ 65 տարին լրացած քաղաքացիները ևս 2026 թվականից կներառվեն համակարգում։ Համակարգը կվերաբերի նաև 200 հազար և ավելի աշխատավարձ ստացող անձանց։ Նրանց թիվը Հայաստանում մոտ 190 հազար է։ Ընդհանուր առմամբ, ապահովագրության համակարգի առաջի փուլը կվերաբերի 1 մլն 600 հազար քաղաքացու, որոնք վերջին 183 օրն ապրել են Հայաստանում։
ՀՀ կառավարությունն դեռ 2023 թվականի փետրվարին հաստատել էր առողջության համապարփակ ապահովագրության ներդրման հայեցակարգը։ 2025թ–ից պետությունը ծրագրում էր համակարգում ներառել թոշակառուներին, իսկ 2027-ից նախատեսվում էր ունենալ պարտադիր ապահովագրության ամբողջական ծածկույթ ՀՀ բոլոր քաղաքացիների համար։
