https://arm.sputniknews.ru/20251023/bagrat-srbazani-ev-mjusneri-gvortsvov-dat-pastabannery-pahanjum-en-kvochubaevi-nerkajutjuny-95008801.html

Բագրատ սրբազանի և մյուսների գործով դատ. փաստաբանները պահանջում են Կոչուբաևի ներկայությունը

Բագրատ սրբազանի և մյուսների գործով դատ. փաստաբանները պահանջում են Կոչուբաևի ներկայությունը

Sputnik Արմենիա

Ալեքսանդր Կոչուբաևը կալանավորված է, թեև պետք է դահլիճում ներկա լիներ որպես ամբաստանյալներից մեկի փաստաբան։ 23.10.2025, Sputnik Արմենիա

2025-10-23T17:54+0400

2025-10-23T17:54+0400

2025-10-23T18:14+0400

հայաստան

ալեքսանդր կոչուբաև

կարեն ֆարխոյան

դատ

փաստաբան

ռուբեն մելիքյան

https://cdn.am.sputniknews.ru/img/07e9/0a/09/94435892_0:0:1600:901_1920x0_80_0_0_8cf5eeba8fe2e053757a86d0aab69f70.jpg

ԵՐԵՎԱՆ, 23 հոկտեմբերի – Sputnik. «Սրբազան պայքար» շարժման առաջնորդ Բագրատ սրբազանի և շարժման 17 համակիրների գործով հերթական դատական նիստի ժամանակ փաստաբանները դատավոր Կարեն Ֆարխոյանին միջնորդեցին ապահովել իրենց կալանավորված գործընկեր Ալեքսանդր Կոչուբաևի ներկայությունը։Փաստաբան Ռուբեն Մելիքյանը հայտարարեց, որ Կոչուբաևի պաշտպանյալ Արմեն Ալեքսանյանը չի ցանկանում օգտվել այլ փաստաբանների ծառայություններից, և դատարանը չունի որևէ օրենսդրական կամ այլ խոչընդոտ Կոչուբաևի ներկայության համար։Նրան սատարեցին գործով անցնող մյուս մեղադրյալների փաստաբանները։Դատարանը միջնորդությունը չմերժեց, այլ հետաձգեց՝ պարզելու, թե արդյոք հնարավոր կլինի ապահովել Կոչուբաևի ներկայությունը։ Դատական նիստը հետաձգվեց։Հիշեցնենք` իրավապահները Կոչուբաևին բերման ենթարկեցին հոկտեմբերի 16-ին Շենգավիթի դատարանից։ Քննչական կոմիտեն ավելի ուշ հայտնեց, որ Կոչուբաևին մեղադրանք է առաջադրվել Քրեական օրենսգրքի 490-րդ հոդվածի 2-րդ մասով (դատավորի, դատախազի, քննիչի մասին արատավորող, նշված անձանց իրավունքներին ու օրինական շահերին այլ վնաս պատճառող տեղեկություն հրապարակելը՝ կապված նշված անձանց օրինական ծառայողական կամ մասնագիտական գործունեության հետ): Հոկտեմբերի 17–ին հայտնի դարձավ, որ նա 2 ամսով կալանավորվել է։

2025

Լուրեր

am_HY

հայաստան, ալեքսանդր կոչուբաև, կարեն ֆարխոյան, դատ, փաստաբան, ռուբեն մելիքյան