https://arm.sputniknews.ru/20251015/tvonnanervov-jur-kkhnajen-ev-kognen-sejsmakajun-shinararutjany-mkrtumjanneri-nvou-haun-94515218.html
Տոննաներով ջուր կխնայեն և կօգնեն սեյսմակայուն շինարարությանը. Մկրտումյանների նոու-հաուն
Տոննաներով ջուր կխնայեն և կօգնեն սեյսմակայուն շինարարությանը. Մկրտումյանների նոու-հաուն
Sputnik Արմենիա
Հայկական ինժեներական ընկերությունը ներկայացրել է հաղորդիչներ, որոնք 20 տարի և ավելի կարող են հետևել շենքի պատերի և հիմքի վիճակին: Այլ նորույթներ են ջրի և գազի... 15.10.2025, Sputnik Արմենիա
2025-10-15T08:55+0400
2025-10-15T08:55+0400
2025-10-15T09:26+0400
դիջիթեք էքսպո
տտ
գյուտ
https://cdn.am.sputniknews.ru/img/07e9/0a/0a/94502927_0:0:1601:901_1920x0_80_0_0_9eea68d0cd8f05b81b52379a086886f1.jpg
ԵՐԵՎԱՆ, 15 հոկտեմբերի — Sputnik. Հայկական Tech 404 ընկերությունը մինի հաղորդիչ է մշակել, որը թույլ է տալիս հետևել շենքերում բետոնի վիճակին և արձանագրել ստորգետնյա ցնցումները: Ընկերության համահիմնադիրներ Հովհաննես և Արեգ Մկրտումյան եղբայրները այս և այլ նորույթները ներկայացրել են Երևանում կայացած DigiTec 2025 բարձր տեխնոլոգիաների ցուցահանդեսում:Մոտ մեկ սանտիմետր տրամագծով փոքրիկ պլաստմասե պատյանում պարփակված ազդանշանային սարքը տեղադրվում է անմիջապես բետոնի մեջ այն լցնելու ժամանակ։ Սարքը փոխանցում է տվյալներ խոնավության և ջերմաստիճանի մասին՝ հնարավորություն տալով որոշելու՝ արդյոք նյութի չորացման գործընթացը ճիշտ է ընթանում։Յուրաքանչյուր հարկում այս սարքերից երեքը տեղադրելով՝ կարելի է ձևավորել չափման հարթություն (որը, ինչպես գիտենք, պահանջում է առնվազն երեք կետ): Եթե հարթությունը «թեք» է, դա կնշանակի շենքի հիմքում կամ պատերում տեղաշարժ կա։Էներգաարդյունավետությունը ձեռք է բերվում նաև «քնի ռեժիմի» շնորհիվ. սենսորը ակտիվանում է ժամը մեկ, փոխանցում տվյալները և նորից անջատվում։ Սակայն ստորգետնյա տատանումների դեպքում այն «արթնանում» է։ Տվյալների փոխանցման հաճախականությունը և ցնցումների զգայունությունը կարող են կարգավորվել:Մկրտումյան եղբայրների մեկ այլ գյուտը Wi-Fi մոդուլով էլեկտրոնային հաշվիչներն են, որոնք ցուցմունքներն ինքնուրույն փոխանցում են սերվերին: Դրանց առանձնահատկությունն այն է, որ ինքնալիցքավորվում են ջրի կամ գազի հոսքից:Ինչպես հաղորդիչները, այնպես էլ հաշվիչները «կարողանում են քնել»․ եթե բաժանորդը ջուր կամ գազ չի սպառում, սարքն ավտոմատ անցնում է քնի ռեժիմի, իսկ սպառման վերսկսման դեպքում՝ ակտիվանում: Սարքը հագեցած է անջատիչ փականով, և օպերատորը (ջրամատակարարում կամ գազամատակարարում) կարող է ավտոմատ անջատման ալգորիթմ սահմանել չվճարման դեպքում՝ ամբողջությամբ կամ մասամբ:Հաշվիչները կարող են հարմարեցվել խողովակների տարբեր տրամագծերի և հոսքի ուժի համար: Ի սկզբանե սարքը մշակվել է բնակարանների համար, սակայն դրա նկատմամբ հետաքրքրություն է ցուցաբերել Հայաստանի ջրամատակարարման օպերատոր «Վեոլիա ջուր» ընկերությունը։ Նմուշներից մեկն արդեն փորձարկվում է Արագած լեռան ստորոտում գտնվող մայրուղում։Ընկերության երրորդ մշակումը անօդաչու թռչող սարքերի և Էլեկտրական սկուտերների համար նախատեսված մարտկոցներն են, որոնք կարելի է լիցքավորել սովորական Type-C մալուխի միջոցով, որն ապահովում է գերարագ լիցքավորում:«Թե ինչու մինչև հիմա նման բան չեն արել դրոնների համար՝ չգիտեմ։ Հավանաբար այն պատճառով, որ արտադրողները ցանկանում են վաճառել իրենց լիցքավորիչները, որոնք արագ շարքից դուրս են գալիս և պահանջում կանոնավոր փոխարինում: Բայց ինչու, եթե այսօր յուրաքանչյուրը տանն ունի Type-C»,- ասում է Հովհաննեսը:Նրա խոսքով՝ Tech 404-ը պատրաստ է արտադրել տարբեր տարողություններով մարտկոցներ՝ ինչպես դրոնների տարբեր մոդելների, այնպես էլ կուտակիչ այլ տեխնիկայի՝ էլեկտրասկուտերների, դյուրակիր հորատիչների և այլ սարքերի համար: Ամերիկահայի ստարտափը սովորական մարդկանց կօգնի օգտվել VIP ծառայություններից
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դիջիթեք էքսպո, տտ, գյուտ
Տոննաներով ջուր կխնայեն և կօգնեն սեյսմակայուն շինարարությանը. Մկրտումյանների նոու-հաուն
08:55 15.10.2025 (Թարմացված է: 09:26 15.10.2025) Հայկական ինժեներական ընկերությունը ներկայացրել է հաղորդիչներ, որոնք 20 տարի և ավելի կարող են հետևել շենքի պատերի և հիմքի վիճակին: Այլ նորույթներ են ջրի և գազի ինքնալիցքավորվող հաշվիչները, ինչպես նաև դրոնների գերարագ լիցքավորման մարտկոցները:
ԵՐԵՎԱՆ, 15 հոկտեմբերի — Sputnik. Հայկական Tech 404 ընկերությունը մինի հաղորդիչ է մշակել, որը թույլ է տալիս հետևել շենքերում բետոնի վիճակին և արձանագրել ստորգետնյա ցնցումները: Ընկերության համահիմնադիրներ Հովհաննես և Արեգ Մկրտումյան եղբայրները այս և այլ նորույթները ներկայացրել են Երևանում կայացած DigiTec 2025 բարձր տեխնոլոգիաների ցուցահանդեսում:
Մոտ մեկ սանտիմետր տրամագծով փոքրիկ պլաստմասե պատյանում պարփակված ազդանշանային սարքը տեղադրվում է անմիջապես բետոնի մեջ այն լցնելու ժամանակ։ Սարքը փոխանցում է տվյալներ խոնավության և ջերմաստիճանի մասին՝ հնարավորություն տալով որոշելու՝ արդյոք նյութի չորացման գործընթացը ճիշտ է ընթանում։
Յուրաքանչյուր հարկում այս սարքերից երեքը տեղադրելով՝ կարելի է ձևավորել չափման հարթություն (որը, ինչպես գիտենք, պահանջում է առնվազն երեք կետ): Եթե հարթությունը «թեք» է, դա կնշանակի շենքի հիմքում կամ պատերում տեղաշարժ կա։
Ներկառուցված արագացման հաղորդիչը սարքը վերածում է մինի սեյսմոգրաֆի, որը հայտնաբերում է նույնիսկ ամենափոքր ցնցումները: Ազդանշանային սարքը սպառում է նվազագույն էներգիա և, ըստ մշակողների, կարող է ինքնուրույն աշխատել մինչև 20 տարի: Դրանից հետո այն կարող է անլար լիցքավորվել:
Էներգաարդյունավետությունը ձեռք է բերվում նաև «քնի ռեժիմի» շնորհիվ. սենսորը ակտիվանում է ժամը մեկ, փոխանցում տվյալները և նորից անջատվում։ Սակայն ստորգետնյա տատանումների դեպքում այն «արթնանում» է։ Տվյալների փոխանցման հաճախականությունը և ցնցումների զգայունությունը կարող են կարգավորվել:
Մկրտումյան եղբայրների մեկ այլ գյուտը Wi-Fi մոդուլով էլեկտրոնային հաշվիչներն են, որոնք ցուցմունքներն ինքնուրույն փոխանցում են սերվերին: Դրանց առանձնահատկությունն այն է, որ ինքնալիցքավորվում են ջրի կամ գազի հոսքից:
Ինչպես հաղորդիչները, այնպես էլ հաշվիչները «կարողանում են քնել»․ եթե բաժանորդը ջուր կամ գազ չի սպառում, սարքն ավտոմատ անցնում է քնի ռեժիմի, իսկ սպառման վերսկսման դեպքում՝ ակտիվանում: Սարքը հագեցած է անջատիչ փականով, և օպերատորը (ջրամատակարարում կամ գազամատակարարում) կարող է ավտոմատ անջատման ալգորիթմ սահմանել չվճարման դեպքում՝ ամբողջությամբ կամ մասամբ:
Հաշվիչները կարող են հարմարեցվել խողովակների տարբեր տրամագծերի և հոսքի ուժի համար: Ի սկզբանե սարքը մշակվել է բնակարանների համար, սակայն դրա նկատմամբ հետաքրքրություն է ցուցաբերել Հայաստանի ջրամատակարարման օպերատոր «Վեոլիա ջուր» ընկերությունը։ Նմուշներից մեկն արդեն փորձարկվում է Արագած լեռան ստորոտում գտնվող մայրուղում։
«Եթե այնտեղ վթար է տեղի ունենում, կարող է մեկ ժամ կամ ավելի տևել, մինչև վարպետների բրիգադը հասնի դժվարամատչելի վայր և գտնի վնասված հատվածը։ Այդ ընթացքում խողովակից այնքան ջուր կարող է հոսել, որ կբավականացներ Երևանի մի ամբողջ թաղամասի համար։ Մեր սարքը ավտոմատ կերպով կփակի մատակարարումը մինչև վերանորոգողների ժամանումը», - Sputnik Արմենիայի հետ զրույցում պատմեց Հովհաննես Մկրտումյանը։
Ընկերության երրորդ մշակումը անօդաչու թռչող սարքերի և Էլեկտրական սկուտերների համար նախատեսված մարտկոցներն են, որոնք կարելի է լիցքավորել սովորական Type-C մալուխի միջոցով, որն ապահովում է գերարագ լիցքավորում:
«Թե ինչու մինչև հիմա նման բան չեն արել դրոնների համար՝ չգիտեմ։ Հավանաբար այն պատճառով, որ արտադրողները ցանկանում են վաճառել իրենց լիցքավորիչները, որոնք արագ շարքից դուրս են գալիս և պահանջում կանոնավոր փոխարինում: Բայց ինչու, եթե այսօր յուրաքանչյուրը տանն ունի Type-C»,- ասում է Հովհաննեսը:
Նրա խոսքով՝ Tech 404-ը պատրաստ է արտադրել տարբեր տարողություններով մարտկոցներ՝ ինչպես դրոնների տարբեր մոդելների, այնպես էլ կուտակիչ այլ տեխնիկայի՝ էլեկտրասկուտերների, դյուրակիր հորատիչների և այլ սարքերի համար:
