https://arm.sputniknews.ru/20251015/ter-aram-qahana-asatrjany-chi-zghjum-nra-kartsiqvov-ir-hajtararutjuny-piti-qnnvi-94666029.html

Տեր Արամ քահանա Ասատրյանը չի զղջում․ նրա կարծիքով՝ իր հայտարարությունը պիտի քննվի

Տեր Արամ քահանա Ասատրյանը չի զղջում․ նրա կարծիքով՝ իր հայտարարությունը պիտի քննվի

Sputnik Արմենիա

Հովհաննավանքի հոգևոր հովիվը նշում է, որ կարգապահական հանձնաժողովն իրեն դեռ նորմալ հրավեր չի ուղարկել։ 15.10.2025, Sputnik Արմենիա

2025-10-15T19:06+0400

2025-10-15T19:06+0400

2025-10-15T19:20+0400

հոգևորական

տեր արամ քահանա ասատրյան

հայ առաքելական եկեղեցի

արագածոտնի մարզ

ձերբակալություն

տեսանյութեր

տեսանյութ

https://cdn.am.sputniknews.ru/img/07e9/0a/0f/94664407_0:0:1280:721_1920x0_80_0_0_6ad244448110054eb68212824e00eda0.jpg

ԵՐԵՎԱՆ, 15 հոկտեմբերի – Sputnik․ Հովհաննավանքի հոգևոր հովիվ Տեր Արամ քահանա Ասատրյանը չի զղջում, որ իր հայտարարության հիման վրա քննություն է տարվում։ Նա այս մասին ասաց լրագրողներին` անդրադառնալով այսօր վաղ առավոտից տեղի ունեցող իրադարձություններին, մասնավորապես՝ խուզարկություններին և հոգևորականների, այդ թվում՝ Արագածոտնի թեմի առաջնորդի ձերբակալությանը։Նշենք` Հովհաննավանքի հոգևոր հովիվ տեր Արամը սեպտեմբերի 16-ին «Հանրային» ՀԸ եթերում հայտարարել էր, որ «2021 թվականի ընդդիմության ցույցերին մասնակցել է ոչ իր ցանկությամբ»։ Այս հայտարարությունից հետո «Իրազեկ քաղաքացիների միավորում» ՀԿ–ն ու իշխանամերձ «Araratnews» կայքը հաղորդում են ներկայացրել դատախազություն։ Հաղորդման հիման վրա հարուցվել է վարույթ, այսօր քննչական գործողություններ են սկսվել Արագածոտնի թեմում։ Արամ քահանա Ասատրյանը կարծում է, որ իր հայտարարությունը պետք է քննվեր։«Ոչ միայն այս թեման։ Եթե եղել են ազատության, խոսքի, իրավունքի վերաբերյալ ճնշումներ, պիտի քննվի»,– ասաց նա։Հարցին` ինչու չի գնացել Մայր աթոռի Պարգևների շնորհման և կարգապահական հարցերի հանձնախմբի հրավիրած քննարկմանը, քահանան պատասխանեց, որ իրեն դեռ նորմալ հրավեր չի արվել, քննարկման պատճառը չի նշվել։Sputnik Արմենիայի թղթակցի հետո զրույցում տեր Արամն ասաց, որ իր հետ կոնֆլիկտը սկսվել է 2020 թվականից, երբ գնացել է վարչապետի ամառանոց` տնօրհնեքի։ Ըստ նրա՝ այդ ամենը առավել ցայտուն է դարձել 2024 թվականից, երբ վարչապետի կինը՝ Աննա Հակոբյանը, 40–ից ավելի կանանց հետ եկել է Հովհաննավանք։ Տեր Արամը պնդում է, որ այդ այցի մասին նախապես տեղյակ չի եղել, մուտքի մոտ են հանդիպել, ձեռքսեղմում է եղել, որից հետո Աննա Հակոբյանը խնդրել է, որ վանքի պատմությունը ներկայացվի։Sputnik Արմենիայի թղթակիցը հետաքրքրվեց, թե ինչպես է վերաբերվում տեր Արամն այն ամենին, ինչ տեղի ունեցավ Արցախի հետ։ Հոգևորականը նախ նշեց, որ ինքն արմատներով Շուշիից է և ցավում է կատարվածի համար։Ինչ վերաբերում է իշխանությունների հայտարարություններին, թե «Արցախն ուրիշի հող է» և այլն, տեր Արամը նշեց՝ չի ցանկանում դա մեկնաբանել, որովհետև իր խնդիրն առաջին հերթին եկեղեցու ներսում եղած խնդիրներն են։ Կարծում է, որ հոգևորի հարցերը լուծելուց հետո նմանատիպ խոսակցություններ էլ չենք լսի։Հիշեցնենք` իրավապահները վաղ առավոտյան խուզարկություն են իրականացրել Արագածոտնի թեմի առաջնորդ Մկրտիչ եպիսկոպոս Պռոշյանի տանը, ապա բերման ենթարկել նրան։ Սրբազանից բացի բերման են ենթարկվել նաև Արագածոտնի թեմի 12 քահանաներ` Փառեն քահանա Առաքելյանը, Հայկ քահանա Քոչարյանը, Մկրտիչ քահանա Երանյանը, Մանուկ քահանա Զեյնալյանը, Ղևոնդ քահանա Գափոյանը, Հայկ քահանա Սահակյանը, Սարգիս քահանա Սարգսյանը, Գարեգին քահանա Արսենյանը, Նարեկ քահանա Սարգսյանը, Օշին քահանա Հայրապետյանը, Վրթանես քահանա Բաղալյանը, Համբարձում քահանա Դանիելյանը, Արագածոտնի թեմի հաշվապահը, գանձապահը և գործավարը։ Ըստ ՀՀ քննչական կոմիտեի` հոգևորականները բերման են ենթարկվել հավաքին մասնակցելու կամ մասնակցելուց հրաժարվելու նպատակով նյութապես շահագրգռելու կասկածանքով։

արագածոտնի մարզ

2025

Լուրեր

am_HY

հոգևորական, տեր արամ քահանա ասատրյան, հայ առաքելական եկեղեցի, արագածոտնի մարզ, ձերբակալություն, տեսանյութեր, տեսանյութ, видео