https://arm.sputniknews.ru/20251013/90-ory-qich-e-bernapvokhadrvoghnery-bvoghvoqi-akcia-en-anum-karavarutjan-mvot-94553679.html
90 օրը քիչ է․ բեռնափոխադրողները բողոքի ակցիա են անում կառավարության մոտ
90 օրը քիչ է․ բեռնափոխադրողները բողոքի ակցիա են անում կառավարության մոտ
Sputnik Արմենիա
Վարորդներն ակնկալում են, որ ինչպես Ղազախստանի դեպքում մեղմացնող կարգավորում ընդունվեց, հայաստանյան վարորդների համար էլ դա կարվի։ 13.10.2025, Sputnik Արմենիա
2025-10-13T13:45+0400
2025-10-13T13:45+0400
2025-10-13T15:01+0400
բողոքի ակցիա
վարորդ
բեռնափոխադրում
հայաստան
հհ կառավարություն
https://cdn.am.sputniknews.ru/img/07e9/0a/0d/94552366_0:78:1500:922_1920x0_80_0_0_4bc215c3cf41b00cdd72082732a4da77.jpg
ԵՐԵՎԱՆ, 13 հոկտեմբերի – Sputnik․ ՀՀ կառավարության շենքի մոտ բողոքի ակցիա են անում բեռնափոխադրողները՝ գործադիրից պահանջելով ռուսական կողմի հետ քննարկումներ անել՝ ՌԴ օրենսդրական նոր կարգավորումներն իրենց համար մեղմացնելու համար։Բանն այն է, որ այս տարվա հունվարի 1-ից ուժի մեջ են մտել ՌԴ-ում օտարերկրյա քաղաքացիների իրավական կարգավիճակի մասին 115–րդ դաշնային օրենքի նոր փոփոխությունները, ըստ որի՝ ոչ վիզային ռեժիմի երկրների քաղաքացիները, որոնք ՌԴ են մուտք գործում ոչ աշխատելու նպատակով (այսինքն՝ միգրացիոն քարտում «այցի նպատակը» բաժնում աշխատանքը նշված չէ- խմբ․), օրացույցային տարվա ընթացքում կարող են մնալ 90 օր (նախկինում թույլատրելի էր տարվա յուրաքանչյուր 180 օրվա մեջ 90 օր-խմբ․)։ Հոկտեմբերի 1-ից Լարսի անցակետում նոր կարգավորում կլինի բեռնափոխադրողների համարԱյս փոփոխությունը վերաբերում է նաև ուղևորափոխադրում և բեռնափոխադրում իրականացնողներին։ ՌԴ նախագահի որոշմամբ՝ մինչև սեպտեմբերի 10-ը միգրանտներին հնարավորություն տրվեց կարգավորել խախտումներն ու շարունակել մնալ ՌԴ տարածքում՝ առանց վարչական տույժերի։ Քանի որ տրված ժամկետն արդեն սպառվել է, շուրջ 1 ամիս է՝ բավականին լուրջ հսկողություն է ՌԴ տարածքում, արդեն իսկ տասնյակից ավելի բեռնափոխադրողների արգելվել է ՌԴ մուտք գործել 5 տարի ժամկետով՝ թույլատրելի օրերի քանակը գերազանցելու համար։«90 օրը քիչ է․ մոտավորապես 10 ամսում վարորդների 90 տոկոսն այդ օրերը սպառել են, խնդիր է իրենց համար, արդեն վտարելու են իրենց։ Սա միայն մեզ չի վերաբերում, մեր երկրի տնտեսության վրա է ազդելու»,- լրագրողների հետ զրույցում ասաց վարորդ Արամ Շմավոնյանը։Նրանց տեղեկություններով՝ Ղազախստանի դեպքում մեղմացնող կարգավորում է ընդունվել բեռնափոխադրում իրականացնողների համար։ Հիմա նույնն ակնկալում են նաև իրենց համար։ՀՀ որոշ բեռնափոխադրողներ ՌԴ մուտքի արգելք են ստացել՝ թույլատրելի օրերը գերազանցելու համարՎարորդներից Արթուր Շահումյանն ասում է՝ նոր կարգավորումների մասին վաղուց գիտեին, սակայն իրենց վստահեցրել էին, թե նոր օրենքը «խոպանչիների» վրա է տարածվելու։ Հիմա արդեն փաստի առաջ են կանգնել։«Մեր աշխատանքը կարող է տևել 5 օր` գնանք, բեռնաթափվենք, հետ գանք, բայց գնանք ու 10-15 օր կանգնենք Վլադիկավկազում։ Էդ մեր 90 օրերից դուրս է գալիս»,- ասաց նա։Վարորդներից Ռազմիկ Գվարգիզյանն ասում է՝ ինքը դեռ խնդիր չի ունեցել, բայց հաջորդ անգամ կարող է ունենալ, որովհետև իր՝ ՌԴ-ում գտնվելու օրացուցային օրերի թիվը 94 է, և մեծ մասը կորցրել է Վլադիկավկազում հերթերի մեջ։«5 օր առաջ եմ եկել, 11 օր հերթի եմ կանգնել, դրա նախորդ ամիսն էլ 12 օր եմ կանգնել հերթի։ Մեր պահանջն է՝ ոնց որ Ղազախստանի պատգամավորները, ղեկավարները բարձրաձայնեցին, իրենցը «հեչ արեցին», ում էլ արգելափակել էին` վերականգնեցին։ Նույնը մերն ենք սպասում, չգիտեմ՝ ունե՞նք տենց դեպուտատներ, որ զբաղվեն մեզնով»,- ասաց Գվարգիզյանը։Պատկերացրեք` ՀՀ–ում հնարավոր է բեռները բարձել գնացքներ և Չինաստանում բեռնաթափել. ՓաշինյանՎարորդ Կարեն Մարգարյանն էլ հավելեց՝ եթե հարցը չլուծվի, հաջորդ անգամ ավելի կտրուկ քայլերի կգնան. բեռնատարներով կգան, ճանապարհ կփակեն։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բողոքի ակցիա, վարորդ, բեռնափոխադրում, հայաստան, հհ կառավարություն
բողոքի ակցիա, վարորդ, բեռնափոխադրում, հայաստան, հհ կառավարություն
90 օրը քիչ է․ բեռնափոխադրողները բողոքի ակցիա են անում կառավարության մոտ
13:45 13.10.2025 (Թարմացված է: 15:01 13.10.2025) Վարորդներն ակնկալում են, որ ինչպես Ղազախստանի դեպքում մեղմացնող կարգավորում ընդունվեց, հայաստանյան վարորդների համար էլ դա կարվի։
ԵՐԵՎԱՆ, 13 հոկտեմբերի – Sputnik․ ՀՀ կառավարության շենքի մոտ բողոքի ակցիա են անում բեռնափոխադրողները՝ գործադիրից պահանջելով ռուսական կողմի հետ քննարկումներ անել՝ ՌԴ օրենսդրական նոր կարգավորումներն իրենց համար մեղմացնելու համար։
Բանն այն է, որ այս տարվա հունվարի 1-ից ուժի մեջ են մտել ՌԴ-ում օտարերկրյա քաղաքացիների իրավական կարգավիճակի մասին 115–րդ դաշնային օրենքի նոր փոփոխությունները, ըստ որի՝ ոչ վիզային ռեժիմի երկրների քաղաքացիները, որոնք ՌԴ են մուտք գործում ոչ աշխատելու նպատակով (այսինքն՝ միգրացիոն քարտում «այցի նպատակը» բաժնում աշխատանքը նշված չէ- խմբ․), օրացույցային տարվա ընթացքում կարող են մնալ 90 օր (նախկինում թույլատրելի էր տարվա յուրաքանչյուր 180 օրվա մեջ 90 օր-խմբ․)։
Այս փոփոխությունը վերաբերում է նաև ուղևորափոխադրում և բեռնափոխադրում իրականացնողներին։ ՌԴ նախագահի որոշմամբ՝ մինչև սեպտեմբերի 10-ը միգրանտներին հնարավորություն տրվեց կարգավորել խախտումներն ու շարունակել մնալ ՌԴ տարածքում՝ առանց վարչական տույժերի։ Քանի որ տրված ժամկետն արդեն սպառվել է, շուրջ 1 ամիս է՝ բավականին լուրջ հսկողություն է ՌԴ տարածքում, արդեն իսկ տասնյակից ավելի բեռնափոխադրողների արգելվել է ՌԴ մուտք գործել 5 տարի ժամկետով՝ թույլատրելի օրերի քանակը գերազանցելու համար։
«90 օրը քիչ է․ մոտավորապես 10 ամսում վարորդների 90 տոկոսն այդ օրերը սպառել են, խնդիր է իրենց համար, արդեն վտարելու են իրենց։ Սա միայն մեզ չի վերաբերում, մեր երկրի տնտեսության վրա է ազդելու»,- լրագրողների հետ զրույցում ասաց վարորդ Արամ Շմավոնյանը։
Նրանց տեղեկություններով՝ Ղազախստանի դեպքում մեղմացնող կարգավորում է ընդունվել բեռնափոխադրում իրականացնողների համար։ Հիմա նույնն ակնկալում են նաև իրենց համար։
Վարորդներից Արթուր Շահումյանն ասում է՝ նոր կարգավորումների մասին վաղուց գիտեին, սակայն իրենց վստահեցրել էին, թե նոր օրենքը «խոպանչիների» վրա է տարածվելու։ Հիմա արդեն փաստի առաջ են կանգնել։
«Մեր աշխատանքը կարող է տևել 5 օր` գնանք, բեռնաթափվենք, հետ գանք, բայց գնանք ու 10-15 օր կանգնենք Վլադիկավկազում։ Էդ մեր 90 օրերից դուրս է գալիս»,- ասաց նա։
Վարորդներից Ռազմիկ Գվարգիզյանն ասում է՝ ինքը դեռ խնդիր չի ունեցել, բայց հաջորդ անգամ կարող է ունենալ, որովհետև իր՝ ՌԴ-ում գտնվելու օրացուցային օրերի թիվը 94 է, և մեծ մասը կորցրել է Վլադիկավկազում հերթերի մեջ։
«5 օր առաջ եմ եկել, 11 օր հերթի եմ կանգնել, դրա նախորդ ամիսն էլ 12 օր եմ կանգնել հերթի։ Մեր պահանջն է՝ ոնց որ Ղազախստանի պատգամավորները, ղեկավարները բարձրաձայնեցին, իրենցը «հեչ արեցին», ում էլ արգելափակել էին` վերականգնեցին։ Նույնը մերն ենք սպասում, չգիտեմ՝ ունե՞նք տենց դեպուտատներ, որ զբաղվեն մեզնով»,- ասաց Գվարգիզյանը։
Վարորդ Կարեն Մարգարյանն էլ հավելեց՝ եթե հարցը չլուծվի, հաջորդ անգամ ավելի կտրուկ քայլերի կգնան. բեռնատարներով կգան, ճանապարհ կփակեն։
