https://arm.sputniknews.ru/20250930/srbazannery-hraparakajin-harcumner-en-ughghel-qk-petin-datakhazin-ev-agn-in-94105254.html

Սրբազանները հրապարակային հարցումներ են ուղղել ՔԿ պետին, դատախազին և ԱԳՆ-ին

Սրբազանները հրապարակային հարցումներ են ուղղել ՔԿ պետին, դատախազին և ԱԳՆ-ին

Sputnik Արմենիա

Նամակում սրբազանները նշել են, որ հանդես են գալիս նաև ԱԺ պատգամավոր Արթուր Սարգսյանի և մյուս 16 կալանավորների անունից։ 30.09.2025, Sputnik Արմենիա

2025-09-30T18:11+0400

2025-09-30T18:11+0400

2025-09-30T18:11+0400

բագրատ սրբազան

միքայել արքեպիսկոպոս աջապահյան

նամակ

գառնիկ դանիելյան

ահաբեկչություն

աժ (ազգային ժողով)

https://cdn.am.sputniknews.ru/img/07e9/07/01/90851605_0:336:950:870_1920x0_80_0_0_3451f94c9f56f5be5ed0ca22e6b83d78.jpg

ԵՐԵՎԱՆ, 30 սեպտեմբերի – Sputnik․ Բագրատ և Միքայել սրբազանները հրապարակային հարցումներ են ուղղել ՔԿ նախագահ Արթուր Պողոսյանին, գլխավոր դատախազ Աննա Վարդապետյանին և ԱԳՆ-ին։ Այս մասին ԱԺ հայտարարությունների ժամին ասաց «Հայաստան» խմբակցության պատգամավոր Գառնիկ Դանիելյանը՝ ներկայացնելով Բագրատ և Միքայել սրբազանների նամակը ԱԱԾ շենքում գտնվող «Երևան-Կենտրոն» ՔԿՀ-ից։Նամակում սրբազանները նշել են, որ հանդես են գալիս նաև ԱԺ պատգամավոր Արթուր Սարգսյանի և մյուս 16 կալանավորների անունից։Գառնիկ Դանիելյանը, կարդալով սրբազանների նամակը, նշեց, որ նրանք երեք ամսվա ընթացքում երկու անգամ հրապարակային հարցումներ են ուղարկել ՀՀ քննչական կոմիտեի նախագահին և գլխավոր դատախազին, որոնք մնացել են անպատասխան։ Հարցադրումներում պահանջել են հստակ պատասխաններ տրամադրել, մասնավորապես, հայտնի ձայնագրությունների փորձագիտական եզրակացությունների մասով, թե արդյոք կա՞ն փաստեր, որոնք կհիմնավորեին ավտոբուսներ այրելու մասին պատմության իսկությունը։Բացի այդ, Բագրատ և Միքայել սրբազանները հրապարակային հարցում են ուղղել նաև ՀՀ արտաքին գործերի նախարարությանը։Սրբազանները և մյուս կալանավորներն իրենց հարցերի պատասխաններն ակնկալում են ստանալ մինչև այս քառօրյայի ավարտը։Հիշեցնենք` ՀՀ վարչապետ Նիկոլ Փաշինյանը հունիսի 24-ին ֆեյսբուքյան էջում տարածեց իշխանական կայքի մի հրապարակում, ըստ որի` իբր ընդդիմադիրները պետական հեղաշրջում են նախաձեռնել։ Այդ «բացառիկ թղթերում» արծարծվում էր նաև Բագրատ սրբազանի անունը։Հաջորդ օրը զանգվածային խուզարկություններ սկսվեցին «Սրբազան պայքար» շարժման անդամների և աջակիցների տներում։ ՀՀ քննչական կոմիտեն հայտարարեց, որ շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ։ 16 մարդու ձերբակալեցին, այդ թվում` շարժման առաջնորդ Բագրատ սրբազանին։Նույն օրը երկամսյա կալանքի որոշում կայացվեց Արցախի ԱԺ պատգամավոր Դավիթ Գալստյանի, Բագրատ սրբազանի օգնական Մովսես Շարբաթյանի, Արմեն Ալեքսանյանի, պահեստազորի գնդապետ Միհրան Մախսուդյանի, Լիդիա Մանթաշյանի, 44-օրյա պատերազմում զոհված հերոս Հակոբ Ռոստոմյանի հոր՝ Արա Ռոստոմյանի նկատմամբ։Հունիսի 25-ի լույս 26-ի գիշերը կալանավորվեց նաև Բագրատ արքեպիսկոպոս Գալստանյանը և տեղափոխվեց ԱԱԾ–ի շենքում գտնվող «Երևան-Կենտրոն» քրեակատարողական հիմնարկ։Ինչ վերաբերում է Շիրակի թեմի առաջնորդ Միքայել արքեպիսկոպոս Աջապահյանին, նրա նկատմամբ քրեական գործ է հարուցվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։ Նա կալանավորվել է հունիսի 28–ին։Ի դեպ, դատախազը միջնորդել է Միքայել սրբազանին ազատազրկել 2 տարի 6 ամիս ժամկետով։ Դատարանը վճիռը կհրապարակի հոկտեմբերի 3-ին ժամը 17:30–ին։

2025

Լուրեր

am_HY

բագրատ սրբազան, միքայել արքեպիսկոպոս աջապահյան, նամակ, գառնիկ դանիելյան, ահաբեկչություն, աժ (ազգային ժողով)