https://arm.sputniknews.ru/20250910/irany-magate-i-tesuchnerin-mijukajin-objektner-ajcelelu-tujltvutjun-chi-tvel-araghchi-93333002.html
Իրանը ՄԱԳԱՏԷ-ի տեսուչներին միջուկային օբյեկտներ այցելելու թույլտվություն չի տվել. Արաղչի
Իրանը ՄԱԳԱՏԷ-ի տեսուչներին միջուկային օբյեկտներ այցելելու թույլտվություն չի տվել. Արաղչի
Sputnik Արմենիա
Իրանն ու ՄԱԳԱՏԷ-ն երկրի միջուկային օբյեկտներին տեսուչների հասանելիության շուրջ բանակցություններ կանցկացնեն ապագայում։ 10.09.2025, Sputnik Արմենիա
2025-09-10T16:09+0400
2025-09-10T16:09+0400
2025-09-10T16:11+0400
մագատէ
աբբաս արաղչի
իրանի իսլամական հանրապետություն
տեսուչ
https://cdn.am.sputniknews.ru/img/07e9/06/17/90532903_49:150:1537:987_1920x0_80_0_0_ec77959fc5d77ea4c226c6a99fde7b39.jpg
ԵՐԵՎԱՆ, 10 սեպտեմբերի - Sputnik. Իրանը ՄԱԳԱՏԷ-ի տեսուչներին միջուկային օբյեկտներ այցելելու թույլտվություն դեռևս չի տվել՝ չնայած համագործակցության վերսկսման մասին պայմանավորվածությանը: Այս մասին հայտարարել է Իսլամական Հանրապետության արտգործնախարար Աբբաս Արաղչին։Ավելի վաղ հաղորդվել էր, որ Իրանի ԱԳ նախարարը և ՄԱԳԱՏԷ-ի գլխավոր տնօրենը ստորագրել են համագործակցության վերսկսման մասին համաձայնագիր, որը դադարեցվել էր Իսրայելի և ԱՄՆ-ի կողմից Իրանին հասցված հարվածներից հետո:Իրանը և ՄԱԳԱՏԷ-ն համագործակցության վերականգնման համաձայնագիր են ստորագրել«Պետք է նշեմ, որ տվյալ համաձայնագրով ՄԱԳԱՏԷ-ի տեսուչներին մենք ներկա դրությամբ հասանելիություն չենք տրամադրում», - ասել է Արաղչին:Նրա խոսքով՝ Իրանն ու ՄԱԳԱՏԷ-ն երկրի միջուկային օբյեկտներին տեսուչների հասանելիության շուրջ բանակցություններ կանցկացնեն ապագայում:Նա ընդգծել է, որ պայմանավորվածությունը հաշվի է առնում Իրանում ընդունված օրենքը և ենթադրում է, որ ՄԱԳԱՏԷ-ի հետ փոխգործակցության մասին բոլոր որոշումները կայացնում է Իրանի Ազգային անվտանգության բարձրագույն խորհուրդը, ինչն էլ արտացոլված է համագործակցության վերսկսման մասին ձեռք բերված համաձայնագրում:ՄԱԳԱՏԷ-ի դիրքորոշումը նպաստում է միջուկային օբյեկտների վրա Կիևի հարձակումներին. ՈւլյանովԻրանի նախագահ Մասուդ Փեզեշքիանը հուլիսի 2-ին հրամանագիր է ստորագրել ՄԱԳԱՏԷ-ի հետ համագործակցությունը կասեցնող օրենքի իրագործման մասին: Հրամանագրի հրապարակումից հետո գործակալության տեսուչները վտարվել են երկրից։ Իրանի արտգործնախարար Աբբաս Արաղչին նշել է, որ չնայած երկրի` ՄԱԳԱՏԷ-ի հետ փոխգործակցությունը դադարեցնելու որոշմանը, համագործակցության ուղիները փակ չեն: Իրանում որպես համագործակցության վերականգնման պայման են նշել միջուկային օբյեկտների և ատոմագետ գիտնականների անվտանգության ապահովումը:
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մագատէ, աբբաս արաղչի, իրանի իսլամական հանրապետություն, տեսուչ
մագատէ, աբբաս արաղչի, իրանի իսլամական հանրապետություն, տեսուչ
Իրանը ՄԱԳԱՏԷ-ի տեսուչներին միջուկային օբյեկտներ այցելելու թույլտվություն չի տվել. Արաղչի
16:09 10.09.2025 (Թարմացված է: 16:11 10.09.2025) Իրանն ու ՄԱԳԱՏԷ-ն երկրի միջուկային օբյեկտներին տեսուչների հասանելիության շուրջ բանակցություններ կանցկացնեն ապագայում։
ԵՐԵՎԱՆ, 10 սեպտեմբերի - Sputnik. Իրանը ՄԱԳԱՏԷ-ի տեսուչներին միջուկային օբյեկտներ այցելելու թույլտվություն դեռևս չի տվել՝ չնայած համագործակցության վերսկսման մասին պայմանավորվածությանը: Այս մասին հայտարարել է Իսլամական Հանրապետության արտգործնախարար Աբբաս Արաղչին։
Ավելի վաղ հաղորդվել էր, որ Իրանի ԱԳ նախարարը և ՄԱԳԱՏԷ-ի գլխավոր տնօրենը ստորագրել են համագործակցության վերսկսման մասին համաձայնագիր, որը դադարեցվել էր Իսրայելի և ԱՄՆ-ի կողմից Իրանին հասցված հարվածներից հետո:
«Պետք է նշեմ, որ տվյալ համաձայնագրով ՄԱԳԱՏԷ-ի տեսուչներին մենք ներկա դրությամբ հասանելիություն չենք տրամադրում», - ասել է Արաղչին:
Նրա խոսքով՝ Իրանն ու ՄԱԳԱՏԷ-ն երկրի միջուկային օբյեկտներին տեսուչների հասանելիության շուրջ բանակցություններ կանցկացնեն ապագայում:
«Ընդհանուր առմամբ կարծում եմ, որ ձեռնարկված քայլը (համաձայնագիրը - խմբ.) ճիշտ ուղղությամբ է», - հավելել է նախարարը՝ ընդգծելով, որ ՄԱԳԱՏԷ-ի հետ Իրանի համագործակցությունը, այնուամենայնիվ, չի լինի այնպիսին, ինչպիսին եղել է նախքան Իսրայելի և ԱՄՆ-ի կողմից միջուկային օբյեկտներին հարվածելը:
Նա ընդգծել է, որ պայմանավորվածությունը հաշվի է առնում Իրանում ընդունված օրենքը և ենթադրում է, որ ՄԱԳԱՏԷ-ի հետ փոխգործակցության մասին բոլոր որոշումները կայացնում է Իրանի Ազգային անվտանգության բարձրագույն խորհուրդը, ինչն էլ արտացոլված է համագործակցության վերսկսման մասին ձեռք բերված համաձայնագրում:
Իրանի նախագահ Մասուդ Փեզեշքիանը հուլիսի 2-ին հրամանագիր է ստորագրել ՄԱԳԱՏԷ-ի հետ համագործակցությունը կասեցնող օրենքի իրագործման մասին: Հրամանագրի հրապարակումից հետո գործակալության տեսուչները վտարվել են երկրից։ Իրանի արտգործնախարար Աբբաս Արաղչին նշել է, որ չնայած երկրի` ՄԱԳԱՏԷ-ի հետ փոխգործակցությունը դադարեցնելու որոշմանը, համագործակցության ուղիները փակ չեն: Իրանում որպես համագործակցության վերականգնման պայման են նշել միջուկային օբյեկտների և ատոմագետ գիտնականների անվտանգության ապահովումը:
