https://arm.sputniknews.ru/20250909/irany-ev-magate-n-hamagvortsakcutjan-verakangnman-hamadzajnagir-en-stvoragrel-93320851.html
Իրանը և ՄԱԳԱՏԷ-ն համագործակցության վերականգնման համաձայնագիր են ստորագրել
Իրանը և ՄԱԳԱՏԷ-ն համագործակցության վերականգնման համաձայնագիր են ստորագրել
Sputnik Արմենիա
Համաձայնագիրը սահմանում է համագործակցության գործնական մեխանիզմ, որն արտացոլում է ինչպես Իրանի անվտանգության պայմանները, այնպես էլ գործակալության տեխնիկական... 09.09.2025, Sputnik Արմենիա
2025-09-09T23:21+0400
2025-09-09T23:21+0400
2025-09-09T23:21+0400
իրանի իսլամական հանրապետություն
մագատէ
ռաֆայել գրոսի
աբբաս արաղչի
միջուկային պայմանագիր
https://cdn.am.sputniknews.ru/img/07e9/09/09/93319824_0:30:1280:750_1920x0_80_0_0_7cbc27690a4c3f1c125c22fa66e0f12b.jpg
ԵՐԵՎԱՆ, 9 սեպտեմբերի - Sputnik. Իրանը և Ատոմային Էներգիայի միջազգային գործակալությունը (ՄԱԳԱՏԷ) համագործակցության վերականգնման մասին համաձայնագիր են ստորագրել: Այս մասին Իրանի ԱԳ նախարար Աբբաս Արաղչին հայտնել է տելեգրամյան ալիքում։Իրանի արտաքին քաղաքական գերատեսչության ղեկավարը և ՄԱԳԱՏԷ-ի գլխավոր տնօրեն Ռաֆայել Գրոսին համաձայնագիրը ստորագրել են Կահիրեում:Ինչպես նշել է Արաղչին, իրականացված այդ կարևոր քայլը վկայում է ԻԻՀ միջուկային ծրագրի հետ կապված ցանկացած հարց բացառապես խաղաղ ճանապարհով դիվանագիտության և երկխոսության միջոցով լուծելու՝ երկրի պատրաստակամության մասին:Նրա խոսքով՝ համաձայնեցված գործնական քայլերը լիովին հաշվի են առնում Իրանի օրենսդրությունը, ինչպես նաև երկրի մտահոգությունները՝ հիմք ապահովելով համագործակցության շարունակման համար:Արաղչիի խոսքով, համաձայնագիրը սահմանում է համագործակցության գործնական մեխանիզմ, որն արտացոլում է ինչպես Իրանի անվտանգության պայմանները, այնպես էլ գործակալության տեխնիկական պահանջները:Իր հերթին ՄԱԳԱՏԷ-ի գլխավոր տնօրեն Ռաֆայել Գրոսին X սոցցանցում հայտնել է, որ գործակալությունն ու Թեհրանը համաձայնեցրել են Իրանում ստուգումների վերսկսման պայմանները:Հիշեցնենք, որ Իրանի նախագահ Մասուդ Փեզեշքիանը հուլիսի 2-ին հրամանագիր էր ստորագրել ՄԱԳԱՏԷ-ի հետ համագործակցությունը կասեցնող օրենքի կիրառման մասին: Հրամանագրի հրապարակումից հետո գործակալության տեսուչները վտարվել էին երկրից։ Իրանի արտգործնախարար Աբբաս Արաղչին նշել էր, որ չնայած ՄԱԳԱՏԷ-ի հետ փոխգործակցությունը դադարեցնելու երկրի որոշմանը՝ համագործակցության ուղիները փակ չեն: Իրանում որպես համագործակցության վերականգնման պայման էր նշվել երկրի միջուկային օբյեկտների և ատոմային գիտնականների անվտանգության ապահովումը: Արաղչին դրական է գնահատել Վիեննայում ՄԱԳԱՏԷ-ի հետ բանակցությունները
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, մագատէ, ռաֆայել գրոսի, աբբաս արաղչի, միջուկային պայմանագիր
իրանի իսլամական հանրապետություն, մագատէ, ռաֆայել գրոսի, աբբաս արաղչի, միջուկային պայմանագիր
Իրանը և ՄԱԳԱՏԷ-ն համագործակցության վերականգնման համաձայնագիր են ստորագրել
Համաձայնագիրը սահմանում է համագործակցության գործնական մեխանիզմ, որն արտացոլում է ինչպես Իրանի անվտանգության պայմանները, այնպես էլ գործակալության տեխնիկական պահանջները։ Այս մասին նշել է Իրանի ԱԳ նախարարը:
ԵՐԵՎԱՆ, 9 սեպտեմբերի - Sputnik. Իրանը և Ատոմային Էներգիայի միջազգային գործակալությունը (ՄԱԳԱՏԷ) համագործակցության վերականգնման մասին համաձայնագիր են ստորագրել: Այս մասին Իրանի ԱԳ նախարար Աբբաս Արաղչին հայտնել է տելեգրամյան ալիքում։
Իրանի արտաքին քաղաքական գերատեսչության ղեկավարը և ՄԱԳԱՏԷ-ի գլխավոր տնօրեն Ռաֆայել Գրոսին համաձայնագիրը ստորագրել են Կահիրեում:
Ինչպես նշել է Արաղչին, իրականացված այդ կարևոր քայլը վկայում է ԻԻՀ միջուկային ծրագրի հետ կապված ցանկացած հարց բացառապես խաղաղ ճանապարհով դիվանագիտության և երկխոսության միջոցով լուծելու՝ երկրի պատրաստակամության մասին:
«Չնայած այն հանգամանքին, որ Իրանը ենթարկվում է անօրինական և հանցավոր հարձակումների, շարունակում է միջուկային զենքի չտարածման մասին պայմանագրով պաշտպանել միջուկային էներգիայի խաղաղ օգտագործման իր անօտարելի իրավունքները՝ միաժամանակ պատրաստակամություն ցուցաբերելով իր պարտավորությունները կատարելու համար մասնակցել իրական և նշանակալի երկխոսությանը», - Եգիպտոսում կայացած բանակցությունների արդյունքներին նվիրված մամուլի ասուլիսում հայտարարել է Արաղչին:
Նրա խոսքով՝ համաձայնեցված գործնական քայլերը լիովին հաշվի են առնում Իրանի օրենսդրությունը, ինչպես նաև երկրի մտահոգությունները՝ հիմք ապահովելով համագործակցության շարունակման համար:
Արաղչիի խոսքով, համաձայնագիրը սահմանում է համագործակցության գործնական մեխանիզմ, որն արտացոլում է ինչպես Իրանի անվտանգության պայմանները, այնպես էլ գործակալության տեխնիկական պահանջները:
Իր հերթին ՄԱԳԱՏԷ-ի գլխավոր տնօրեն Ռաֆայել Գրոսին X սոցցանցում հայտնել է, որ գործակալությունն ու Թեհրանը համաձայնեցրել են Իրանում ստուգումների վերսկսման պայմանները:
Հիշեցնենք, որ Իրանի նախագահ Մասուդ Փեզեշքիանը հուլիսի 2-ին հրամանագիր էր ստորագրել ՄԱԳԱՏԷ-ի հետ համագործակցությունը կասեցնող օրենքի կիրառման մասին: Հրամանագրի հրապարակումից հետո գործակալության տեսուչները վտարվել էին երկրից։ Իրանի արտգործնախարար Աբբաս Արաղչին նշել էր, որ չնայած ՄԱԳԱՏԷ-ի հետ փոխգործակցությունը դադարեցնելու երկրի որոշմանը՝ համագործակցության ուղիները փակ չեն: Իրանում որպես համագործակցության վերականգնման պայման էր նշվել երկրի միջուկային օբյեկտների և ատոմային գիտնականների անվտանգության ապահովումը:
