https://arm.sputniknews.ru/20250909/erevanum-arajarkvum-e-nvazecnel-avartakan-akt-chstacats-bazmabnakaran-shenqeri-gujqaharky-93290201.html
Երևանում կնվազեցվի ավարտական ակտ չստացած բազմաբնակարան շենքերի գույքահարկը
Երևանում կնվազեցվի ավարտական ակտ չստացած բազմաբնակարան շենքերի գույքահարկը
Sputnik Արմենիա
Ավինյանը պնդեց, որ չենք ցանկանում լինել պատճառ կամ պատրվակ, որը կարող է կառուցապատողների սնանկացման բերել։ 09.09.2025, Sputnik Արմենիա
2025-09-09T11:42+0400
2025-09-09T11:42+0400
2025-09-09T11:48+0400
հայաստան
երևան
կառուցապատում
կառուցապատող
երևանի քաղաքապետարան
գույքահարկ
անշարժ գույք
https://cdn.am.sputniknews.ru/img/07e6/08/1a/47336982_31:11:1580:882_1920x0_80_0_0_ed42f610d499b0c11ffb523434e3589e.jpg
ԵՐԵՎԱՆ, 9 սեպտեմբերի – Sputnik․ Երևանում կնվազեցվեն ավարտական ակտ չստացած բազմաբնակարան շենքերի գույքահարկը։ Նախագիծը ներկայացվեց այսօր Երևանի ավագանու 5-րդ նստաշրջանի առաջին նիստում։Ըստ նախագծի՝ 2023 թվականից մինչև 2025 թվականը ներառյալ հաշվարկված և չվճարված անշարժ գույքի հարկի նվազեցման արտոնություն է առաջարկվում մինչև 50.000 քառակուսի մետր ընդհանուր մակերես ունեցող անշարժ գույքի համար՝ 25 տոկոսի չափով, իսկ 50.000 և ավելի քառակուսի մետր ընդհանուր մակերեսի դեպքում՝ 50 տոկոսի չափով։ Միաժամանակ առաջարկվում է կառուցապատողներին ազատել նույն ժամանակահատվածի համար սահմանված կարգով հաշվարկված և չվճարված տույժերից:Դեռևս ավարտական ակտ չստացած շինությունների համար անշարժ գույքի հարկը հաշվարկվում է 2023 թվականից սկսած։ Երևանի քաղաքապետ Տիգրան Ավինյանի խոսքով՝ ՀՀ էկոնոմիկայի նախարարությունն առաջարկ էր ներկայացրել առհասարակ զրոյացնել հաշվարկված գույքահարկը, սակայն Երևանի քաղաքապետարանն այլ առաջարկ է ներկայացրել։Նրա խոսքով՝ Երևանի մասով այս խնդիրը որոշ չափով մեղմվում է, նմանատիպ լուծումների պետք է նաև այլ համայնքներ գնան, եթե այլ համայնքներում ևս խնդիրն առկա է։ Ըստ նրա՝ պետք է հաշվի առնել, որ այս որոշումը ոչ միայն կառուցապատողների, այլև այն մարդկանց համար է, որոնք բնակարան են գնել նոր կառուցվող շենքում։ՀՀ–ում պետական գույքը կտրվի ոչ թե անվճար, այլ վարձակալական հիմունքներով. օրինագիծ«Ունենք շատ վատ դեպքեր, օրինակ՝ Միկոյանի շենքերը, որտեղ սնանկացման պրոցես կա։ Այսինքն` սնանկացման պրոցեսը շատ ավելի մեծ խնդիրներ է սկսում առաջացնել ոչ միայն կառուցապատողի, այլև այն մարդկանց համար, որոնք նրանցից բնակարան են գնել։ Եվ մենք չենք ուզում այն պատճառը կամ նույնիսկ պատրվակը լինել, որը կարող է բերել նմանատիպ պրոցեսների»,- ասաց քաղաքապետը։«Մայր Հայաստան» խմբակցության անդամ Մեսրոպ Մանուկյանը վրդովվեց․ համաձայնեց՝ խնդիր միանշանակ կա, սակայն այս ամենը քաղաքի սխալ ու փնթի մենեջմենտի արդյունք է։ Հիշեցրեց, որ ինքը բազմիցս խոսել է այդ մասին, զգուշացրել է, որ շինարարներն էս օրին են ընկնելու։ Հիմա էլ այս որոշման արդյունքում էլ Երևանի բյուջե մի քանի միլիարդով մուտքերը պակասելու են։Ավագանին կողմ քվեարկեց այս նախագծին։ՀՀ–ում կստեղծվի պետական հարթակ տների վաճառքի մասին հայտարարությունները ստուգելու համար
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, երևան, կառուցապատում, կառուցապատող, երևանի քաղաքապետարան, գույքահարկ, անշարժ գույք
հայաստան, երևան, կառուցապատում, կառուցապատող, երևանի քաղաքապետարան, գույքահարկ, անշարժ գույք
Երևանում կնվազեցվի ավարտական ակտ չստացած բազմաբնակարան շենքերի գույքահարկը
11:42 09.09.2025 (Թարմացված է: 11:48 09.09.2025) Ավինյանը պնդեց, որ չենք ցանկանում լինել պատճառ կամ պատրվակ, որը կարող է կառուցապատողների սնանկացման բերել։
ԵՐԵՎԱՆ, 9 սեպտեմբերի – Sputnik․ Երևանում կնվազեցվեն ավարտական ակտ չստացած բազմաբնակարան շենքերի գույքահարկը։ Նախագիծը ներկայացվեց այսօր Երևանի ավագանու 5-րդ նստաշրջանի առաջին նիստում։
Ըստ նախագծի՝ 2023 թվականից մինչև 2025 թվականը ներառյալ հաշվարկված և չվճարված անշարժ գույքի հարկի նվազեցման արտոնություն է առաջարկվում մինչև 50.000 քառակուսի մետր ընդհանուր մակերես ունեցող անշարժ գույքի համար՝ 25 տոկոսի չափով, իսկ 50.000 և ավելի քառակուսի մետր ընդհանուր մակերեսի դեպքում՝ 50 տոկոսի չափով։ Միաժամանակ առաջարկվում է կառուցապատողներին ազատել նույն ժամանակահատվածի համար սահմանված կարգով հաշվարկված և չվճարված տույժերից:
Դեռևս ավարտական ակտ չստացած շինությունների համար անշարժ գույքի հարկը հաշվարկվում է 2023 թվականից սկսած։ Երևանի քաղաքապետ Տիգրան Ավինյանի խոսքով՝ ՀՀ էկոնոմիկայի նախարարությունն առաջարկ էր ներկայացրել առհասարակ զրոյացնել հաշվարկված գույքահարկը, սակայն Երևանի քաղաքապետարանն այլ առաջարկ է ներկայացրել։
«Երբ շենքն ամբողջական գնահատման է ենթարկվել՝ ոչ առանձին-առանձին բնակարաններով, իր արժեքն ավելի մեծ է եղել, քան եթե առանձին բնակարաններով գնահատվեր, և շատ կառուցապատողներ, հաշվի առնելով նաև այս տարվա որոշ չափով դանդաղ վաճառքի տեմպերը, սկսել են ֆինանսապես նեղվել»,- բացատրեց Ավինյանը՝ հավելելով, որ խնդրով դիմել են բազմաթիվ կառուցապատողներ։
Նրա խոսքով՝ Երևանի մասով այս խնդիրը որոշ չափով մեղմվում է, նմանատիպ լուծումների պետք է նաև այլ համայնքներ գնան, եթե այլ համայնքներում ևս խնդիրն առկա է։ Ըստ նրա՝ պետք է հաշվի առնել, որ այս որոշումը ոչ միայն կառուցապատողների, այլև այն մարդկանց համար է, որոնք բնակարան են գնել նոր կառուցվող շենքում։
«Ունենք շատ վատ դեպքեր, օրինակ՝ Միկոյանի շենքերը, որտեղ սնանկացման պրոցես կա։ Այսինքն` սնանկացման պրոցեսը շատ ավելի մեծ խնդիրներ է սկսում առաջացնել ոչ միայն կառուցապատողի, այլև այն մարդկանց համար, որոնք նրանցից բնակարան են գնել։ Եվ մենք չենք ուզում այն պատճառը կամ նույնիսկ պատրվակը լինել, որը կարող է բերել նմանատիպ պրոցեսների»,- ասաց քաղաքապետը։
«Մայր Հայաստան» խմբակցության անդամ Մեսրոպ Մանուկյանը վրդովվեց․ համաձայնեց՝ խնդիր միանշանակ կա, սակայն այս ամենը քաղաքի սխալ ու փնթի մենեջմենտի արդյունք է։ Հիշեցրեց, որ ինքը բազմիցս խոսել է այդ մասին, զգուշացրել է, որ շինարարներն էս օրին են ընկնելու։ Հիմա էլ այս որոշման արդյունքում էլ Երևանի բյուջե մի քանի միլիարդով մուտքերը պակասելու են։
Ավագանին կողմ քվեարկեց այս նախագծին։
