https://arm.sputniknews.ru/20250829/inch-imanam-verjin-ors-erb-klini-paterazmi-veteran-lachin-stepanjany-nshec-100-amjaky-92913715.html
Ի՞նչ իմանամ` վերջին օրս երբ կլինի. պատերազմի վետերան Լաչին Ստեփանյանը նշեց 100-ամյակը
Ի՞նչ իմանամ` վերջին օրս երբ կլինի. պատերազմի վետերան Լաչին Ստեփանյանը նշեց 100-ամյակը
Sputnik Արմենիա
Հայրենական մեծ պատերազմի վետերանը շատ զրկանքների միջով է անցել, բայց չի կոտրվել և 100 տարեկանում բանաստեղծությունների ժողովածու է հրատարակել։ 29.08.2025, Sputnik Արմենիա
2025-08-29T21:35+0400
2025-08-29T21:35+0400
2025-08-30T15:25+0400
հայաստան
լաչին ստեփանյան
ծնունդ
հայրենական մեծ պատերազմի վետերան
https://cdn.am.sputniknews.ru/img/07e9/08/1e/92930842_0:0:1920:1080_1920x0_80_0_0_eac1ccdcb8c1fa260e93b30cdb2d3720.jpg
ԵՐԵՎԱՆ, 29 օգոստոսի – Sputnik. Հայրենական մեծ պատերազմի վետերան Լաչին Ստեփանյանն այսօր դարձավ 100 տարեկան: Նրան շնորհավորելու էին եկել հարազատները, ընկերները, Ռոսսոտրուդնիչեստվոյի և վետերանների միության ներկայացուցիչները: Լաչին Ստեփանյանը հյուրերին ուղղված իր ողջույնի խոսքը սկսեց բանաստեղծություններով։Sputnik Արմենիայի հետ զրույցում նա խոսեց առաջնագծում անցկացրած օրերի մասին և հայտնեց, որ այդ ժամանակվանից է բանաստեղծություններ գրում։Նշենք, որ ապրիլի 25–ին Երևանում Լաչին Ստեփանյանը ներկայացրեց իր «Իմ ժամանակը, իմ հաղթանակը» բանաստեղծությունների ժողովածուն։Այսօր վետերանը խոստովանեց, որ ուժ է ստանում, ոգեշնչվում է ստեղծագործելուց։ Նա չունի սիրելի ուտելիք կամ օրվա սիրելի ժամ, բայց կյանքի բերումով նախընտրում է լուսաբացը և կարող է երկար նայել ծագող արևին։Ստեփանյանը կատակեց` դա իր սիրելի զբաղմունքն է, հետո բացատրեց, որ տառապում է անքնությունից։«Ես գիշերները չեմ քնում, անքնություն ունեմ, ժամանակիս մեծ մասն անցնում է դանթելով` կիսանստած», - ասաց նա։Հարցին, թե ինչի մասին է հաճախ մտածում, պատասխանեց՝ մահվան, հետո ժպտալով շարունակեց. «Ի՞նչ իմանամ` վերջին օրս երբ կլինի»։Նա իր ծննդյան օրը խաղաղություն մաղթեց աշխարհին, իսկ իր ընտանիքին ու ընկերներին՝ առողջություն։Առաջնագծի զինվորը 10 տարի առաջ է կորցրել իր կյանքի կեսին։ Նա քիչ է խոսում այդ մասին։ Ունի չորս երեխա, ապրում է նրանցից մեկի հետ։ Ստեփանյանը շատ է խոսում իր թոռների մասին։Լաչին Վաղարշակի Ստեփանյանը 16 տարեկանում է մեկնել ռազմաճակատ։ Այնտեղ սկսել է օրագիր պահել և բանաստեղծություններ գրել՝ դրանք նվիրելով հայրենիքին, մորն ու սիրած աղջկան։ Նա ծառայել է «Վորոշիլով» հածանավում։ Սևծովյան նավատորմի կազմում գտնվող նավն ակտիվ մասնակցություն է ունեցել ռազմական գործողություններին, զորք և բեռներ է տեղափոխել պաշարված Սևաստոպոլ և քաղաքի շրջակայքում կրակ վարել գերմանական զորքերի դեմ։ Պատերազմից հետո «Վորոշիլովն» ընդգրկվել է Սևծովյան նավատորմի հածանավերի դիվիզիայի կազմում։Պատերազմից հետո Ստեփանյանը հածանավի վրա ծառայել է ևս հինգ տարի։ Պարգևատրվել է Հայրենական պատերազմի երկու աստիճանների շքանշաններով, «Արիության համար», «Կովկասի պաշտպանության համար», «Մարտական ծառայությունների համար», «Բուդապեշտը գրավելու համար» մեդալներով: Կյանքի ընթացքում շատ մասնագիտություններ է փոխել, բայց հոգու խորքում միշտ բանաստեղծ է մնացել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, լաչին ստեփանյան, ծնունդ, հայրենական մեծ պատերազմի վետերան, видео
հայաստան, լաչին ստեփանյան, ծնունդ, հայրենական մեծ պատերազմի վետերան, видео
Ի՞նչ իմանամ` վերջին օրս երբ կլինի. պատերազմի վետերան Լաչին Ստեփանյանը նշեց 100-ամյակը
21:35 29.08.2025 (Թարմացված է: 15:25 30.08.2025) Հայրենական մեծ պատերազմի վետերանը շատ զրկանքների միջով է անցել, բայց չի կոտրվել և 100 տարեկանում բանաստեղծությունների ժողովածու է հրատարակել։
ԵՐԵՎԱՆ, 29 օգոստոսի – Sputnik. Հայրենական մեծ պատերազմի վետերան Լաչին Ստեփանյանն այսօր դարձավ 100 տարեկան: Նրան շնորհավորելու էին եկել հարազատները, ընկերները, Ռոսսոտրուդնիչեստվոյի և վետերանների միության ներկայացուցիչները:
Լաչին Ստեփանյանը հյուրերին ուղղված իր ողջույնի խոսքը սկսեց բանաստեղծություններով։
Sputnik Արմենիայի հետ զրույցում նա խոսեց առաջնագծում անցկացրած օրերի մասին և հայտնեց, որ այդ ժամանակվանից է բանաստեղծություններ գրում։
Նշենք, որ ապրիլի 25–ին Երևանում Լաչին Ստեփանյանը
ներկայացրեց իր «Իմ ժամանակը, իմ հաղթանակը» բանաստեղծությունների ժողովածուն։
Այսօր վետերանը խոստովանեց, որ ուժ է ստանում, ոգեշնչվում է ստեղծագործելուց։ Նա չունի սիրելի ուտելիք կամ օրվա սիրելի ժամ, բայց կյանքի բերումով նախընտրում է լուսաբացը և կարող է երկար նայել ծագող արևին։
Ստեփանյանը կատակեց` դա իր սիրելի զբաղմունքն է, հետո բացատրեց, որ տառապում է անքնությունից։
«Ես գիշերները չեմ քնում, անքնություն ունեմ, ժամանակիս մեծ մասն անցնում է դանթելով` կիսանստած», - ասաց նա։
Հարցին, թե ինչի մասին է հաճախ մտածում, պատասխանեց՝ մահվան, հետո ժպտալով շարունակեց. «Ի՞նչ իմանամ` վերջին օրս երբ կլինի»։
Նա իր ծննդյան օրը խաղաղություն մաղթեց աշխարհին, իսկ իր ընտանիքին ու ընկերներին՝ առողջություն։
Առաջնագծի զինվորը 10 տարի առաջ է կորցրել իր կյանքի կեսին։ Նա քիչ է խոսում այդ մասին։ Ունի չորս երեխա, ապրում է նրանցից մեկի հետ։ Ստեփանյանը շատ է խոսում իր թոռների մասին։
Լաչին Վաղարշակի Ստեփանյանը 16 տարեկանում է մեկնել ռազմաճակատ։ Այնտեղ սկսել է օրագիր պահել և բանաստեղծություններ գրել՝ դրանք նվիրելով հայրենիքին, մորն ու սիրած աղջկան։ Նա ծառայել է «Վորոշիլով» հածանավում։ Սևծովյան նավատորմի կազմում գտնվող նավն ակտիվ մասնակցություն է ունեցել ռազմական գործողություններին, զորք և բեռներ է տեղափոխել պաշարված Սևաստոպոլ և քաղաքի շրջակայքում կրակ վարել գերմանական զորքերի դեմ։ Պատերազմից հետո «Վորոշիլովն» ընդգրկվել է Սևծովյան նավատորմի հածանավերի դիվիզիայի կազմում։
Պատերազմից հետո Ստեփանյանը հածանավի վրա ծառայել է ևս հինգ տարի։ Պարգևատրվել է Հայրենական պատերազմի երկու աստիճանների շքանշաններով, «Արիության համար», «Կովկասի պաշտպանության համար», «Մարտական ծառայությունների համար», «Բուդապեշտը գրավելու համար» մեդալներով: Կյանքի ընթացքում շատ մասնագիտություններ է փոխել, բայց հոգու խորքում միշտ բանաստեղծ է մնացել։
