https://arm.sputniknews.ru/20250825/shhk-i-himnadrumic-i-ver-amenamets-gagatnazhvoghvovy-inch-kqnnarken-masnakicnery-tjanczinum-92687286.html
ՇՀԿ-ի հիմնադրումից ի վեր ամենամեծ գագաթնաժողովը. ի՞նչ կքննարկեն մասնակիցները Տյանցզինում
ՇՀԿ-ի հիմնադրումից ի վեր ամենամեծ գագաթնաժողովը. ի՞նչ կքննարկեն մասնակիցները Տյանցզինում
Sputnik Արմենիա
Չինացի դիվանագետի խոսքով՝ ՇՀԿ-ի դռները բաց են նոր անդամների համար, և ապագայում հնարավոր է նոր ընդլայնում։ 25.08.2025, Sputnik Արմենիա
2025-08-25T09:37+0400
2025-08-25T09:37+0400
2025-08-25T09:39+0400
շհկ
գագաթնաժողով
չինաստան
https://cdn.am.sputniknews.ru/img/07e9/08/16/92629951_0:247:2763:1801_1920x0_80_0_0_6285a8395e0acfa58be0b49896d20a96.jpg
ԵՐԵՎԱՆ, 25 օգոստոսի - Sputnik. Շանհայի համագործակցության կազմակերպության (ՇՀԿ) Տյանցզինում (Չինաստան) կայանալիք գագաթնաժողովը կլինի ամենամեծը կազմակերպության հիմնադրումից ի վեր։ Այս մասին ՌԻԱ Նովոստիին տված հարցազրույցում ասել է Ռուսաստանում Չինաստանի դեսպան Չժան Հանհուեյը։Այս տարի ՇՀԿ անդամ պետությունների ղեկավարների խորհրդի նիստը տեղի կունենա օգոստոսի 31-ից սեպտեմբերի 1-ը Տյանցզինում։ Դրան կմասնակցեն ավելի քան 20 պետությունների, ինչպես նաև 10 միջազգային կազմակերպությունների ղեկավարներ։Նրա խոսքով՝ ՇՀԿ առաջնորդները գագաթնաժողովում կքննարկեն անվտանգության հարցեր, այդ թվում՝ ահաբեկչության դեմ պայքարի մասնագիտացված կենտրոնների արագ ստեղծումը։Մի բան ասում են, լրիվ ուրիշ բան անում. Թավադյանը` ՇՀԿ–ին միանալու հայտարարության մասինՄասնավորապես, քննարկումը կկենտրոնանա ահաբեկչության և թմրանյութերի ապօրինի շրջանառության դեմ պայքարի, տեղեկատվական անվտանգության ապահովման և սահմանային անվտանգության ապահովման չորս մասնագիտացված կենտրոնների արագ ստեղծման վրա՝ ՇՀԿ-ի անվտանգության սպառնալիքներին և մարտահրավերներին հակազդելու կարողությունը մեծացնելու համար, ներառյալ «չարի երեք ուժերի» («չարի երեք ուժեր» Չինաստանում անվանում են ահաբեկչությունը, ծայրահեղականությունը և անջատողականությունը - խմբ.) դեմ պայքարը, սահմանային կազմակերպված հանցագործության դեմ պայքարը և տեղեկատվական անվտանգության ապահովումը։«Կողմերը քննարկումներ կանցկացնեն անվտանգության, առևտրի և գիտատեխնոլոգիական նորարարությունների թեմաներով», - հավելել է դեսպանը։Ինչպես նշել է չինացի դիվանագետը, ՇՀԿ-ի դռները բաց են նոր անդամների համար, և ապագայում հնարավոր է դրա ընդլայնումը։Միևնույն ժամանակ նա նշել է, որ ՇՀԿ-ի ընդլայնումը թեև ամրապնդում է կազմակերպության ընդհանուր հզորությունն ու տարածաշրջանային ազդեցությունը, բայց դա երբեք չի եղել նպատակ կազմակերպության համար, այլ զարգացման բնական արդյունք է։«Կազմակերպության դռները միշտ բաց են, և մենք վստահ ենք, որ ապագայում նոր անդամներ կմիանան «ՇՀԿ մեծ ընտանիքին»», - ասել է դեսպանը։ՇՀԿ-ն միջազգային կազմակերպություն է, որը հիմնադրվել է 2001 թվականին։ Այն ներառում է Հնդկաստանը, Իրանը, Ղազախստանը, Չինաստանը, Ղրղզստանը, Ռուսաստանը, Տաջիկստանը, Պակիստանը և Ուզբեկստանը։ Բելառուսը կազմակերպությանը պաշտոնապես միացել է 2024 թվականի հուլիսի 4-ին՝ Աստանայի գագաթնաժողովում: Դիտորդ երկրներն են՝ Աֆղանստանը և Մոնղոլիան, իսկ ՇՀԿ երկխոսության գործընկեր երկրները՝ Հայաստանը, Ադրբեջանը, Բահրեյնը, Եգիպտոսը, Կամբոջան, Կատարը, Քուվեյթը, Մալդիվները, Մյանման, Նեպալը, Արաբական Միացյալ Էմիրությունները, Սաուդյան Արաբիան, Թուրքիան և Շրի Լանկան:Փաշինյանն ու Ալիևը կմասնակցեն ՇՀԿ գագաթնաժողովին
չինաստան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
շհկ, գագաթնաժողով, չինաստան
շհկ, գագաթնաժողով, չինաստան
ՇՀԿ-ի հիմնադրումից ի վեր ամենամեծ գագաթնաժողովը. ի՞նչ կքննարկեն մասնակիցները Տյանցզինում
09:37 25.08.2025 (Թարմացված է: 09:39 25.08.2025) Չինացի դիվանագետի խոսքով՝ ՇՀԿ-ի դռները բաց են նոր անդամների համար, և ապագայում հնարավոր է նոր ընդլայնում։
ԵՐԵՎԱՆ, 25 օգոստոսի - Sputnik. Շանհայի համագործակցության կազմակերպության (ՇՀԿ) Տյանցզինում (Չինաստան) կայանալիք գագաթնաժողովը կլինի ամենամեծը կազմակերպության հիմնադրումից ի վեր։ Այս մասին ՌԻԱ Նովոստիին տված հարցազրույցում ասել է Ռուսաստանում Չինաստանի դեսպան Չժան Հանհուեյը։
Այս տարի ՇՀԿ անդամ պետությունների ղեկավարների խորհրդի նիստը տեղի կունենա օգոստոսի 31-ից սեպտեմբերի 1-ը Տյանցզինում։ Դրան կմասնակցեն ավելի քան 20 պետությունների, ինչպես նաև 10 միջազգային կազմակերպությունների ղեկավարներ։
«Այս գագաթնաժողովը կլինի ամենամասշտաբայինը ՇՀԿ-ի հիմնադրումից ի վեր։ Այն ցույց է տալիս, որ անդամ պետություններն ընդհանուր սպասումներ ունեն համագործակցության խորացման վերաբերյալ, և ՇՀԿ-ն մեծ ուշադրության է արժանանում միջազգային հանրության կողմից», - նշել է Չժան Հանհուեյը։
Նրա խոսքով՝ ՇՀԿ առաջնորդները գագաթնաժողովում կքննարկեն անվտանգության հարցեր, այդ թվում՝ ահաբեկչության դեմ պայքարի մասնագիտացված կենտրոնների արագ ստեղծումը։
Մասնավորապես, քննարկումը կկենտրոնանա ահաբեկչության և թմրանյութերի ապօրինի շրջանառության դեմ պայքարի, տեղեկատվական անվտանգության ապահովման և սահմանային անվտանգության ապահովման չորս մասնագիտացված կենտրոնների արագ ստեղծման վրա՝ ՇՀԿ-ի անվտանգության սպառնալիքներին և մարտահրավերներին հակազդելու կարողությունը մեծացնելու համար, ներառյալ «չարի երեք ուժերի» («չարի երեք ուժեր» Չինաստանում անվանում են ահաբեկչությունը, ծայրահեղականությունը և անջատողականությունը - խմբ.) դեմ պայքարը, սահմանային կազմակերպված հանցագործության դեմ պայքարը և տեղեկատվական անվտանգության ապահովումը։
«Կողմերը քննարկումներ կանցկացնեն անվտանգության, առևտրի և գիտատեխնոլոգիական նորարարությունների թեմաներով», - հավելել է դեսպանը։
Ինչպես նշել է չինացի դիվանագետը, ՇՀԿ-ի դռները բաց են նոր անդամների համար, և ապագայում հնարավոր է դրա ընդլայնումը։
«Ներկայում ավելի ու ավելի շատ երկրներ են հետաքրքրություն հայտնում կազմակերպությանը միանալու կամ դրա հետ համագործակցությունը ամրապնդելու հարցում, ինչը լիովին հաստատում է ՇՀԿ հայեցակարգի ընկալումը և վստահությունը դրա զարգացման հեռանկարների նկատմամբ», - նշել է դիվանագետը։
Միևնույն ժամանակ նա նշել է, որ ՇՀԿ-ի ընդլայնումը թեև ամրապնդում է կազմակերպության ընդհանուր հզորությունն ու տարածաշրջանային ազդեցությունը, բայց դա երբեք չի եղել նպատակ կազմակերպության համար, այլ զարգացման բնական արդյունք է։
«Կազմակերպության դռները միշտ բաց են, և մենք վստահ ենք, որ ապագայում նոր անդամներ կմիանան «ՇՀԿ մեծ ընտանիքին»», - ասել է դեսպանը։
ՇՀԿ-ն միջազգային կազմակերպություն է, որը հիմնադրվել է 2001 թվականին։ Այն ներառում է Հնդկաստանը, Իրանը, Ղազախստանը, Չինաստանը, Ղրղզստանը, Ռուսաստանը, Տաջիկստանը, Պակիստանը և Ուզբեկստանը։ Բելառուսը կազմակերպությանը պաշտոնապես միացել է 2024 թվականի հուլիսի 4-ին՝ Աստանայի գագաթնաժողովում: Դիտորդ երկրներն են՝ Աֆղանստանը և Մոնղոլիան, իսկ ՇՀԿ երկխոսության գործընկեր երկրները՝ Հայաստանը, Ադրբեջանը, Բահրեյնը, Եգիպտոսը, Կամբոջան, Կատարը, Քուվեյթը, Մալդիվները, Մյանման, Նեպալը, Արաբական Միացյալ Էմիրությունները, Սաուդյան Արաբիան, Թուրքիան և Շրի Լանկան:
