https://arm.sputniknews.ru/20250808/inch-patetavvorum-el-taq-hh-n-hamadzajnum-e-zijel-ir-inqnishkhan-taratsqi-mi-hatvats-oskanjan-92116283.html
Ինչ փաթեթավորում էլ տաք, ՀՀ-ն համաձայնում է զիջել իր ինքնիշխան տարածքի մի հատված․ Օսկանյան
Ինչ փաթեթավորում էլ տաք, ՀՀ-ն համաձայնում է զիջել իր ինքնիշխան տարածքի մի հատված․ Օսկանյան
Sputnik Արմենիա
ՀՀ ԱԳ նախկին նախարարը պնդում է՝ եթե Ադրբեջանին «Թրամփի միջանցքը» պետք է Հայաստանի ճանապարհներով հանգիստ երթևեկելու համար, ապա նույն սկզբունքով Ադրբեջանում էլ... 08.08.2025, Sputnik Արմենիա
2025-08-08T16:56+0400
2025-08-08T16:56+0400
2025-08-08T17:08+0400
«զանգեզուրի միջանցք»
վարդան օսկանյան
հայաստան
ադրբեջան
հայ-ադրբեջանական
խաղաղության պայմանագիր
խաղաղության խաչմերուկ
ամն
դոնալդ թրամփ
https://cdn.am.sputniknews.ru/img/07e7/02/18/55853128_0:80:1600:980_1920x0_80_0_0_292d5068e2d667eee6d730ba9fe51c0d.jpg
ԵՐԵՎԱՆ, 8 օգոստոսի – Sputnik. Նշանակություն չունի` այսպես կոչված «Զանգեզուրի միջանցքը» տնօրինվելու է Հայաստանի, ԱՄՆ-ի, թե ինչ-որ «միջազգային կառավարչի» կողմից, վարձակալվելու է հարյուր, տասը կամ մեկ տարով կամ ինչ դիվանագիտական փաթեթավորմամբ է ներկայացվելու։ Փաստն այն, որ Հայաստանը համաձայնում է ժամանակավորապես կամ մշտապես զիջելու իր ինքնիշխան տարածքի որևէ հատվածի վերահսկողությունը, և դա անընդունելի է։ Այս մասին իր ֆեյսբուքյան էջում գրել է ՀՀ ԱԳ նախկին նախարար Վարդան Օսկանյանը։Շեշտում է՝ արդեն մի քանի տարի շարունակ միջանցքի թեման Բաքվի կողմից օգտագործվել է որպես քաղաքական զենք՝ հարցականի տակ դնելու Հայաստանի ինքնիշխանությունը և վերաձևելու հետպատերազմյան կարգավորումը։Երկարամյա դիվանագետը պնդում է՝ կառավարման մոդելների, վարձակալության ժամկետների և կառավարչի չեզոքության մասին տեխնիկական քննարկումների միջոցով Հայաստանը ներքաշվում է մի թակարդի մեջ, որը միջանցքը ներկայացնում է որպես անխուսափելի։ Երբ քննարկումը տեղափոխվում է այն հարթություն, թե ինչպես պետք է գործի միջանցքը, այլ ոչ թե պե՞տք է արդյոք այն գոյություն ունենա, ինքնիշխանության հիմնական սկզբունքն արդեն խախտված է։«Հայաստանը երբեք չի համաձայնել որևէ երկրին տրամադրել արտատարածքային մուտք Սյունիքով։ Հայաստանի օրենքը բացահայտ արգելում է նման նպատակով հող վարձակալելը։ «Խաղաղության խաչմերուկ» նախաձեռնությունը՝ Հայաստանի իսկ առաջարկած մոդելը, նախատեսում է տարածաշրջանային հաղորդակցություն, որը հիմնված է ինքնիշխանության, իրավազորության, փոխադարձության և հավասարության վրա։ «TRIPP» գործարքը (ըստ Օսկանյանի՝ այսօր նախատեսվող համաձայնագիրը կարող է անվանվել «Թրամփի ճանապարհ միջազգային խաղաղության և բարգավաճման համար» (TRIPP) –խմբ․), որով ճանապարհի մի հատված երկարաժամկետ կտրվի ԱՄՆ վերահսկողությանը, խախտում է այս բոլոր չորս սկզբունքները»,- գրում է Օսկանյանը։Նա հիշեցնում է՝ Իրանն արդեն բաց տեքստով հայտարարել է, որ չի հանդուրժի Սյունիքում որևէ օտար ներկայություն։ Վստահ է, որ գործարքի կողմնակիցները կհայտարարեն, թե սա «իրատեսական» փոխզիջում է խաղաղ բանակցություններն առաջ մղելու համար։ Միաժամանակ Օսկանյանը հարց է տալիս՝ ի՞նչ տեսակ խաղաղություն է սա, որը սկսվում է կողմերից մեկի ինքնիշխանության խաթարմամբ։ Ինչ վերաբերում է այն պնդումներին, թե ԱՄՆ ներկայությունը «չեզոք երաշխիք» է, ըստ Օսկանյանի՝ այդ «չեզոքությունն» իմաստազրկվում է, երբ, ըստ էության, Ադրբեջանի պահանջն է կատարվում։Հիշեցնենք` ՀՀ վարչապետ Նիկոլ Փաշինյանը հուլիսի 16-ին հայտարարեց, որ տարածաշրջանում տրանսպորտային հաղորդակցությունների ապաշրջափակումը պետք է իրականացվի այն երկրների տարածքային ամբողջականության, ինքնիշխանության և իրավասության պահպանմամբ, որոնցով անցնում է: Նա չբացառեց, որ Ադրբեջանից դեպի Նախիջևան ճանապարհի կառավարումը Սյունիքով կարող է փոխանցվել մասնավոր ընկերության։ Փաշինյանը նշեց, որ Սյունիքի ճանապարհի արտապատվիրակմամբ հետաքրքրված է ոչ միայն ԱՄՆ-ն, այլև ԵՄ–ն, իսկ Հայաստանին հետաքրքիր է ԱՄՆ-ի և ԵՄ-ի շահագրգռվածությունը։Ավելի ուշ իշխող «Քաղաքացիական պայմանագրից» հայտարարեցին, որ Հայաստանը հրաժարվել է Սյունիքով ճանապարհը վարձակալության տալու գաղափարից։«Զանգեզուրի միջանցքով» ԱՄՆ-ն կխզի ՌԴ-Իրան կապը. փորձագետը վտանգ է տեսնում Հայաստանի համարՀավելենք, որ այսօր Վաշինգտոնում ԱՄՆ նախագահ Դոնալդ Թրամփը կընդունի Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին և բանակցություններ կվարի նրանց հետ: Նախատեսվում է համաձայնագրի ստորագրում, որը պաշտոնապես հրապարակված չէ։ Սակայն ԶԼՄ-ներում արդեն մանրամասներ են հայտնվել, որ խոսքը գնում է հարաբերությունների «վերագործարկման և մակարդակի բարձրացման» նպատակով համատեղ հռչակագրի ստորագրման, Երևանի և Բաքվի կողմից խաղաղության համաձայնագրի նախաստորագրման, ԵԱՀԿ Մինսկի խմբից դուրս գալու փաստաթղթի, Հայաստանի հետ առանձին հուշագրի մասին։
ադրբեջան
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«զանգեզուրի միջանցք», վարդան օսկանյան, հայաստան, ադրբեջան, հայ-ադրբեջանական, խաղաղության պայմանագիր, խաղաղության խաչմերուկ, ամն, դոնալդ թրամփ
«զանգեզուրի միջանցք», վարդան օսկանյան, հայաստան, ադրբեջան, հայ-ադրբեջանական, խաղաղության պայմանագիր, խաղաղության խաչմերուկ, ամն, դոնալդ թրամփ
Ինչ փաթեթավորում էլ տաք, ՀՀ-ն համաձայնում է զիջել իր ինքնիշխան տարածքի մի հատված․ Օսկանյան
16:56 08.08.2025 (Թարմացված է: 17:08 08.08.2025) ՀՀ ԱԳ նախկին նախարարը պնդում է՝ եթե Ադրբեջանին «Թրամփի միջանցքը» պետք է Հայաստանի ճանապարհներով հանգիստ երթևեկելու համար, ապա նույն սկզբունքով Ադրբեջանում էլ պետք է «Թրամփի» միջանցք լինի հայերի ապահով տեղաշարժի համար։
ԵՐԵՎԱՆ, 8 օգոստոսի – Sputnik. Նշանակություն չունի` այսպես կոչված «Զանգեզուրի միջանցքը» տնօրինվելու է Հայաստանի, ԱՄՆ-ի, թե ինչ-որ «միջազգային կառավարչի» կողմից, վարձակալվելու է հարյուր, տասը կամ մեկ տարով կամ ինչ դիվանագիտական փաթեթավորմամբ է ներկայացվելու։ Փաստն այն, որ Հայաստանը համաձայնում է ժամանակավորապես կամ մշտապես զիջելու իր ինքնիշխան տարածքի որևէ հատվածի վերահսկողությունը, և դա անընդունելի է։ Այս մասին իր ֆեյսբուքյան էջում գրել է ՀՀ ԱԳ նախկին նախարար Վարդան Օսկանյանը։
Շեշտում է՝ արդեն մի քանի տարի շարունակ միջանցքի թեման Բաքվի կողմից օգտագործվել է որպես քաղաքական զենք՝ հարցականի տակ դնելու Հայաստանի ինքնիշխանությունը և վերաձևելու հետպատերազմյան կարգավորումը։
«Այս պահանջը կտրուկ մերժելու փոխարեն Վաշինգտոնի միջնորդությունն այն ավելի է լեգիտիմացրել՝ ադրբեջանական արհեստածին պահանջը վերածելով «ստեղծագործական լուծումների» քննարկման թեմայի։ Սա դիվանագիտական առումով նույնն է, ինչ բանակցել՝ այգուդ տարածքից որքան պատրաստ ես զիջել, փոխարենը պահանջելու, որ ցանկապատը մնա իր տեղում»,- գրում է Օսկանյանը։
Երկարամյա դիվանագետը պնդում է՝ կառավարման մոդելների, վարձակալության ժամկետների և կառավարչի չեզոքության մասին տեխնիկական քննարկումների միջոցով Հայաստանը ներքաշվում է մի թակարդի մեջ, որը միջանցքը ներկայացնում է որպես անխուսափելի։ Երբ քննարկումը տեղափոխվում է այն հարթություն, թե ինչպես պետք է գործի միջանցքը, այլ ոչ թե պե՞տք է արդյոք այն գոյություն ունենա, ինքնիշխանության հիմնական սկզբունքն արդեն խախտված է։
«Հայաստանը երբեք չի համաձայնել որևէ երկրին տրամադրել արտատարածքային մուտք Սյունիքով։ Հայաստանի օրենքը բացահայտ արգելում է նման նպատակով հող վարձակալելը։ «Խաղաղության խաչմերուկ» նախաձեռնությունը՝ Հայաստանի իսկ առաջարկած մոդելը, նախատեսում է տարածաշրջանային հաղորդակցություն, որը հիմնված է ինքնիշխանության, իրավազորության, փոխադարձության և հավասարության վրա։ «TRIPP» գործարքը (ըստ Օսկանյանի՝ այսօր նախատեսվող համաձայնագիրը կարող է անվանվել «Թրամփի ճանապարհ միջազգային խաղաղության և բարգավաճման համար» (TRIPP) –խմբ․), որով ճանապարհի մի հատված երկարաժամկետ կտրվի ԱՄՆ վերահսկողությանը, խախտում է այս բոլոր չորս սկզբունքները»,- գրում է Օսկանյանը։
Նա հիշեցնում է՝ Իրանն արդեն բաց տեքստով հայտարարել է, որ չի հանդուրժի Սյունիքում որևէ օտար ներկայություն։ Վստահ է, որ գործարքի կողմնակիցները կհայտարարեն, թե սա «իրատեսական» փոխզիջում է խաղաղ բանակցություններն առաջ մղելու համար։ Միաժամանակ Օսկանյանը հարց է տալիս՝ ի՞նչ տեսակ խաղաղություն է սա, որը սկսվում է կողմերից մեկի ինքնիշխանության խաթարմամբ։ Ինչ վերաբերում է այն պնդումներին, թե ԱՄՆ ներկայությունը «չեզոք երաշխիք» է, ըստ Օսկանյանի՝ այդ «չեզոքությունն» իմաստազրկվում է, երբ, ըստ էության, Ադրբեջանի պահանջն է կատարվում։
«Եթե նպատակը իսկական խաղաղությունն է, այն պետք է վստահություն ներշնչի երկու կողմերին էլ։ Եթե Ադրբեջանը պնդում է, որ չի կարող վստահել սովորական հայկական ճանապարհներին՝ Նախիջևան հասնելու համար առանց «Թրամփի միջանցքի», ապա փոխադարձության սկզբունքով անհրաժեշտ է «Թրամփի միջանցք» Ադրբեջանի տարածքում, որպեսզի հայերը նույնպես ապահով կերպով հասնեն Կասպյան ավազան՝ առևտրի կամ ճանապարհորդության նպատակով»,- ասում է ՀՀ ԱԳ նախկին նախարարը։
Հիշեցնենք` ՀՀ վարչապետ
Նիկոլ Փաշինյանը հուլիսի 16-ին հայտարարեց, որ տարածաշրջանում տրանսպորտային հաղորդակցությունների ապաշրջափակումը պետք է իրականացվի այն երկրների տարածքային ամբողջականության, ինքնիշխանության և իրավասության պահպանմամբ, որոնցով անցնում է: Նա չբացառեց, որ Ադրբեջանից դեպի Նախիջևան ճանապարհի կառավարումը Սյունիքով կարող է փոխանցվել մասնավոր ընկերության։ Փաշինյանը նշեց, որ Սյունիքի ճանապարհի արտապատվիրակմամբ հետաքրքրված է ոչ միայն ԱՄՆ-ն, այլև ԵՄ–ն, իսկ Հայաստանին հետաքրքիր է ԱՄՆ-ի և ԵՄ-ի շահագրգռվածությունը։
Ավելի ուշ իշխող «Քաղաքացիական պայմանագրից»
հայտարարեցին, որ Հայաստանը հրաժարվել է Սյունիքով ճանապարհը վարձակալության տալու գաղափարից։
Հավելենք, որ այսօր Վաշինգտոնում ԱՄՆ նախագահ Դոնալդ Թրամփը կընդունի Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին և բանակցություններ կվարի նրանց հետ: Նախատեսվում է համաձայնագրի ստորագրում, որը պաշտոնապես հրապարակված չէ։ Սակայն ԶԼՄ-ներում արդեն մանրամասներ են հայտնվել, որ խոսքը գնում է հարաբերությունների «վերագործարկման և մակարդակի բարձրացման» նպատակով համատեղ հռչակագրի ստորագրման, Երևանի և Բաքվի կողմից խաղաղության համաձայնագրի նախաստորագրման, ԵԱՀԿ Մինսկի խմբից դուրս գալու փաստաթղթի, Հայաստանի հետ առանձին հուշագրի մասին։
