https://arm.sputniknews.ru/20250808/inch-pajmannervov-adrbejany-tshanaparh-kstana-sjuniqum-hamashkharhajin-mamuli-andradardzy-92112367.html
Ինչ պայմաններով Ադրբեջանը ճանապարհ կստանա Սյունիքում. համաշխարհային մամուլի անդրադարձը
Ինչ պայմաններով Ադրբեջանը ճանապարհ կստանա Սյունիքում. համաշխարհային մամուլի անդրադարձը
Sputnik Արմենիա
Հայաստանը, ըստ միջազգային լրատվամիջոցների, համաձայնել է ԱՄՆ-ին բացառիկ իրավունքներ տրամադրել Սյունիքում 43,5 կիլոմետրանոց միջանցքի զարգացման համար: 08.08.2025, Sputnik Արմենիա
2025-08-08T16:15+0400
2025-08-08T16:15+0400
2025-08-08T16:25+0400
ադրբեջան
հայաստան
խաղաղության պայմանագիր
«զանգեզուրի միջանցք»
ամն
իլհամ ալիև
նիկոլ փաշինյան
դոնալդ թրամփ
https://cdn.am.sputniknews.ru/img/2073/06/20730655_0:0:1601:901_1920x0_80_0_0_ddbef255527888d5d761f565c626a86c.jpg
ԵՐԵՎԱՆ, 8 օգոստոսի - Sputnik. Հայաստանն ու Ադրբեջանը նախատեսում են ԱՄՆ-ի միջնորդությամբ ստորագրել մի շարք կարևոր փաստաթղթեր, որոնք վերաբերում են խաղաղության պայմանագրին և Սյունիքով Բաքվի և Նախիջևանի միջև ճանապարհի բացմանը։ Համաշխարհային ԶԼՄ-ները հրապարակում են կուլիսային պայմանավորվածությունների մանրամասները։Այսպես, ամերիկյան հեղինակավոր Axios պարբերականը գրում է, որ Հայաստանը համաձայնել է իր տարածքով 43,5 կիլոմետրանոց միջանցքի ստեղծմանը, որը կվերահսկվի ԱՄՆ-ի կողմից և կկոչվի «Թրամփի երթուղի հանուն միջազգային խաղաղության և բարգավաճման» (TRIPP): Այն Ադրբեջանի հիմնական մասը կկապի Նախիջևանի հետ և թույլ կտա Թուրքիայի և Ադրբեջանի միջև մարդկանց և ապրանքների տեղաշարժը, ինչպես նաև կշարունակվի դեպի Կենտրոնական Ասիա՝ շրջանցելով Իրանը կամ Ռուսաստանը։ Պարբերականը նշում է, որ Իրանը վճռականորեն դեմ է այդ նախագծին, Ռուսաստանը ևս քննադատում է այն, մինչդեռ Թուրքիան աջակցում է: Ապաշրջափակելով այդ ճանապարհը՝ ամերիկացիներն ամեն տարի միլիարդավոր դոլարներ կստանան նոր առևտրային գործարքներից։ Իսկ Ռուսաստանը, Իրանն ու Չինաստանը կորցնում են ազդեցությունն աշխարհի այն հատվածում, որը նրանք համարում էին իրենց սեփականը։ Axios-ը գրում է, որ «ԱՄՆ-ի հետ բանակցությունների ժամանակ Հայաստանը համաձայնել է միջանցքին»:ՀՀ–ով անցնող բոլոր ճանապարհները լինելու են մեր լիարժեք ինքնիշխանության ներքո. ՌուբինյանՄասնավորապես, Թրամփի վարչակազմը ՀՀ վարչապետ Նիկոլ Փաշինյանին առաջարկել է այն գաղափարը, որ համաձայնելով ԱՄՆ-ի կողմից տարանցիկ միջանցքի զարգացմանը՝ նա, ի դեմս Վաշինգտոնի, կունենա ընկեր և հզոր բուֆեր՝ ընդդեմ Ադրբեջանի հետագա ցանկացած ներխուժման:Politico-ն նշում է, որ երկարատև հակամարտության մեղմացման բանալին տարանցիկ միջանցքի մասին համաձայնագիրն է, որը ներառում է Ադրբեջանի և Նախիջևանի միջև գտնվող հայկական տարածքի լեռնային հատվածի՝ «Զանգեզուրի միջանցքի» զարգացման պարտավորություն։Թրամփի ոգով միջանցքը կոչվում է «Թրամփի երթուղի», իսկ այսօրվա միջոցառումը կոչվում է «TRIPP խաղաղության գագաթնաժողով»: Ըստ պարբերականի՝ Հայաստանը համաձայնել է ԱՄՆ-ին տրամադրել «Զանգեզուրի միջանցքի» տարածքի կառուցապատման բացառիկ հատուկ իրավունքներ՝ 99 տարի ժամկետով։ ԱՄՆ-ը ենթավարձակալության է հանձնելու հողը կոնսորցիումին, որը կզբաղվի երկաթուղային, նավթա -, գազատար և օպտիկամանրաթելային գծերի զարգացմամբ, ինչպես նաև, հնարավոր է, այդ 27-մղոնանոց միջանցքով էլեկտրահաղորդմամբ: Մեկ այլ պաշտոնյա Politico-ին ասել է, որ արտգործնախարարները կնախաստորագրեն պայմանագրի տեքստը, որը, ըստ կողմերի, համաձայնեցվել է մարտին, բայց դրանից հետո դանդաղ է առաջ գնում:Reuters-ը, վկայակոչելով ԱՄՆ վարչակազմի անանուն մնալ ցանկացող պաշտոնյաներին, գրում է, որ Հայաստանի և Ադրբեջանի ղեկավարները կստորագրեն շրջանակային փաստաթուղթ, որն ուղղված է «խաղաղության կոնկրետ ուղու» հասնելուն և վաղուց հասունացած տարանցիկ խնդրի լուծմանը: Ադրբեջանը Հայաստանի տարածքով տրանսպորտային միջանցք է պահանջել, որով իր տարածքի հիմնական մասը կմիացնի Նախիջևանին։Իրականությանը չեն համապատասխանում. Փաշինյանի խոսնակը` «միջանցքային» լուծումների մասին«Կոմերցիոն միջոցների շնորհիվ այս քայլը ապաշրջափակելու է տարածաշրջանը և կանխելու է հետագա ռազմական գործողությունները», - պարբերականին ասել է պաշտոնյաներից մեկը:Հայաստանի և Ադրբեջանի ղեկավարները նաև փաստաթղթեր կստորագրեն՝ պահանջելով լուծարել ԵԱՀԿ Մինսկի խումբը, որը 1992թ.–ին ստեղծվել էր Ղարաբաղյան հակամարտության կարգավորման համար` Ֆրանսիայի, Ռուսաստանի և ԱՄՆ-ի համանախագահությամբ:ԱՄՆ պաշտոնյաները կարծում են, որ Հայաստանի և Ադրբեջանի միջև խաղաղության համաձայնագիրը կարող է հանգեցնել բանակցությունների Ադրբեջանի՝ Աբրահամի համաձայնագրերին միանալու վերաբերյալ, որոնք Թրամփի կողմից իր առաջին ժամկետի ընթացքում Իսրայելի և չորս մահմեդական մեծամասնություն ունեցող երկրների միջև կնքված կարգավորման համաձայնագրերի շարք են։«Զանգեզուրի միջանցքով» ԱՄՆ-ն կխզի ՌԴ-Իրան կապը. փորձագետը վտանգ է տեսնում Հայաստանի համարՀիշեցնենք, որ այսօր Վաշինգտոնում ԱՄՆ նախագահ Դոնալդ Թրամփը կընդունի Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին և բանակցություններ կվարի նրանց հետ: Նախատեսվում է համաձայնագրի ստորագրում, որը պաշտոնապես հրապարակված չէ։ Սակայն ԶԼՄ-ներում արդեն մանրամասներ են հայտնվել, որ խոսքը գնում է հարաբերությունների «վերագործարկման և մակարդակի բարձրացման» նպատակով համատեղ հռչակագրի ստորագրման, Երևանի և Բաքվի կողմից խաղաղության համաձայնագրի նախաստորագրման, ԵԱՀԿ Մինսկի խմբից դուրս գալու փաստաթղթի, Հայաստանի հետ առանձին հուշագրի մասին։
ադրբեջան
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ադրբեջան, հայաստան, խաղաղության պայմանագիր, «զանգեզուրի միջանցք», ամն, իլհամ ալիև, նիկոլ փաշինյան, դոնալդ թրամփ
ադրբեջան, հայաստան, խաղաղության պայմանագիր, «զանգեզուրի միջանցք», ամն, իլհամ ալիև, նիկոլ փաշինյան, դոնալդ թրամփ
Ինչ պայմաններով Ադրբեջանը ճանապարհ կստանա Սյունիքում. համաշխարհային մամուլի անդրադարձը
16:15 08.08.2025 (Թարմացված է: 16:25 08.08.2025) Հայաստանը, ըստ միջազգային լրատվամիջոցների, համաձայնել է ԱՄՆ-ին բացառիկ իրավունքներ տրամադրել Սյունիքում 43,5 կիլոմետրանոց միջանցքի զարգացման համար:
ԵՐԵՎԱՆ, 8 օգոստոսի - Sputnik. Հայաստանն ու Ադրբեջանը նախատեսում են ԱՄՆ-ի միջնորդությամբ ստորագրել մի շարք կարևոր փաստաթղթեր, որոնք վերաբերում են խաղաղության պայմանագրին և Սյունիքով Բաքվի և Նախիջևանի միջև ճանապարհի բացմանը։ Համաշխարհային ԶԼՄ-ները հրապարակում են կուլիսային պայմանավորվածությունների մանրամասները։
Այսպես, ամերիկյան հեղինակավոր Axios պարբերականը գրում է, որ Հայաստանը համաձայնել է իր տարածքով 43,5 կիլոմետրանոց միջանցքի ստեղծմանը, որը կվերահսկվի ԱՄՆ-ի կողմից և կկոչվի «Թրամփի երթուղի հանուն միջազգային խաղաղության և բարգավաճման» (TRIPP): Այն Ադրբեջանի հիմնական մասը կկապի Նախիջևանի հետ և թույլ կտա Թուրքիայի և Ադրբեջանի միջև մարդկանց և ապրանքների տեղաշարժը, ինչպես նաև կշարունակվի դեպի Կենտրոնական Ասիա՝ շրջանցելով Իրանը կամ Ռուսաստանը։ Պարբերականը նշում է, որ Իրանը վճռականորեն դեմ է այդ նախագծին, Ռուսաստանը ևս քննադատում է այն, մինչդեռ Թուրքիան աջակցում է: Ապաշրջափակելով այդ ճանապարհը՝ ամերիկացիներն ամեն տարի միլիարդավոր դոլարներ կստանան նոր առևտրային գործարքներից։ Իսկ Ռուսաստանը, Իրանն ու Չինաստանը կորցնում են ազդեցությունն աշխարհի այն հատվածում, որը նրանք համարում էին իրենց սեփականը։
Axios-ը գրում է, որ «ԱՄՆ-ի հետ բանակցությունների ժամանակ Հայաստանը համաձայնել է միջանցքին»:
Մասնավորապես, Թրամփի վարչակազմը ՀՀ վարչապետ Նիկոլ Փաշինյանին առաջարկել է այն գաղափարը, որ համաձայնելով ԱՄՆ-ի կողմից տարանցիկ միջանցքի զարգացմանը՝ նա, ի դեմս Վաշինգտոնի, կունենա ընկեր և հզոր բուֆեր՝ ընդդեմ Ադրբեջանի հետագա ցանկացած ներխուժման:
Politico-ն նշում է, որ երկարատև հակամարտության մեղմացման բանալին տարանցիկ միջանցքի մասին համաձայնագիրն է, որը ներառում է Ադրբեջանի և Նախիջևանի միջև գտնվող հայկական տարածքի լեռնային հատվածի՝ «Զանգեզուրի միջանցքի» զարգացման պարտավորություն։
«Մեզ հաջողվել է ամեն ինչ հասցնել նրան, որ եթե կարողանանք պարզապես ապաշրջափակել բաղադրիչներից մեկը, հնարավոր է, որ մյուսների հարցն ինքնըստինքյան լուծվի», - անանունության պայմանով պարբերականին ասել է ամերիկացի պաշտոնյաներից մեկը:
Թրամփի ոգով միջանցքը կոչվում է «Թրամփի երթուղի», իսկ այսօրվա միջոցառումը կոչվում է «TRIPP խաղաղության գագաթնաժողով»: Ըստ պարբերականի՝ Հայաստանը համաձայնել է ԱՄՆ-ին տրամադրել «Զանգեզուրի միջանցքի» տարածքի կառուցապատման բացառիկ հատուկ իրավունքներ՝ 99 տարի ժամկետով։ ԱՄՆ-ը ենթավարձակալության է հանձնելու հողը կոնսորցիումին, որը կզբաղվի երկաթուղային, նավթա -, գազատար և օպտիկամանրաթելային գծերի զարգացմամբ, ինչպես նաև, հնարավոր է, այդ 27-մղոնանոց միջանցքով էլեկտրահաղորդմամբ: Մեկ այլ պաշտոնյա Politico-ին ասել է, որ արտգործնախարարները կնախաստորագրեն պայմանագրի տեքստը, որը, ըստ կողմերի, համաձայնեցվել է մարտին, բայց դրանից հետո դանդաղ է առաջ գնում:
Reuters-ը, վկայակոչելով ԱՄՆ վարչակազմի անանուն մնալ ցանկացող պաշտոնյաներին, գրում է, որ Հայաստանի և Ադրբեջանի ղեկավարները կստորագրեն շրջանակային փաստաթուղթ, որն ուղղված է «խաղաղության կոնկրետ ուղու» հասնելուն և վաղուց հասունացած տարանցիկ խնդրի լուծմանը: Ադրբեջանը Հայաստանի տարածքով տրանսպորտային միջանցք է պահանջել, որով իր տարածքի հիմնական մասը կմիացնի Նախիջևանին։
«Կոմերցիոն միջոցների շնորհիվ այս քայլը ապաշրջափակելու է տարածաշրջանը և կանխելու է հետագա ռազմական գործողությունները», - պարբերականին ասել է պաշտոնյաներից մեկը:
Հայաստանի և Ադրբեջանի ղեկավարները նաև փաստաթղթեր կստորագրեն՝ պահանջելով լուծարել ԵԱՀԿ Մինսկի խումբը, որը 1992թ.–ին ստեղծվել էր Ղարաբաղյան հակամարտության կարգավորման համար` Ֆրանսիայի, Ռուսաստանի և ԱՄՆ-ի համանախագահությամբ:
ԱՄՆ պաշտոնյաները կարծում են, որ Հայաստանի և Ադրբեջանի միջև խաղաղության համաձայնագիրը կարող է հանգեցնել բանակցությունների Ադրբեջանի՝ Աբրահամի համաձայնագրերին միանալու վերաբերյալ, որոնք Թրամփի կողմից իր առաջին ժամկետի ընթացքում Իսրայելի և չորս մահմեդական մեծամասնություն ունեցող երկրների միջև կնքված կարգավորման համաձայնագրերի շարք են։
Հիշեցնենք, որ այսօր Վաշինգտոնում ԱՄՆ նախագահ Դոնալդ Թրամփը կընդունի Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին և բանակցություններ կվարի նրանց հետ: Նախատեսվում է համաձայնագրի ստորագրում, որը պաշտոնապես հրապարակված չէ։ Սակայն ԶԼՄ-ներում արդեն մանրամասներ են հայտնվել, որ խոսքը գնում է հարաբերությունների «վերագործարկման և մակարդակի բարձրացման» նպատակով համատեղ հռչակագրի ստորագրման, Երևանի և Բաքվի կողմից խաղաղության համաձայնագրի նախաստորագրման, ԵԱՀԿ Մինսկի խմբից դուրս գալու փաստաթղթի, Հայաստանի հետ առանձին հուշագրի մասին։
