https://arm.sputniknews.ru/20250729/mek-tari-anc-zrvo-ardjunq-qaghaqapetarany-chi-nshum-erevani-nvor-aghbavajri-karucman-zhamkety-91787311.html
Մեկ տարի անց` զրո արդյունք. քաղաքապետարանը չի նշում Երևանի նոր աղբավայրի կառուցման ժամկետը
Մեկ տարի անց` զրո արդյունք. քաղաքապետարանը չի նշում Երևանի նոր աղբավայրի կառուցման ժամկետը
Sputnik Արմենիա
Նուբարաշենի աղբավայրի փակման, դրա տարածքի վերականգնման և նոր աղբավայրի կառուցման հարցերը շարունակում են մնալ չլուծված, չնայած իշխանությունների այն... 29.07.2025, Sputnik Արմենիա
2025-07-29T22:15+0400
2025-07-29T22:15+0400
2025-07-29T22:19+0400
նուբարաշենի աղբավայր
երևան
թափոն
աղբ
երևանի քաղաքապետարան
https://cdn.am.sputniknews.ru/img/07e5/06/13/27986173_0:44:1600:944_1920x0_80_0_0_7630afed973134bf0d1d1dfa0fb6d7c7.jpg
ԵՐԵՎԱՆ, 29 հուլիսի – Sputnik. Երևանի քաղաքապետարանը նոր աղբավայրի և թափոնների վերամշակման գործարանի կառուցման մեկնարկի ճշգրիտ ժամկետներ չունի։ Սա պարզ է դառնում Sputnik Արմենիայի պաշտոնական հարցմանը քաղաքապետարանի ներկայացված պատասխանից։Ավելի վաղ քաղաքային իշխանությունները հայտարարել էին, որ նոր օբյեկտի տեխնիկատնտեսական հիմնավորման նախապատրաստական աշխատանքներն ավարտվել են, և մշակվել է Նուբարաշենի և Աջափնյակի գործող աղբավայրերի փուլային փակման նախագիծ։ Սակայն, չնայած անցած մեկ տարվան, իրականացման ժամկետները կրկին չեն նշվել։ Խնդիրը կրկին հայտնվել է ուշադրության կենտրոնում հուլիսի 27-ին երկրի ամենամեծ աղբավայրում բռնկված խոշոր հրդեհից հետո։Քաղաքապետարանն ընդգծում է, որ խնդրին համալիր լուծում տալու նպատակով համագործակցում են Վերակառուցման և զարգացման եվրոպական բանկի և Համաշխարհային բանկի գործընկերների հետ: Թափոնների վերամշակման գործարանի կառուցումը դիտարկվում է պետություն-մասնավոր գործընկերության համատեքստում:Քաղաքապետարանից հավելել են, որ նոր աղբավայրը կունենա գործունեության բոլոր անհրաժեշտ ենթակառուցվածքները, ներառյալ անջրանցիկ շերտեր՝ հիմքերի մեկուսացման համար, կեղտաջրերի ջրահեռացման համակարգեր և կեղտաջրերի պահման ջրամբարներ: Հավաքված կեղտաջրերը կօգտագործվեն թափոնները ցողելու համար՝ ապահովելով թափոնների կենսաբանական տարրալուծման գործընթացում գազի շարունակական արտադրություն։Նոր աղբավայրը ցանկապատված կլինի և կհամալրվի թափոնների կշռման կամուրջով, անիվների լվացման համակարգով և աղբի խտացման ու հարթեցման անհրաժեշտ տեխնիկայով: Բացի այդ, ծրագրերը ներառում են մուտք/ելքի, մուտքի ճանապարհի, վարչական սպասարկման շենքի, թափոնների անալիզի լաբորատորիայի և այլ ենթակառուցվածքների կառուցում:Գործող աղբավայրերի փակումը նախատեսվում է իրականացնել ԵՄ կանոնակարգերին համապատասխան՝ նոր սանիտարական աղբավայրի կառուցումից հետո 2-3 տարվա ընթացքում՝ շրջակա միջավայրի վրա հետագա բացասական ազդեցությունը կանխելու համար: Հին աղբավայրը կծածկվի՝ գազի արտահոսքը և այրումը կանխելու համար։ Մեկուսացման վերջնական ընթացակարգերը կիրականացվեն հին աղբավայրի վերջին 20 տարում չօգտագործված հատվածներում՝ ստեղծելով բարելավված կանաչ տարածքներ։ Մնացած հատվածներում կիրականացվի ժամանակավոր մեկուսացում, վերջնական մեկուսացումն հնարավոր կլինի նստեցման դադարեցումից հետո։Նուբարաշենի աղբավայրը գործում է 1950-ական թվականներից։ Այն գտնվում է Երևանի կենտրոնից 9-10 կմ հեռավորության վրա և զբաղեցնում է 52.3 հա տարածք։ Քաղաքապետարանի տվյալներով՝ աղբավայր օրական 1000-1200 տոննա թափոն է մտնում, ինչը տարեկան կազմում է մինչև 440 հազար տոննա։ Աղբավայրը չունի թափոնների տեսակավորման և վերամշակման համակարգ. թափոնները խտացվում և ծածկվում են հողի շերտով։ Վերամշակման ֆորմալ մեխանիզմների բացակայության պայմաններում այդ աշխատանքի մի մասն իրականացվում է ոչ ֆորմալ հավաքորդների կողմից, որոնց համար նման գործունեությունը եկամտի միակ աղբյուրն է։Քաղաքապետարանն ընդգծում է, որ աղբավայրի փակումը և նոր աղբավայրի ստեղծումը մնում են քաղաքային իշխանությունների առաջնահերթ խնդիրների շարքում։
https://arm.sputniknews.ru/20240803/chi-tsaghkel-bajc-dranic-sevann-iren-lav-chi-zgum-inch-e-arvum-litshy-prkelu-hamar-79061446.html
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նուբարաշենի աղբավայր, երևան, թափոն, աղբ, երևանի քաղաքապետարան
նուբարաշենի աղբավայր, երևան, թափոն, աղբ, երևանի քաղաքապետարան
Մեկ տարի անց` զրո արդյունք. քաղաքապետարանը չի նշում Երևանի նոր աղբավայրի կառուցման ժամկետը
22:15 29.07.2025 (Թարմացված է: 22:19 29.07.2025) Նուբարաշենի աղբավայրի փակման, դրա տարածքի վերականգնման և նոր աղբավայրի կառուցման հարցերը շարունակում են մնալ չլուծված, չնայած իշխանությունների այն հավաստիացումներին, որ դրանք առաջնահերթ են համարվում։
ԵՐԵՎԱՆ, 29 հուլիսի – Sputnik. Երևանի քաղաքապետարանը նոր աղբավայրի և թափոնների վերամշակման գործարանի կառուցման մեկնարկի ճշգրիտ ժամկետներ չունի։ Սա պարզ է դառնում
Sputnik Արմենիայի պաշտոնական հարցմանը քաղաքապետարանի ներկայացված պատասխանից։
Ավելի վաղ քաղաքային իշխանությունները հայտարարել էին, որ նոր օբյեկտի տեխնիկատնտեսական հիմնավորման նախապատրաստական աշխատանքներն ավարտվել են, և մշակվել է Նուբարաշենի և Աջափնյակի գործող աղբավայրերի փուլային փակման նախագիծ։ Սակայն, չնայած անցած մեկ տարվան, իրականացման ժամկետները կրկին չեն նշվել։ Խնդիրը կրկին հայտնվել է ուշադրության կենտրոնում հուլիսի 27-ին երկրի ամենամեծ աղբավայրում բռնկված խոշոր հրդեհից հետո։
Քաղաքապետարանն ընդգծում է, որ խնդրին համալիր լուծում տալու նպատակով համագործակցում են Վերակառուցման և զարգացման եվրոպական բանկի և Համաշխարհային բանկի գործընկերների հետ: Թափոնների վերամշակման գործարանի կառուցումը դիտարկվում է պետություն-մասնավոր գործընկերության համատեքստում:
«Երևանի քաղաքապետարանը, համագործակցելով միջազգային ֆինանսական կառույցների և խորհրդատուների հետ, աշխատում է մայրաքաղաքի համար նոր, թափոնների վերամշակման ժամանակակից չափանիշներին համապատասխանող գործարանի կառուցման, Նուբարաշենի և Աջափնյակի գործող աղբավայրերի փակման ու սանիտարական նոր աղբավայրի կառուցման ուղղությամբ», – հայտնել են ի պատասխան Sputnik Արմենիայի հարցմանը։
Քաղաքապետարանից հավելել են, որ նոր աղբավայրը կունենա գործունեության բոլոր անհրաժեշտ ենթակառուցվածքները, ներառյալ անջրանցիկ շերտեր՝ հիմքերի մեկուսացման համար, կեղտաջրերի ջրահեռացման համակարգեր և կեղտաջրերի պահման ջրամբարներ: Հավաքված կեղտաջրերը կօգտագործվեն թափոնները ցողելու համար՝ ապահովելով թափոնների կենսաբանական տարրալուծման գործընթացում գազի շարունակական արտադրություն։
Նոր աղբավայրը ցանկապատված կլինի և կհամալրվի թափոնների կշռման կամուրջով, անիվների լվացման համակարգով և աղբի խտացման ու հարթեցման անհրաժեշտ տեխնիկայով: Բացի այդ, ծրագրերը ներառում են մուտք/ելքի, մուտքի ճանապարհի, վարչական սպասարկման շենքի, թափոնների անալիզի լաբորատորիայի և այլ ենթակառուցվածքների կառուցում:
Գործող աղբավայրերի փակումը նախատեսվում է իրականացնել ԵՄ կանոնակարգերին համապատասխան՝ նոր սանիտարական աղբավայրի կառուցումից հետո 2-3 տարվա ընթացքում՝ շրջակա միջավայրի վրա հետագա բացասական ազդեցությունը կանխելու համար: Հին աղբավայրը կծածկվի՝ գազի արտահոսքը և այրումը կանխելու համար։ Մեկուսացման վերջնական ընթացակարգերը կիրականացվեն հին աղբավայրի վերջին 20 տարում չօգտագործված հատվածներում՝ ստեղծելով բարելավված կանաչ տարածքներ։ Մնացած հատվածներում կիրականացվի ժամանակավոր մեկուսացում, վերջնական մեկուսացումն հնարավոր կլինի նստեցման դադարեցումից հետո։
Նուբարաշենի աղբավայրը գործում է 1950-ական թվականներից։ Այն գտնվում է Երևանի կենտրոնից 9-10 կմ հեռավորության վրա և զբաղեցնում է 52.3 հա տարածք։ Քաղաքապետարանի տվյալներով՝ աղբավայր օրական 1000-1200 տոննա թափոն է մտնում, ինչը տարեկան կազմում է մինչև 440 հազար տոննա։ Աղբավայրը չունի թափոնների տեսակավորման և վերամշակման համակարգ. թափոնները խտացվում և ծածկվում են հողի շերտով։ Վերամշակման ֆորմալ մեխանիզմների բացակայության պայմաններում այդ աշխատանքի մի մասն իրականացվում է ոչ ֆորմալ հավաքորդների կողմից, որոնց համար նման գործունեությունը եկամտի միակ աղբյուրն է։
Քաղաքապետարանն ընդգծում է, որ աղբավայրի փակումը և նոր աղբավայրի ստեղծումը մնում են քաղաքային իշխանությունների առաջնահերթ խնդիրների շարքում։
