https://arm.sputniknews.ru/20250729/katvoghikvosy-hmym-eritasardnerin-kvoch-e-arel-hamakhmbvel-i-shah-ardarutjan-haghtanaki-91805162.html
Կաթողիկոսը Հ․Մ․Ը․Մ․ երիտասարդներին կոչ է արել համախմբվել՝ ի շահ արդարության հաղթանակի
Կաթողիկոսը Հ․Մ․Ը․Մ․ երիտասարդներին կոչ է արել համախմբվել՝ ի շահ արդարության հաղթանակի
Sputnik Արմենիա
Գարեգին Բ-ն սփյուռքահայ երիտասարդներին ասել է, որ նրանք են ՀՀ–ի ապագայի և ազգային երազանքների կրողները, հորդորել` անխախտ պահել ազգային ինքնությունը։ 29.07.2025, Sputnik Արմենիա
2025-07-29T21:14+0400
2025-07-29T21:14+0400
2025-07-29T21:15+0400
ամենայն հայոց կաթողիկոս գարեգին բ
սկաուտներ
համահայկական խաղեր
https://cdn.am.sputniknews.ru/img/07e9/07/1d/91803858_0:0:1200:676_1920x0_80_0_0_1a8a55a56c7ea20b5bc53b19bcb21256.jpg
ԵՐԵՎԱՆ, 29 հուլիսի – Sputnik.Ամենայն հայոց կաթողիկոս Գարեգին Բ-ն Էջմիածնում օրհնել է Հայ մարմնակրթական ընդհանուր միության 12-րդ մարզախաղերի մասնակիցներին, հայտնում են Մայր աթոռի դիվանից։Վեհափառը հայրական պատգամներով ու բարեմաղթանքներով է դիմել մասնակիցներին՝ անդրադառնալով հայ ժողովրդի և հայրենիքի առջև ծառացած բազմաթիվ դժվարություններին ու մարտահրավերներին։ Նա ընդգծել է, որ արցախյան պատերազմի հետևանքով Հայաստանի անվտանգային մարտահրավերները սրվել են, իսկ ներհասարակական կյանքում խորանում են անհամերաշխությունն ու անհանդուրժողականությունը, գերակշռում են ապագայի վերաբերյալ անորոշության ու անհանգստության զգացումները։Վեհափառ հայրապետն ընդգծել է, որ մարզախաղերի մասնակիցների առաքելությունն է ամրապնդել ազգային միաբանությունը, պահպանել ու զարգացնել Հայաստան-սփյուռք կապերը։ Այս ճանապարհին նա կարևորել է հայրենաճանաչությունը, ազգային ինքնագիտակցությունը, պետականության հանդեպ նվիրվածությունն ու ազգային արժեհամակարգի պահպանումը։«Դուք եք մեր հայրենիքի ու ազգի ապագան, հայության հարատևության երաշխիքը, ինչպես նաև մեր ընդհանուր իղձերի և երազանքների իրագործման հույսը։ Ձեր այցելությունն հայրենիք կարևոր խրախուսանք է ինչպես այստեղ բնակվող մեր ժողովրդի, այնպես էլ ձեր հասակակից քույրերի ու եղբայրների համար», – հավելել է Գարեգին Բ-ն։Գարեգին Բ–ն հորդորել է անխախտ պահել ազգային ինքնությունը, հպարտանալ Հայոց պատմությամբ։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամենայն հայոց կաթողիկոս գարեգին բ, սկաուտներ, համահայկական խաղեր
ամենայն հայոց կաթողիկոս գարեգին բ, սկաուտներ, համահայկական խաղեր
Կաթողիկոսը Հ․Մ․Ը․Մ․ երիտասարդներին կոչ է արել համախմբվել՝ ի շահ արդարության հաղթանակի
21:14 29.07.2025 (Թարմացված է: 21:15 29.07.2025) Գարեգին Բ-ն սփյուռքահայ երիտասարդներին ասել է, որ նրանք են ՀՀ–ի ապագայի և ազգային երազանքների կրողները, հորդորել` անխախտ պահել ազգային ինքնությունը։
ԵՐԵՎԱՆ, 29 հուլիսի – Sputnik.Ամենայն հայոց կաթողիկոս Գարեգին Բ-ն Էջմիածնում օրհնել է Հայ մարմնակրթական ընդհանուր միության 12-րդ մարզախաղերի մասնակիցներին, հայտնում են Մայր աթոռի
դիվանից։ Վեհափառը հայրական պատգամներով ու բարեմաղթանքներով է դիմել մասնակիցներին՝ անդրադառնալով հայ ժողովրդի և հայրենիքի առջև ծառացած բազմաթիվ դժվարություններին ու մարտահրավերներին։ Նա ընդգծել է, որ արցախյան պատերազմի հետևանքով Հայաստանի անվտանգային մարտահրավերները սրվել են, իսկ ներհասարակական կյանքում խորանում են անհամերաշխությունն ու անհանդուրժողականությունը, գերակշռում են ապագայի վերաբերյալ անորոշության ու անհանգստության զգացումները։
«Հավատում ենք, որ արդարությունը պիտի հաղթի, և համախմբված ջանքերով չպիտի թույլ տանք, որ մեր կյանքում գերակա դառնան եղբայրատյացությունը, կեղծիքն ու չարագործությունները և խաթարվի ազգային միասնականությունը։ Հայրենիքի համար այս բարդագույն ժամանակաշրջանում անգամ չպետք է հուսահատվել կամ հիասթափվել։ Դուք, որ ծնվել և մեծացել եք աշխարհի տարբեր երկրներում՝ ինչպես Հայաստանում ու Արցախում, պատասխանատվություն եք կրում մեր ժողովրդի լուսավոր ապագան կերտելու համար՝ ձեր կարողություններն ի սպաս դնելով ազգի և հայրենիքի», – ասել է կաթողիկոսը։
Վեհափառ հայրապետն ընդգծել է, որ մարզախաղերի մասնակիցների առաքելությունն է ամրապնդել ազգային միաբանությունը, պահպանել ու զարգացնել Հայաստան-սփյուռք կապերը։ Այս ճանապարհին նա կարևորել է հայրենաճանաչությունը, ազգային ինքնագիտակցությունը, պետականության հանդեպ նվիրվածությունն ու ազգային արժեհամակարգի պահպանումը։
«Դուք եք մեր հայրենիքի ու ազգի ապագան, հայության հարատևության երաշխիքը, ինչպես նաև մեր ընդհանուր իղձերի և երազանքների իրագործման հույսը։ Ձեր այցելությունն հայրենիք կարևոր խրախուսանք է ինչպես այստեղ բնակվող մեր ժողովրդի, այնպես էլ ձեր հասակակից քույրերի ու եղբայրների համար», – հավելել է Գարեգին Բ-ն։
Գարեգին Բ–ն հորդորել է անխախտ պահել ազգային ինքնությունը, հպարտանալ Հայոց պատմությամբ։
