https://arm.sputniknews.ru/20250729/tailandi-zinvvorakannery-kambvojaji-18-zintsarajvoghi-en-geri-vercrel-91799784.html
Թաիլանդի զինվորականները Կամբոջայի 18 զինծառայողի են գերի վերցրել
Թաիլանդի զինվորականները Կամբոջայի 18 զինծառայողի են գերի վերցրել
Sputnik Արմենիա
Թաիլանդի ցամաքային զորքերի հրամանատարության պաշտոնական ներկայացուցիչը նշել է, որ, կամբոջացի զինվորականները ծանր սպառազինություն և ականանետեր են կիրառել... 29.07.2025, Sputnik Արմենիա
2025-07-29T18:51+0400
2025-07-29T18:51+0400
2025-07-29T18:51+0400
թաիլանդ
գերի
կամբոջա
https://cdn.am.sputniknews.ru/img/07e9/07/1d/91797869_0:21:1964:1126_1920x0_80_0_0_5e8d70881348f1e54bbeafe57e97167d.jpg
ԵՐԵՎԱՆ, 29 հուլիսի – Sputnik. Թաիլանդի ցամաքային զորքերը սահմանին տեղի ունեցած բախումից հետո գերի են վերցրել 18 կամբոջացի զինծառայողի։ Այս մասին լրագրողներին հայտնել է Թաիլանդի ցամաքային զորքերի հրամանատարության պաշտոնական ներկայացուցիչ գեներալ-մայոր Վինտհայ Սուվարին։Նրա խոսքով` Կամբոջայի զինվորականները ծանր սպառազինություն և ականանետեր են կիրառել Թաիլանդի տարածքը գնդակոծելու համար: Գեներելը նաև հայտնել է, որ ոչնչացված կամբոջական դիրքերում, բացի գերի հանձնված զինծառայողներից, եղել է ձեռքի և ազդրի շրջանում վիրավորված կամբոջացի ավագ սերժանտ, ինչպես նաև կամբոջացի զինվորականների երկու մարմին:Հիշեցնենք` Թաիլանդի և Կամբոջայի միջև հարաբերությունները վատթարացան մայիսի 28-ին սահմանի վիճելի հատվածում երկու երկրների զինծառայողների միջև տեղի ունեցած բախումից հետո, որի հետևանքով կամբոջացի զինվորական մահացավ:Թաիլանդի և Կամբոջայի սահմանին իրավիճակը կտրուկ սրվեց հուլիսի 24-ին։Այս երկրները տարածքային խնդիրները «ժառանգություն» են ստացել գաղութային Ֆրանսիական Հնդկաչինից, որի հետ սահմանազատումը Սիամի թագավորությունը (այժմ՝ Թաիլանդ) ավարտեց 1907-ին։ Սահմանի որոշ հատվածներ դժվարամատչելի լինելու պատճառով դուրս են մնացել ֆրանսիական կողմի սահմանազատման հանձնաժողովի ուշադրությունից։ Երբ 1953-ին Կամբոջան անկախացավ Ֆրանսիայից, այդ տարածքները դարձան տարածքային վեճի առարկա։Մալայզիայի վարչապետ Անվար Իբրահիմը հուլիսի 28-ին հայտնեց, որ Կուալա Լումպուրում կայացած բանակցությունների արդյունքում Թաիլանդը և Կամբոջան պայմանավորվել են հրադադար հաստատել, որն ուժի մեջ կմտնի տեղական ժամանակով կեսգիշերին:
թաիլանդ
կամբոջա
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թաիլանդ, գերի, կամբոջա
Թաիլանդի զինվորականները Կամբոջայի 18 զինծառայողի են գերի վերցրել
Թաիլանդի ցամաքային զորքերի հրամանատարության պաշտոնական ներկայացուցիչը նշել է, որ, կամբոջացի զինվորականները ծանր սպառազինություն և ականանետեր են կիրառել Թաիլանդի տարածքը գնդակոծելու համար:
ԵՐԵՎԱՆ, 29 հուլիսի – Sputnik. Թաիլանդի ցամաքային զորքերը սահմանին տեղի ունեցած բախումից հետո գերի են վերցրել 18 կամբոջացի զինծառայողի։ Այս մասին լրագրողներին հայտնել է Թաիլանդի ցամաքային զորքերի հրամանատարության պաշտոնական ներկայացուցիչ գեներալ-մայոր Վինտհայ Սուվարին։
«Սիսակետ նահանգի սահմանագոտում տեղի ունեցած բախումից հետո ցամաքային զորքերի երկրորդ ռազմական շրջանը զեկուցել է 18 կամբոջացի զինծառայողների գերեվարման մասին։ Վնասվածքներ ստացած կամբոջացի զինծառայողներին ցուցաբերվում է բուժօգնություն, գերիները պահվում են Ժնևի կոնվենցիային համապատասխան», - ասել է գեներալ Սուվարին։
Նրա խոսքով` Կամբոջայի զինվորականները ծանր սպառազինություն և ականանետեր են կիրառել Թաիլանդի տարածքը գնդակոծելու համար: Գեներելը նաև հայտնել է, որ ոչնչացված կամբոջական դիրքերում, բացի գերի հանձնված զինծառայողներից, եղել է ձեռքի և ազդրի շրջանում վիրավորված կամբոջացի ավագ սերժանտ, ինչպես նաև կամբոջացի զինվորականների երկու մարմին:
Հիշեցնենք` Թաիլանդի և Կամբոջայի միջև հարաբերությունները վատթարացան մայիսի 28-ին սահմանի վիճելի հատվածում երկու երկրների զինծառայողների միջև տեղի ունեցած բախումից հետո, որի հետևանքով կամբոջացի զինվորական մահացավ:
Թաիլանդի և Կամբոջայի սահմանին
իրավիճակը կտրուկ սրվեց հուլիսի 24-ին։
Այս երկրները տարածքային խնդիրները «ժառանգություն» են ստացել գաղութային Ֆրանսիական Հնդկաչինից, որի հետ սահմանազատումը Սիամի թագավորությունը (այժմ՝ Թաիլանդ) ավարտեց 1907-ին։ Սահմանի որոշ հատվածներ դժվարամատչելի լինելու պատճառով դուրս են մնացել ֆրանսիական կողմի սահմանազատման հանձնաժողովի ուշադրությունից։ Երբ 1953-ին Կամբոջան անկախացավ Ֆրանսիայից, այդ տարածքները դարձան տարածքային վեճի առարկա։
Մալայզիայի վարչապետ Անվար Իբրահիմը հուլիսի 28-ին
հայտնեց, որ Կուալա Լումպուրում կայացած բանակցությունների արդյունքում Թաիլանդը և Կամբոջան պայմանավորվել են հրադադար հաստատել, որն ուժի մեջ կմտնի տեղական ժամանակով կեսգիշերին:
