https://arm.sputniknews.ru/20250715/sahmanazatumic-hetvo-hajastani-taratsqic-ktrel-en-pvokhvarchapeti-meknabanutjuny--91361338.html
Սահմանազատումից հետո ՀՀ տարածքից «կտրե՞լ են»․ փոխվարչապետի գրասենյակի մեկնաբանությունը
Սահմանազատումից հետո ՀՀ տարածքից «կտրե՞լ են»․ փոխվարչապետի գրասենյակի մեկնաբանությունը
Sputnik Արմենիա
«Հանրապետություն» կուսակցության ղեկավարը սոցցանցերում գրել է, որ սահմանազատման գործընթացի ընթացքում Հայաստանի տարածքը 29 743 քառ. կմ-ից դարձել է 29 400 քառ... 15.07.2025, Sputnik Արմենիա
2025-07-15T18:50+0400
2025-07-15T18:50+0400
2025-07-15T19:05+0400
սահմանազատում
հայ-ադրբեջանական
մհեր գրիգորյան
հայաստան
https://cdn.am.sputniknews.ru/img/07e8/04/17/74893950_0:359:960:899_1920x0_80_0_0_2365d5135504f7bfa63e9d550268cbb1.jpg
ԵՐԵՎԱՆ, 15 հուլիսի - Sputnik. ՀՀ փոխվարչապետ Մհեր Գրիգորյանի գրասենյակը մեկնաբանել է «Հանրապետություն» կուսակցության ղեկավար Արամ Սարգսյանի պնդումներն այն մասին, որ սահմանազատումից հետո Հայաստանի տարածքը կրճատվել է 343 քառ.կմ-ով։Սարգսյանն այդ մասին գրել է սոցցանցերում՝ օգտատերերի հարցերին ի պատասխան։Նրա խոսքով՝ Ադրբեջանի հետ խաղաղության պայմանագրով «կամրագրվի» այդ 29 400 քառ․ կմ-ոց տարածքը։Sputnik Արմենիան պարզաբանման համար դիմել է սահմանազատման հարցերով ՀՀ պետական հանձնաժողովը գլխավորող փոխվարչապետ Մհեր Գրիգորյանի գրասենյակ։Հարցրել էինք, թե արդյոք Սարգսյանի խոսքերը համապատասխանում են իրականությանը, ինչքա՞ն է կազմում ՀՀ տարածքը ըստ 1974-1976 թթ․ (կամ սահմանազատման համար օգտագործվող) քարտեզների, ինչպես նաև խնդրել էինք հստակ նշել, թե ինչ չափի տարածք է Ադրբեջանն օկուպացրել ՀՀ տարածքից 2021-2022 թթ․։ Մեր հարցերին ուղղակի պատասխան չեն տվել։ Գրասենյակից նշել են, որ մեր բարձրացրած հարցերի վերաբերյալ արդեն իսկ պաշտոնական հայտարարություններ եղել են, և հղումներ են ուղարկել:«Նշված հարցերի վերաբերյալ հավելյալ մեկնաբանություններ այս պահին առկա չեն»,-ասում են գրասենյակից։ Ադրբեջանի հետ սահմանազատման գործընթացը փակուղում չէ․ ՀՀ փոխվարչապետԻ դեպ, հղումներից մեկը վարչապետ Նիկոլ Փաշինյանի ուղերձն է «Իրական Հայաստանի գաղափարախոսությունը» թեմայով։ «Իրական Հայաստանը Հայաստանի Հանրապետությունն է՝ միջազգայնորեն ճանաչված 29 հազար 743 քառ.կմ տարածքով»,-ասվում է առաջին նախադասության մեջ։ Մյուս երկուսը վերաբերում են Ադրբեջանի կողմից Հայաստանի 31 գյուղերի (գյուղատնտեսական և այլ հողեր) վարչական տարածքների օկուպացիայի մասին իշխանությունների հայտարարություններին։ Այս մասին մենք գրել էինք ավելի վաղ։Հիշեցնենք, որ «Հանրապետություն» կուսակցությունը Երևանի ավագանիում կոալիցիա է կազմում իշխող «Քաղաքացիական պայմանագիր» կուսակցության հետ:
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սահմանազատում, հայ-ադրբեջանական, մհեր գրիգորյան, հայաստան
սահմանազատում, հայ-ադրբեջանական, մհեր գրիգորյան, հայաստան
Սահմանազատումից հետո ՀՀ տարածքից «կտրե՞լ են»․ փոխվարչապետի գրասենյակի մեկնաբանությունը
18:50 15.07.2025 (Թարմացված է: 19:05 15.07.2025) «Հանրապետություն» կուսակցության ղեկավարը սոցցանցերում գրել է, որ սահմանազատման գործընթացի ընթացքում Հայաստանի տարածքը 29 743 քառ. կմ-ից դարձել է 29 400 քառ. կմ:
ԵՐԵՎԱՆ, 15 հուլիսի - Sputnik. ՀՀ փոխվարչապետ Մհեր Գրիգորյանի գրասենյակը մեկնաբանել է «Հանրապետություն» կուսակցության ղեկավար Արամ Սարգսյանի պնդումներն այն մասին, որ սահմանազատումից հետո Հայաստանի տարածքը կրճատվել է 343 քառ.կմ-ով։
Սարգսյանն այդ մասին գրել է սոցցանցերում՝ օգտատերերի հարցերին ի պատասխան։
«ԽՍՀՄ փլուզումից հետո Հայաստանը զբաղեցնում է 29 743 քկմ տարածք։ Սահմանազատման գործընթացի ժամանակ, ըստ ամենավերջին՝ 1974թ․-ի ճշգրիտ քարտեզների, այդ տարածքը 29 400 կմ/ք է»,-գրել է Սարգսյանը։
Նրա խոսքով՝ Ադրբեջանի հետ խաղաղության պայմանագրով «կամրագրվի» այդ 29 400 քառ․ կմ-ոց տարածքը։
Sputnik Արմենիան պարզաբանման համար դիմել է սահմանազատման հարցերով ՀՀ պետական հանձնաժողովը գլխավորող փոխվարչապետ Մհեր Գրիգորյանի գրասենյակ։
Հարցրել էինք, թե արդյոք Սարգսյանի խոսքերը համապատասխանում են իրականությանը, ինչքա՞ն է կազմում ՀՀ տարածքը ըստ 1974-1976 թթ․ (կամ սահմանազատման համար օգտագործվող) քարտեզների, ինչպես նաև խնդրել էինք հստակ նշել, թե ինչ չափի տարածք է Ադրբեջանն օկուպացրել ՀՀ տարածքից 2021-2022 թթ․։ Մեր հարցերին ուղղակի պատասխան չեն տվել։ Գրասենյակից նշել են, որ մեր բարձրացրած հարցերի վերաբերյալ արդեն իսկ պաշտոնական հայտարարություններ եղել են, և հղումներ են ուղարկել:
«Նշված հարցերի վերաբերյալ հավելյալ մեկնաբանություններ այս պահին առկա չեն»,-ասում են գրասենյակից։
Ի դեպ, հղումներից մեկը վարչապետ Նիկոլ Փաշինյանի ուղերձն է «Իրական Հայաստանի գաղափարախոսությունը» թեմայով։ «Իրական Հայաստանը Հայաստանի Հանրապետությունն է՝ միջազգայնորեն ճանաչված 29 հազար 743 քառ.կմ տարածքով»,-ասվում է առաջին նախադասության մեջ։ Մյուս երկուսը վերաբերում են Ադրբեջանի կողմից Հայաստանի 31 գյուղերի (գյուղատնտեսական և այլ հողեր) վարչական տարածքների օկուպացիայի մասին իշխանությունների հայտարարություններին։ Այս մասին մենք գրել էինք ավելի վաղ։
Հիշեցնենք, որ «Հանրապետություն» կուսակցությունը Երևանի ավագանիում կոալիցիա է կազմում իշխող «Քաղաքացիական պայմանագիր» կուսակցության հետ:
