https://arm.sputniknews.ru/20250714/anif-i-nakhkin-ghekavarin-meghadrum-en-gazajum-spanutjunnerin-meghsakcutjan-mej-91313232.html
ԱՆԻՖ-ի նախկին ղեկավարին մեղադրում են Գազայում սպանություններին մեղսակցության մեջ
ԱՆԻՖ-ի նախկին ղեկավարին մեղադրում են Գազայում սպանություններին մեղսակցության մեջ
Sputnik Արմենիա
Դավիթ Փափազյանը զբաղեցնում է սկանդալային հայտնի «Գազայի մարդասիրական հիմնադրամի» (GHF) ղեկավարի պաշտոնը, որի գործունեությունը քննադատում է նաև ՄԱԿ-ը: 14.07.2025, Sputnik Արմենիա
2025-07-14T14:56+0400
2025-07-14T14:56+0400
2025-07-14T15:00+0400
գազայի հատված
անիֆ
պաղեստին
իսրայել
https://cdn.am.sputniknews.ru/img/07e7/09/12/65996476_0:0:1600:900_1920x0_80_0_0_d48e2e789e34476f3832550c26fefbbe.jpg
ԵՐԵՎԱՆ, 14 հուլիսի – Sputnik․ Մեծ Բրիտանիայում մարդու իրավունքների արաբական կազմակերպությունը (AOHR UK) մեղադրում է ԱՆԻՖ-ի նախկին ղեկավար Դավիթ Փափազյանին Գազայում տեղի ունեցած սպանություններին մասնակցություն ունենալու համար:Կազմակերպությունը հայտնել է, որ պաշտոնական գրություն է ուղարկել Մեծ Բրիտանիայի ԱԳՆ՝ պահանջելով պատժամիջոցներ սահմանել «Գազայի հումանիտար հիմնադրամի» (GHF) մի շարք պաշտոնյաների և մասնավոր պահնորդական ընկերությունների ղեկավարների նկատմամբ, որոնք աշխատում են հիմնադրամի հետ պայմանագրով։ Գրության մեջ ընդգծվում է, որ պատժամիջոցներն անհրաժեշտ են «Գազայի հատվածում պաղեստինցիների սպանություններին և նվաստացումներին» նրանց մասնակցության համար:Նրանց թվում է Դավիթ Փափազյանը, ով GHF-ի ղեկավարներից է։AOHR UK-ն ընդգծել է, որ հիմնադրամը ստեղծվել է ԱՄՆ-ի և Իսրայելի անմիջական աջակցությամբ: Նա պնդում է, որ կան անհերքելի ապացույցներ, որ այդ անձինք ներգրավված են ծանր հանցագործություններում, որոնք դատապարտվել են ՄԱԿ-ի պաշտոնյաների, տարբեր պետությունների և կառավարությունների ղեկավարների կողմից:Ավելի վաղ ՄԱԿ-ի Մերձավոր Արևելքում Պաղեստինի փախստականների օգնության և աշխատանքների գործակալությունը մեղադրել էր Գազայի ամերիկյան մարդասիրական օգնության հիմնադրամին (GHF, որին աջակցում է Իսրայելը), որ այն վտանգում է մարդկանց կյանքը: Գործակալության գլխավոր հանձնակատար Ֆիլիպ Լազզարինին հայտարարել է, որ Իսրայելի ծրագիրը նպատակ ունի այդ տարածքից բռնի կերպով վտարել Պաղեստինյան կիսաէքսկլավի բնակիչներին:Բացի այդ, մայիսին հայտնի է դարձել, որ ՄԱԿ-ի կողմից հնչող քննադատություններին զուգահեռ Շվեյցարիայում հիմնադրամի նկատմամբ նախաքննություն է իրականացվում։Նշենք, որ Փափազյանը ԱՆԻՖ-ի ղեկավարի պաշտոնը զբաղեցրել է 2019-2024 թվականներին:Հիշեցնենք` ԱՆԻՖ հիմնադրամը ստեղծվել էր 2019 թվականին և ֆինանսավորվում էր պետական միջոցներով՝ ենթադրաբար տնտեսական բարեփոխումներին նպաստելու համար: Հիմնադրամի կառավարման համար ներգրավվել էին մասնավոր մասնագետներ, այդ թվում՝ արտերկրից։ Սակայն, ըստ ԶԼՄ-ների, միջոցների զգալի մասն ուղղվել է կասկածելի հեղինակություն և օֆշորային գրանցում ունեցող ընկերություններին` ԱՆԻՖ–ը 1,5 մլրդ դրամ (մոտ 3,8 մլն դոլար) է ներդրել CFW ընկերությունում, որի բաժնետերերը գրանցված են ԱՄՆ Դելավեր նահանգում։5 տարվա ընթացքում ԱՆԻՖ-ը միլիոններ է ծախսել սակավաթիվ նախագծերի վրա, որոնց թվում են «Masdar» ընկերության (ԱՄԷ) «Այգ-1» արևային կայանը, որի շինարարությունը հետ է մնացել համաձայնեցված ժամկետներից, «Երեմյան» ընկերության անասնապահական համալիրը, «Ֆլայ Արնա» ավիաընկերությունը (ԱՆԻՖ-ի և «Էյր Արաբիա»-ի համատեղ ձեռնարկությունը), որը փակվեց 2024 թվականի հունվարին՝ գոյատևելով շուրջ երեք տարի։
գազայի հատված
պաղեստին
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գազայի հատված, անիֆ, պաղեստին, իսրայել
գազայի հատված, անիֆ, պաղեստին, իսրայել
ԱՆԻՖ-ի նախկին ղեկավարին մեղադրում են Գազայում սպանություններին մեղսակցության մեջ
14:56 14.07.2025 (Թարմացված է: 15:00 14.07.2025) Դավիթ Փափազյանը զբաղեցնում է սկանդալային հայտնի «Գազայի մարդասիրական հիմնադրամի» (GHF) ղեկավարի պաշտոնը, որի գործունեությունը քննադատում է նաև ՄԱԿ-ը:
ԵՐԵՎԱՆ, 14 հուլիսի – Sputnik․ Մեծ Բրիտանիայում մարդու իրավունքների արաբական կազմակերպությունը (AOHR UK) մեղադրում է ԱՆԻՖ-ի նախկին ղեկավար Դավիթ Փափազյանին Գազայում տեղի ունեցած սպանություններին մասնակցություն ունենալու համար:
Կազմակերպությունը հայտնել է, որ
պաշտոնական գրություն է ուղարկել Մեծ Բրիտանիայի ԱԳՆ՝ պահանջելով պատժամիջոցներ սահմանել «Գազայի հումանիտար հիմնադրամի» (GHF) մի շարք պաշտոնյաների և մասնավոր պահնորդական ընկերությունների ղեկավարների նկատմամբ, որոնք աշխատում են հիմնադրամի հետ պայմանագրով։ Գրության մեջ ընդգծվում է, որ պատժամիջոցներն անհրաժեշտ են «Գազայի հատվածում պաղեստինցիների սպանություններին և նվաստացումներին» նրանց մասնակցության համար:
Նրանց թվում է Դավիթ Փափազյանը, ով GHF-ի ղեկավարներից է։
AOHR UK-ն ընդգծել է, որ հիմնադրամը ստեղծվել է ԱՄՆ-ի և Իսրայելի անմիջական աջակցությամբ: Նա պնդում է, որ կան անհերքելի ապացույցներ, որ այդ անձինք ներգրավված են ծանր հանցագործություններում, որոնք դատապարտվել են ՄԱԿ-ի պաշտոնյաների, տարբեր պետությունների և կառավարությունների ղեկավարների կողմից:
Հայտարարության մեջ նշվում է, որ կան ՄԱԿ-ի զեկույցներ և դեպքերի վայրերից փաստաթղթավորված վկայություններ, որոնք հաստատում են ծանր հանցագործությունների կատարումը, այսպես կոչված, բաշխիչ կետերի մոտ: Մասնավորապես, Իսրայելի անվտանգության ուժերի և անվտանգության աշխատակիցների կողմից մարտական փամփուշտներով կրակահերթեր են արձակվել սննդի համար նեղ միջանցքներում հավաքված խաղաղ բնակիչների ուղղությամբ։ Ըստ առկա տվյալների՝ դրա հետևանքով ավելի քան 600 խաղաղ բնակիչ է մահացել, ավելի քան 4000 մարդ վիրավորվել է (2025 թվականի մայիսի 27-ից ի վեր):
Ավելի վաղ ՄԱԿ-ի Մերձավոր Արևելքում Պաղեստինի փախստականների օգնության և աշխատանքների գործակալությունը մեղադրել էր Գազայի ամերիկյան մարդասիրական օգնության հիմնադրամին (GHF, որին աջակցում է Իսրայելը), որ այն վտանգում է մարդկանց կյանքը: Գործակալության գլխավոր հանձնակատար Ֆիլիպ Լազզարինին հայտարարել է, որ Իսրայելի ծրագիրը նպատակ ունի այդ տարածքից բռնի կերպով վտարել Պաղեստինյան կիսաէքսկլավի բնակիչներին:
Բացի այդ, մայիսին հայտնի է դարձել, որ ՄԱԿ-ի կողմից հնչող քննադատություններին զուգահեռ Շվեյցարիայում հիմնադրամի նկատմամբ նախաքննություն է իրականացվում։
Նշենք, որ Փափազյանը ԱՆԻՖ-ի ղեկավարի պաշտոնը զբաղեցրել է 2019-2024 թվականներին:
Հիշեցնենք` ԱՆԻՖ հիմնադրամը ստեղծվել էր 2019 թվականին և ֆինանսավորվում էր պետական միջոցներով՝ ենթադրաբար տնտեսական բարեփոխումներին նպաստելու համար: Հիմնադրամի կառավարման համար ներգրավվել էին մասնավոր մասնագետներ, այդ թվում՝ արտերկրից։ Սակայն, ըստ ԶԼՄ-ների, միջոցների զգալի մասն ուղղվել է կասկածելի հեղինակություն և օֆշորային գրանցում ունեցող ընկերություններին` ԱՆԻՖ–ը 1,5 մլրդ դրամ (մոտ 3,8 մլն դոլար) է ներդրել CFW ընկերությունում, որի բաժնետերերը գրանցված են ԱՄՆ Դելավեր նահանգում։
5 տարվա ընթացքում ԱՆԻՖ-ը միլիոններ է ծախսել սակավաթիվ նախագծերի վրա, որոնց թվում են «Masdar» ընկերության (ԱՄԷ) «Այգ-1» արևային կայանը, որի շինարարությունը հետ է մնացել համաձայնեցված ժամկետներից, «Երեմյան» ընկերության անասնապահական համալիրը, «Ֆլայ Արնա» ավիաընկերությունը (ԱՆԻՖ-ի և «Էյր Արաբիա»-ի համատեղ ձեռնարկությունը), որը փակվեց 2024 թվականի հունվարին՝ գոյատևելով շուրջ երեք տարի։
