https://arm.sputniknews.ru/20250712/qajler-en-arvum-erekhajin-khnamqi-tramadrman-arnchutjamb-mipy-aghmkaharujc-kalanqi-masin-91256798.html
Քայլեր են արվում երեխային խնամքի տրամադրման առնչությամբ. ՄԻՊ–ը` աղմկահարույց կալանքի մասին
Քայլեր են արվում երեխային խնամքի տրամադրման առնչությամբ. ՄԻՊ–ը` աղմկահարույց կալանքի մասին
Sputnik Արմենիա
Լիանա Հարությունյանի փաստաբան Զարուհի Փոստանջյանը նշել էր, որ դատական որոշումը ստանալուց հետո պատրաստվում է այն բողոքարկել։ 12.07.2025, Sputnik Արմենիա
2025-07-12T12:18+0400
2025-07-12T12:18+0400
2025-07-12T14:05+0400
կալանք
մայր
երեխա
հհ միպ
https://cdn.am.sputniknews.ru/img/07e4/09/09/24399149_0:41:3003:1730_1920x0_80_0_0_522da690293d419f3dcedd062fa5ea38.jpg
ԵՐԵՎԱՆ, 12 հուլիսի – Sputnik. ՀՀ մարդու իրավունքների պաշտպան Անահիտ Մանասյանն անդրադարձել է մանկահասակ երեխաների մորը կալանավորելու դեպքին և նշել, որ արդեն իսկ ձեռնարկվել և ձեռնարկվում են համապատասխան քայլեր երեխայի խնամքի տրամադրման հարցի առնչությամբ:Երեկ հայտնի դարձավ, որ Երևանի ընդհանուր իրավասության դատարանը՝ դատավոր Արշակ Մաթևոսյանի նախագահությամբ, դատարանի դահլիճում փոխել է անօրինական միգրացիային օժանդակելու մեջ մեղադրվող՝ 8 ամսական երեխայի մոր խափանման միջոցը ու 3 ամսով կալանավորելու որոշում կայացրել։ Երեք անչափահաս երեխաների մայրը՝ Լիանա Հարությունյանը, օտար լեզվի մասնագետ է, նրան մեղադրանք է առաջադրվել ապօրինի միգրացիային օժանդակելու համար, ինչը դրսևորվել է թարգմանություններ կատարելով։ «Հարկ ենք համարում հատուկ ընդգծել, որ «Մարդու իրավունքների պաշտպանի մասին» ՀՀ Սահմանադրական օրենքով՝ պաշտպանն իրավասու չէ միջամտելու դատական վարույթին կամ դատավորների լիազորությունների իրականացմանը կոնկրետ գործով: Այնուամենայնիվ, քաղաքացու և երեխաների իրավունքների ապահովման հետ կապված հարցերը պաշտպանի անմիջական ուշադրության ներքո են, պաշտպանի հանձնարարությամբ արդեն իսկ ձեռնարկվել և ձեռնարկվում են համապատասխան քայլեր անձանց իրավունքների երաշխավորման, այդ թվում` երեխայի խնամքի տրամադրման հարցի առնչությամբ»,–նշված է ՄԻՊ գրասենյաի հաղորդագրության մեջ:Մշտադիտարկման արդյունքում ՄԻՊ–ն արձանագրել է, որ համացանցում փաստաբանի կողմից տարածվում է երեխայի մասնակցությամբ տեսանյութ: Հայտարարության մեջ ընդգծվել է, որ երեխաների անձնական տվյալները հրապարակելիս պետք է խստորեն պահպանել անձնական տվյալները երրորդ անձանց հասանելի դարձնելու՝ միջազգային և ներպետական օրենսդրությամբ նախատեսված պահանջները։Հիշեցնենք` Լիանա Հարությունյանի փաստաբան Զարուհի Փոստանջյանը նշել էր, որ դատական որոշումը ստանալուց հետո պատրաստվում է այն բողոքարկել։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կալանք, մայր, երեխա, հհ միպ
կալանք, մայր, երեխա, հհ միպ
Քայլեր են արվում երեխային խնամքի տրամադրման առնչությամբ. ՄԻՊ–ը` աղմկահարույց կալանքի մասին
12:18 12.07.2025 (Թարմացված է: 14:05 12.07.2025) Լիանա Հարությունյանի փաստաբան Զարուհի Փոստանջյանը նշել էր, որ դատական որոշումը ստանալուց հետո պատրաստվում է այն բողոքարկել։
ԵՐԵՎԱՆ, 12 հուլիսի – Sputnik. ՀՀ մարդու իրավունքների պաշտպան Անահիտ Մանասյանն անդրադարձել է մանկահասակ երեխաների մորը կալանավորելու դեպքին և նշել, որ արդեն իսկ ձեռնարկվել և ձեռնարկվում են համապատասխան քայլեր երեխայի խնամքի տրամադրման հարցի առնչությամբ:
Երեկ հայտնի դարձավ, որ Երևանի ընդհանուր իրավասության դատարանը՝ դատավոր Արշակ Մաթևոսյանի նախագահությամբ, դատարանի դահլիճում փոխել է անօրինական միգրացիային օժանդակելու մեջ մեղադրվող՝ 8 ամսական երեխայի մոր խափանման միջոցը ու 3 ամսով կալանավորելու որոշում կայացրել։ Երեք անչափահաս երեխաների մայրը՝ Լիանա Հարությունյանը, օտար լեզվի մասնագետ է, նրան մեղադրանք է առաջադրվել ապօրինի միգրացիային օժանդակելու համար, ինչը դրսևորվել է թարգմանություններ կատարելով։
Գործով կան նաև երկու այլ մեղադրյալներ, ովքեր, ըստ քննության, ներգրավված են եղել միգրանտների տեղափոխման կազմակերպման մեջ։ նրանց նկատմամբ կիրառվել է երկրից չհեռանալու մասին ստորագրություն։ Երեկվա տվյալներով ոչ մի հստակություն չկար՝ թույլ կտան երեխային մոր մոտ մնալ, թե կհանձնեն խնամքի։
«Հարկ ենք համարում հատուկ ընդգծել, որ «Մարդու իրավունքների պաշտպանի մասին» ՀՀ Սահմանադրական օրենքով՝ պաշտպանն իրավասու չէ միջամտելու դատական վարույթին կամ դատավորների լիազորությունների իրականացմանը կոնկրետ գործով: Այնուամենայնիվ, քաղաքացու և երեխաների իրավունքների ապահովման հետ կապված հարցերը պաշտպանի անմիջական ուշադրության ներքո են, պաշտպանի հանձնարարությամբ արդեն իսկ ձեռնարկվել և ձեռնարկվում են համապատասխան քայլեր անձանց իրավունքների երաշխավորման, այդ թվում` երեխայի խնամքի տրամադրման հարցի առնչությամբ»,–նշված է ՄԻՊ գրասենյաի հաղորդագրության մեջ:
Մշտադիտարկման արդյունքում ՄԻՊ–ն արձանագրել է, որ համացանցում փաստաբանի կողմից տարածվում է երեխայի մասնակցությամբ տեսանյութ: Հայտարարության մեջ ընդգծվել է, որ երեխաների անձնական տվյալները հրապարակելիս պետք է խստորեն պահպանել անձնական տվյալները երրորդ անձանց հասանելի դարձնելու՝ միջազգային և ներպետական օրենսդրությամբ նախատեսված պահանջները։
Հիշեցնենք` Լիանա Հարությունյանի փաստաբան Զարուհի Փոստանջյանը նշել էր, որ դատական որոշումը ստանալուց հետո պատրաստվում է այն բողոքարկել։
