https://arm.sputniknews.ru/20250703/vorn-e-heci-u-beci-tarberutjuny-hamarvot-aknark-90885422.html
Ո՞րն է ՀԷՑ–ի ու ԲԷՑ–ի տարբերությունը. համառոտ ակնարկ
Ո՞րն է ՀԷՑ–ի ու ԲԷՑ–ի տարբերությունը. համառոտ ակնարկ
Sputnik Արմենիա
Ցանցը ունի երկու բաղկացուցիչ՝ բարձրավոլտ և բաշխիչ ցանցեր, որոնք բնակչությանը մատակարարում են էլեկտրաէներգիա։ Խափանումներ կարող են տեղի ունենալ և՛ մեկում, և՛... 03.07.2025, Sputnik Արմենիա
2025-07-03T09:03+0400
2025-07-03T09:03+0400
2025-07-03T09:04+0400
հայաստանի էլեկտրական ցանցեր (հէց)
բարձրավոլտ էլեկտրացանցեր (բէց)
ազգայնացում / պետականացում
պետականացում
հայաստան
https://cdn.am.sputniknews.ru/img/1127/97/11279763_0:0:1600:901_1920x0_80_0_0_33692256e53fe137f84d6b9201371210.jpg
ԵՐԵՎԱՆ, 3 հուլիսի - Sputnik. Վերջին շաբաթներին հասկանալի պատճառներով մեծացել է հանրային ուշադրությունը «Հայաստանի էլեկտրական ցանցերի» (ՀԷՑ) նկատմամբ։ Օգտվելով առիթից՝ փորձենք նկարագրել, թե ինչպես է էլեկտրաէներգիան հասնում մեր տներ։ԱմենակարևորըՀայաստանի էլեկտրական ցանցերը (ինչպես նաև այլ երկրներինը) բաժանվում են բարձր և ցածր լարման ցանցերի։ Պարզ ասած` այս բաժանման պատճառը հետևյալն է. խոշոր կայանները արտադրում են շատ բարձր լարման էլեկտրաէներգիա, որը չի կարող անմիջապես մուտք գործել մեր տներ կամ նույնիսկ ենթակայաններ: Դրա համար էլ գոյություն ունի բարձրավոլտ ցանց, որը գործում է 220 կիլովոլտ և ավելի բարձր (առանձին դեպքերում՝ 110 կՎ) գծերով և ենթակայաններով։ Այս ցանցը փոխանցող է, այնտեղից էներգիան մտնում է բաշխիչ ցանց (110 կՎ և ցածր), որը և էլեկտրաէներգիան հասցնում է վերջնական սպառողներին։«Մեզ հետ առնչություն չունի». «Բարձրավոլտ էլեկտրացանցերը»` հոսանքազրկումների մասինՀայաստանի «Բարձրավոլտ էլեկտրացանցեր» ՓԲԸ-ն (ԲԷՑ) պատկանում է կառավարությանը, իսկ «Հայաստանի էլեկտրացանցերը»՝ «Տաշիր» ընկերությունների խմբին (սեփականատեր Սամվել Կարապետյանն այժմ կալանքի տակ է): Իհարկե, ով էլ տնօրինի այդ ցանցերը, պետք է շահագործի էլեկտրաէներգիայի մատակարարման և օգտագործման կանոններով։ Դրանց համաձայն նախատեսված է առանձին անջատումների տևողության թույլատրելի սահման և սպառողների մոտ անջատումների հաճախականություն։ Մասնավորապես, 2025 թվականին առանձին անջատումների տևողության թույլատրելի սահմանը քաղաքներում կրճատվել է 4-ից մինչև 3 ժամ, իսկ գյուղական վայրերում՝ 8-ից մինչև 6 ժամ։ Սահմանափակումներ կան նաև անջատումների հաճախականության վրա (քաղաքներում՝ ամսական ոչ ավելի, քան 10, և գյուղերում՝ ոչ ավելի, քան 15): Երկու դեպքում էլ այդ ցուցանիշները գերազանցելիս ՀԷՑ-ը տուգանք է վճարում։Կարևոր էՀԷՑ-ը էլեկտրաէներգիայի հետ կապված բոլոր հարցերի «մեկ պատուհանն» է: Բնակիչը չպետք է զբաղվի այն հարցով, թե ում մեղքով է տեղի ունեցել անջատումը. նրա համար կարևոր է փոխհատուցում ստանալ, եթե վնաս է կրել։ Եթե խափանումների մեղավորը հենց ՀԷՑ-ն է, դրանով էլ հարցը փակվում է, բայց եթե խափանումը եղել է ԲԷՑ-ում կամ սխալ է թույլ տվել դիսպետչերական կենտրոնը («Էլեկտրաէներգետիկ համակարգի օպերատոր» ձեռնարկությունը, որը նույնպես պետական է), ապա ՀԷՑ-ը այդ կառույցից պահանջում է փոխհատուցել այն տուգանքները, որոնք վճարել է բնակիչներին։Իհարկե, ոչ ոք չի կարող ի սկզբանե հայտարարել, թե յուրաքանչյուր կոնկրետ դեպքում ով է մեղավոր։ Ոչ ոք չի կարող 100%-ով մեղավոր լինել։ Այս ամենը արտացոլվում է էլեկտրաէներգիայի անջատումների և դրանց պատճառների մասին զեկույցներում:Այդ եռամսյակային և տարեկան զեկույցները կազմում է ՀԷՑ-ը, հրապարակում Հանրային ծառայությունները կարգավորող հանձնաժողովը (հանրապետության էներգետիկ ոլորտի պետական կարգավորողը)։ԲԷՑ–ը «չորով» չի հայտարարում. ՀԷՑ–ի ղեկավարը` հայտնի հոսանքազրկման իրական մեղավորի մասինՕրինակ՝ 2024 թվականին մեկ սպառողին բաժին է ընկել միջինը 14 ժամ 28 րոպե անջատում (անջատումների թույլատրելի ընդհանուր տևողությունը չպետք է գերազանցի՝ քաղաքներում՝ տարեկան 24 ժամը և գյուղերում՝ 72 ժամը), որից ԲԷՑ-ի բաժինը կազմել է ընդամենը 33 րոպե։Թվերը բավական շատ են, այս անգամ շատ չենք խորանա դրանց մեջ, դա առանձին ուսումնասիրության թեմա է (այնտեղ էլ իրենց խնդիրները կան): Բայց կարելի է ասել հետևյալը. բոլոր այս հարցերը ավելի լավ է քննարկել երկխոսության մթնոլորտում, քան ամեն ինչում մեղադրել որևէ կողմի։
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստանի էլեկտրական ցանցեր (հէց), բարձրավոլտ էլեկտրացանցեր (բէց), ազգայնացում / պետականացում, պետականացում, հայաստան
հայաստանի էլեկտրական ցանցեր (հէց), բարձրավոլտ էլեկտրացանցեր (բէց), ազգայնացում / պետականացում, պետականացում, հայաստան
Ո՞րն է ՀԷՑ–ի ու ԲԷՑ–ի տարբերությունը. համառոտ ակնարկ
09:03 03.07.2025 (Թարմացված է: 09:04 03.07.2025) Ցանցը ունի երկու բաղկացուցիչ՝ բարձրավոլտ և բաշխիչ ցանցեր, որոնք բնակչությանը մատակարարում են էլեկտրաէներգիա։ Խափանումներ կարող են տեղի ունենալ և՛ մեկում, և՛ մյուսում. կարևոր է դրանք ուսումնասիրել աշխատանքային միջավայրում՝ առանց փոխադարձ մեղադրանքների:
ԵՐԵՎԱՆ, 3 հուլիսի - Sputnik. Վերջին շաբաթներին հասկանալի պատճառներով մեծացել է հանրային ուշադրությունը «Հայաստանի էլեկտրական ցանցերի» (ՀԷՑ) նկատմամբ։ Օգտվելով առիթից՝ փորձենք նկարագրել, թե ինչպես է էլեկտրաէներգիան հասնում մեր տներ։
Հայաստանի էլեկտրական ցանցերը (ինչպես նաև այլ երկրներինը) բաժանվում են բարձր և ցածր լարման ցանցերի։ Պարզ ասած` այս բաժանման պատճառը հետևյալն է. խոշոր կայանները արտադրում են շատ բարձր լարման էլեկտրաէներգիա, որը չի կարող անմիջապես մուտք գործել մեր տներ կամ նույնիսկ ենթակայաններ: Դրա համար էլ գոյություն ունի բարձրավոլտ ցանց, որը գործում է 220 կիլովոլտ և ավելի բարձր (առանձին դեպքերում՝ 110 կՎ) գծերով և ենթակայաններով։ Այս ցանցը փոխանցող է, այնտեղից էներգիան մտնում է բաշխիչ ցանց (110 կՎ և ցածր), որը և էլեկտրաէներգիան հասցնում է վերջնական սպառողներին։
Հայաստանի «Բարձրավոլտ էլեկտրացանցեր» ՓԲԸ-ն (ԲԷՑ) պատկանում է կառավարությանը, իսկ «Հայաստանի էլեկտրացանցերը»՝ «Տաշիր» ընկերությունների խմբին (սեփականատեր Սամվել Կարապետյանն այժմ կալանքի տակ է): Իհարկե, ով էլ տնօրինի այդ ցանցերը, պետք է շահագործի էլեկտրաէներգիայի մատակարարման և օգտագործման կանոններով։ Դրանց համաձայն նախատեսված է առանձին անջատումների տևողության թույլատրելի սահման և սպառողների մոտ անջատումների հաճախականություն։ Մասնավորապես, 2025 թվականին առանձին անջատումների տևողության թույլատրելի սահմանը քաղաքներում կրճատվել է 4-ից մինչև 3 ժամ, իսկ գյուղական վայրերում՝ 8-ից մինչև 6 ժամ։ Սահմանափակումներ կան նաև անջատումների հաճախականության վրա (քաղաքներում՝ ամսական ոչ ավելի, քան 10, և գյուղերում՝ ոչ ավելի, քան 15): Երկու դեպքում էլ այդ ցուցանիշները գերազանցելիս ՀԷՑ-ը տուգանք է վճարում։
ՀԷՑ-ը էլեկտրաէներգիայի հետ կապված բոլոր հարցերի «մեկ պատուհանն» է: Բնակիչը չպետք է զբաղվի այն հարցով, թե ում մեղքով է տեղի ունեցել անջատումը. նրա համար կարևոր է փոխհատուցում ստանալ, եթե վնաս է կրել։ Եթե խափանումների մեղավորը հենց ՀԷՑ-ն է, դրանով էլ հարցը փակվում է, բայց եթե խափանումը եղել է ԲԷՑ-ում կամ սխալ է թույլ տվել դիսպետչերական կենտրոնը («Էլեկտրաէներգետիկ համակարգի օպերատոր» ձեռնարկությունը, որը նույնպես պետական է), ապա ՀԷՑ-ը այդ կառույցից պահանջում է փոխհատուցել այն տուգանքները, որոնք վճարել է բնակիչներին։
Իհարկե, ոչ ոք չի կարող ի սկզբանե հայտարարել, թե յուրաքանչյուր կոնկրետ դեպքում ով է մեղավոր։ Ոչ ոք չի կարող 100%-ով մեղավոր լինել։ Այս ամենը արտացոլվում է էլեկտրաէներգիայի անջատումների և դրանց պատճառների մասին զեկույցներում:
Այդ եռամսյակային և տարեկան զեկույցները կազմում է ՀԷՑ-ը, հրապարակում Հանրային ծառայությունները կարգավորող հանձնաժողովը (հանրապետության էներգետիկ ոլորտի պետական կարգավորողը)։
Օրինակ՝ 2024 թվականին մեկ սպառողին բաժին է ընկել միջինը 14 ժամ 28 րոպե անջատում (անջատումների թույլատրելի ընդհանուր տևողությունը չպետք է գերազանցի՝ քաղաքներում՝ տարեկան 24 ժամը և գյուղերում՝ 72 ժամը), որից ԲԷՑ-ի բաժինը կազմել է ընդամենը 33 րոպե։
Թվերը բավական շատ են, այս անգամ շատ չենք խորանա դրանց մեջ, դա առանձին ուսումնասիրության թեմա է (այնտեղ էլ իրենց խնդիրները կան): Բայց կարելի է ասել հետևյալը. բոլոր այս հարցերը ավելի լավ է քննարկել երկխոսության մթնոլորտում, քան ամեն ինչում մեղադրել որևէ կողմի։
