https://arm.sputniknews.ru/20250702/mijvocnern-ajl-nkatarumneric-elnelvov-en-dzernarkvel-zakharvovan-sputnik-adrbejani-masin-90865647.html
Միջոցներն այլ նկատառումներից ելնելով են ձեռնարկվել. Զախարովան` Sputnik Ադրբեջանի մասին
Միջոցներն այլ նկատառումներից ելնելով են ձեռնարկվել. Զախարովան` Sputnik Ադրբեջանի մասին
Sputnik Արմենիա
Մեկնաբանելով ՌԴ ԱԳՆ Ադրբեջանի դեսպան Ռահման Մուստաֆաևի կանչը, Զախարովան նշել է, որ դա «պարզապես թղթի կտորի հանձնում կամ մի քանի արտահայտություն չէր»։ 02.07.2025, Sputnik Արմենիա
2025-07-02T11:28+0400
2025-07-02T11:28+0400
2025-07-02T11:59+0400
մարիա զախարովա
բաքու
sputnik
ադրբեջան
ռուսաստան
https://cdn.am.sputniknews.ru/img/07e9/07/02/90868876_0:0:1280:720_1920x0_80_0_0_7561c48944fa8bfdde509d016e6c80d6.jpg
ԵՐԵՎԱՆ, 2 հուլիսի – Sputnik. Sputnik Ադրբեջանի վերաբերյալ Բաքվի ձեռնարկած միջոցառումները կապված են ոչ թե իրենց աշխատանքի հետ, այլ արվել են այլ նկատառումներից ելնելով։ Այս մասին Sputnik ռադիոկայանի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։«Ուզում եմ ուշադրություն հրավիրել այն փաստի վրա, որ բոլոր այս տարիների ընթացքում այս լրատվամիջոցը գործել է, դրա աշխատակիցների մեծ մասը Ադրբեջանի քաղաքացիներ էին, այնտեղ կային նաև Ռուսաստանի քաղաքացիներ։ Ադրբեջանական կողմը երբեք որևէ բողոք չի ունեցել այս լրատվամիջոցի վերաբերյալ՝ ո՛չ ձևի, ո՛չ էլ բովանդակության առումով։ Ես չեմ լսել, որ Բաքվից որևէ բողոք լինի, և այս փուլում լրագրողների վերաբերյալ բողոքներ չեն եղել... Ակնհայտ է, որ սրանք միջոցառումներ են, որոնք ձեռնարկվում են այլ նկատառումներից ելնելով, և կրկին, այդ մասին երեկ հայտարարվել է դեսպանին», – ասել է նա։Մեկնաբանելով ՌԴ ԱԳՆ Ադրբեջանի դեսպան Ռահման Մուստաֆաևին ԱԳՆ կանչելը, Զախարովան նշել է, որ դա «պարզապես թղթի կտորի հանձնում կամ մի քանի արտահայտություն չէր, այլ զրույց էր»։Ավելի վաղ Ադրբեջանի ԱԳՆ-ն հայտարարել էր «Ռոսիա սեգոդնյա»-ի (Sputnik) ներկայացուցչության փակման մասին: Ռուսական ընկերությանը թույլատրվել է հավատարմագրում ստանալ միայն մեկ թղթակցի համար։ Դրանից հետո բանակցություններ էին ընթանում իրավական հարցերի շուրջ՝ Sputnik-ի մասնաճյուղի աշխատանքի հետ կապված իրավիճակը կարգավորելու համար։Սակայն Եկատերինբուրգում սպանությունների և մահափորձերի պատճառով ադրբեջանական սփյուռքի ներկայացուցիչների զանգվածային ձերբակալության պատճառով Ռուսաստանի և Ադրբեջանի հարաբերությունների սրման ֆոնին հունիսի 30-ին Sputnik Ադրբեջանի գրասենյակում խուզարկություն են իրականացրել։ ՆԳՆ-ն դա անվանել է «հատուկ գործողություն»։Արդյունքում ձերբակալվել է 7 մարդ, այդ թվում՝ Sputnik Ադրբեջանի խմբագրության ղեկավար Իգոր Կարտավիխը և գլխավոր խմբագիր Եվգենի Բելոուսովը։ Ավելի ուշ նրանք 4 ամսով կալանավորվեցին։Նշվում է, որ քրեական գործ է հարուցվել Ադրբեջանի ՔՕ-ի «Խարդախության, ապօրինի ձեռնարկատիրության և հանցավոր ճանապարհով ստացված գույքի օրինականացման մասին» հոդվածներով:«Ռոսիա սեգոդնյա» մեդիախումբը պահանջել է անհապաղ ազատ արձակել լրագրողներին: ՌԴ ԱԳՆ-ն կանչել է Ռուսաստանում Ադրբեջանի դեսպան Ռահման Մուստաֆաևին, բողոք է հայտնել նրան և նոտա է փոխանցել Բաքվի ոչ բարեկամական գործողությունների կապակցությամբ:
բաքու
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մարիա զախարովա, բաքու, sputnik, ադրբեջան, ռուսաստան, видео
մարիա զախարովա, բաքու, sputnik, ադրբեջան, ռուսաստան, видео
Միջոցներն այլ նկատառումներից ելնելով են ձեռնարկվել. Զախարովան` Sputnik Ադրբեջանի մասին
11:28 02.07.2025 (Թարմացված է: 11:59 02.07.2025) Մեկնաբանելով ՌԴ ԱԳՆ Ադրբեջանի դեսպան Ռահման Մուստաֆաևի կանչը, Զախարովան նշել է, որ դա «պարզապես թղթի կտորի հանձնում կամ մի քանի արտահայտություն չէր»։
ԵՐԵՎԱՆ, 2 հուլիսի – Sputnik. Sputnik Ադրբեջանի վերաբերյալ Բաքվի ձեռնարկած միջոցառումները կապված են ոչ թե իրենց աշխատանքի հետ, այլ արվել են այլ նկատառումներից ելնելով։ Այս մասին Sputnik ռադիոկայանի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ուզում եմ ուշադրություն հրավիրել այն փաստի վրա, որ բոլոր այս տարիների ընթացքում այս լրատվամիջոցը գործել է, դրա աշխատակիցների մեծ մասը Ադրբեջանի քաղաքացիներ էին, այնտեղ կային նաև Ռուսաստանի քաղաքացիներ։ Ադրբեջանական կողմը երբեք որևէ բողոք չի ունեցել այս լրատվամիջոցի վերաբերյալ՝ ո՛չ ձևի, ո՛չ էլ բովանդակության առումով։ Ես չեմ լսել, որ Բաքվից որևէ բողոք լինի, և այս փուլում լրագրողների վերաբերյալ բողոքներ չեն եղել... Ակնհայտ է, որ սրանք միջոցառումներ են, որոնք ձեռնարկվում են այլ նկատառումներից ելնելով, և կրկին, այդ մասին երեկ հայտարարվել է դեսպանին», – ասել է նա։
Մեկնաբանելով ՌԴ ԱԳՆ Ադրբեջանի դեսպան Ռահման Մուստաֆաևին ԱԳՆ կանչելը, Զախարովան նշել է, որ դա «պարզապես թղթի կտորի հանձնում կամ մի քանի արտահայտություն չէր, այլ զրույց էր»։
«Դա երկու կողմերի կողմից բարձրաձայնված խնդիրների քննարկում էր։ Հետևաբար, սա պարզապես արձանագրում չէր։ Ակնհայտ է, որ մի շարք ասպեկտներ կամ պահեր, որոնք մենք այժմ դիտարկում ենք, մեղմ ասած, չեն նպաստում երկկողմ հարաբերություններին, այլ միայն վատթարացնում են դրանք։ Այս ամենի մասին հայտարարվել է դեսպանին», – հավելել է նա։
Ավելի վաղ Ադրբեջանի ԱԳՆ-ն հայտարարել էր «Ռոսիա սեգոդնյա»-ի (Sputnik) ներկայացուցչության փակման մասին: Ռուսական ընկերությանը թույլատրվել է հավատարմագրում ստանալ միայն մեկ թղթակցի համար։ Դրանից հետո բանակցություններ էին ընթանում իրավական հարցերի շուրջ՝ Sputnik-ի մասնաճյուղի աշխատանքի հետ կապված իրավիճակը կարգավորելու համար։
Սակայն Եկատերինբուրգում սպանությունների և մահափորձերի պատճառով ադրբեջանական սփյուռքի ներկայացուցիչների զանգվածային ձերբակալության պատճառով Ռուսաստանի և Ադրբեջանի հարաբերությունների սրման ֆոնին հունիսի 30-ին Sputnik Ադրբեջանի գրասենյակում խուզարկություն են իրականացրել։ ՆԳՆ-ն դա անվանել է
«հատուկ գործողություն»։Արդյունքում ձերբակալվել է 7 մարդ, այդ թվում՝ Sputnik Ադրբեջանի խմբագրության ղեկավար
Իգոր Կարտավիխը և գլխավոր խմբագիր Եվգենի Բելոուսովը։ Ավելի ուշ նրանք 4 ամսով
կալանավորվեցին։
Նշվում է, որ քրեական գործ է հարուցվել Ադրբեջանի ՔՕ-ի «Խարդախության, ապօրինի ձեռնարկատիրության և հանցավոր ճանապարհով ստացված գույքի օրինականացման մասին» հոդվածներով:
«Ռոսիա սեգոդնյա» մեդիախումբը պահանջել է անհապաղ ազատ արձակել լրագրողներին: ՌԴ ԱԳՆ-ն կանչել է Ռուսաստանում Ադրբեջանի դեսպան Ռահման Մուստաֆաևին, բողոք է հայտնել նրան և
նոտա է փոխանցել Բաքվի ոչ բարեկամական գործողությունների կապակցությամբ:
