https://arm.sputniknews.ru/20250702/ajapahjani-pashtpannery-qreakan-hetapndman-dadarecman-masin-mijnvordutjun-en-nerkajacrel-90892105.html
Աջապահյանի պաշտպանները քրեական հետապնդման դադարեցման մասին միջնորդություն են ներկայացրել
Աջապահյանի պաշտպանները քրեական հետապնդման դադարեցման մասին միջնորդություն են ներկայացրել
Sputnik Արմենիա
Շիրակի թեմի առաջնորդը 2 ամսով կալանավորվեց հունիսի 28–ին։ 02.07.2025, Sputnik Արմենիա
2025-07-02T21:00+0400
2025-07-02T21:00+0400
2025-07-02T21:02+0400
շիրակի թեմի առաջնորդարան
միքայել արքեպիսկոպոս աջապահյան
փաստաբան
հհ դատախազություն
քրեական գործ
https://cdn.am.sputniknews.ru/img/07e8/05/0c/75625500_0:0:1600:901_1920x0_80_0_0_abc361d80ca574d91e7d28bfc36c0b0a.jpg
ԵՐԵՎԱՆ, 2 հուլիսի – Sputnik․ Շիրակի թեմի առաջնորդ Միքայել արքեպիսկոպոս Աջապահյանի պաշտպանները ՀՀ գլխավոր դատախազության պետական իշխանության դեմ ուղղված հանցագործությունների գործերով վարչության դատախազին միջնորդություն են ներկայացրել՝ դադարեցնելու քրեական հետապնդումը: Այդ մասին պաշտպանական կողմն այսօր հայտարարություն է տարածել։Պաշտպանները, մասնավորապես, նշել են, որ սրբազանին մեղսագրված արարքը չի պարունակում հանցակազմի հատկանիշներ, ուստի քրեական հետապնդումը ենթակա է դադարեցման:Հայտարարության մեջ ասվում է, որ հանրային իշխանության մարմինները և պաշտոնատար անձինք պարտավոր են հանդուրժել իրենց հասցեին արված ավելի սուր քննադատություն, քան այն, որը թույլատրելի է մասնավոր անձանց հասցեին: Մյուս կողմից, այդ քննադատությունը չի կարող վերածվել բռնության կոչերի, որն անհամատեղելի է խոսքի ազատության իրավունքի հետ:Փաստաբանական թիմի պնդմամբ` հանցակազմի առկայության համար էական է, որ բռնության կոչերը հրապարակային բնույթ կրեն, այսինքն` լինեն բացահայտ և ընկալելի, ուղղված մարդկանց լայն շրջանակի` նրանց դրդելով բռնության կիրառման: Մինչդեռ Աջապահյանի հարցազրույցներում նման բան չկա։Հիշեցնենք նաև` հուլիսի 1–ին սրբազանի պաշտպանական թիմը մեկ այլ հայտարարություն էր տարածել` նշելով, որ Աջապահյանի վերաբերյալ քրեական վարույթով իրավապահ մարմինների իրավական փաստարկները ոչ միայն անհիմն են, այլև հակասական:Շիրակի թեմի առաջնորդ Միքայել արքեպիսկոպոս Աջապահյանի նկատմամբ էլ քրեական գործ հարուցվեց իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։ Նա հունիսի 28–ին 2 ամսով կալանավորվեց։Սրբազանների խուցը դատարկ չի մնալու. Աղվան Վարդանյանը զգուշացրեց ՔՊ–ականներին
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
շիրակի թեմի առաջնորդարան, միքայել արքեպիսկոպոս աջապահյան, փաստաբան, հհ դատախազություն, քրեական գործ
շիրակի թեմի առաջնորդարան, միքայել արքեպիսկոպոս աջապահյան, փաստաբան, հհ դատախազություն, քրեական գործ
Աջապահյանի պաշտպանները քրեական հետապնդման դադարեցման մասին միջնորդություն են ներկայացրել
21:00 02.07.2025 (Թարմացված է: 21:02 02.07.2025) Շիրակի թեմի առաջնորդը 2 ամսով կալանավորվեց հունիսի 28–ին։
ԵՐԵՎԱՆ, 2 հուլիսի – Sputnik․ Շիրակի թեմի առաջնորդ Միքայել արքեպիսկոպոս Աջապահյանի պաշտպանները ՀՀ գլխավոր դատախազության պետական իշխանության դեմ ուղղված հանցագործությունների գործերով վարչության դատախազին միջնորդություն են ներկայացրել՝ դադարեցնելու քրեական հետապնդումը: Այդ մասին պաշտպանական կողմն այսօր հայտարարություն է տարածել։
Պաշտպանները, մասնավորապես, նշել են, որ սրբազանին մեղսագրված արարքը չի պարունակում հանցակազմի հատկանիշներ, ուստի քրեական հետապնդումը ենթակա է դադարեցման:
«Քննարկվող հանցակազմի իմաստով բռնության կոչեր չեն կարող համարվել իշխանության քննադատությունը, իշխանությունների հրաժարականի անհրաժեշտության հիմնավորումը, հրաժարականի պահանջը, ցույցեր, երթեր, հանրահավաքներ անցկացնելու կոչը կամ կազմակերպումը, փոխաբերական իմաստով արված արտահայտությունները»,– նշել են փաստաբանները` հիշեցնելով ՀՀ Սահմանադրական դատարանի որոշումները:
Հայտարարության մեջ ասվում է, որ հանրային իշխանության մարմինները և պաշտոնատար անձինք պարտավոր են հանդուրժել իրենց հասցեին արված ավելի սուր քննադատություն, քան այն, որը թույլատրելի է մասնավոր անձանց հասցեին: Մյուս կողմից, այդ քննադատությունը չի կարող վերածվել բռնության կոչերի, որն անհամատեղելի է խոսքի ազատության իրավունքի հետ:
Փաստաբանական թիմի պնդմամբ` հանցակազմի առկայության համար էական է, որ բռնության կոչերը հրապարակային բնույթ կրեն, այսինքն` լինեն բացահայտ և ընկալելի, ուղղված մարդկանց լայն շրջանակի` նրանց դրդելով բռնության կիրառման: Մինչդեռ Աջապահյանի հարցազրույցներում նման բան չկա։
Հիշեցնենք նաև` հուլիսի 1–ին սրբազանի պաշտպանական թիմը մեկ այլ
հայտարարություն էր տարածել` նշելով, որ Աջապահյանի վերաբերյալ քրեական վարույթով իրավապահ մարմինների իրավական փաստարկները ոչ միայն անհիմն են, այլև հակասական:
Շիրակի թեմի առաջնորդ Միքայել արքեպիսկոպոս Աջապահյանի նկատմամբ էլ
քրեական գործ հարուցվեց իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։ Նա հունիսի 28–ին
2 ամսով կալանավորվեց։
