https://arm.sputniknews.ru/20250621/mer-yntaniqy-lurj-pvordzutjan-mijvov-e-ancnum-samvel-karapetjani-dster-grarumy-90457930.html
Մեր ընտանիքը լուրջ փորձության միջով է անցնում. Սամվել Կարապետյանի դստեր գրառումը
Մեր ընտանիքը լուրջ փորձության միջով է անցնում. Սամվել Կարապետյանի դստեր գրառումը
Sputnik Արմենիա
Տաթևիկ Կարապետյանը գրել է, որ հայրն իրենց միշտ սովորեցրել է սիրել հայրենիքը և հիշեցրել է սեփական արմատների մասին։ 21.06.2025, Sputnik Արմենիա
2025-06-21T17:10+0400
2025-06-21T17:10+0400
2025-06-21T17:10+0400
սամվել կարապետյան
տաթևիկ կարապետյան
գրառում
ինստագրամ
կալանք
հայ առաքելական եկեղեցի
https://cdn.am.sputniknews.ru/img/07e9/06/15/90457283_0:0:1600:900_1920x0_80_0_0_1556d1fff4356261e717160ac1aa824b.jpg
ԵՐԵՎԱՆ, 21 հունիսի – Sputnik. Մեր ընտանիքը լուրջ փորձության միջով է անցնում, սակայն դժվարություններն ավելի ուժեղ ու ամուր կդարձնեն մեզ։ Սամվել Կարապետյանի դուստրը` Տաթևիկը, հոր կալանավորումից հետո նման գրառում է արել «Ինստագրամի» իր էջում` կից հրապարակելով լուսանկար, որտեղ ինքն ու հայրն են` շատ տարիներ առաջ։«Նա միշտ հիշեցնում էր մեզ, թե ով ենք մենք, որտեղից ենք, և ինչ արժանապատվությամբ ու սիրով պետք է կրենք հայի մեր ազգային պատկանելությունը։ Հայրենի հողի հանդեպ այդ սերը մեզ համար դարձել է ոչ միայն դաստիարակության մի մաս, այլ մեր ներքին մշակույթի առանցքը: Ես հպարտ եմ ոչ միայն նրա ձեռքբերումներով, այլև նրանով, որ նա կարողացել է փոխանցել մեզ հայրենիքի հետ կենդանի կապի զգացումը ողջ կյանքի համար»,– գրել է Կարապետյանը։Նրա խոսքով՝ ընտանիքը, որտեղ ինքը մեծացել է, ոչ միայն ընտանեկան կապերն են, այլև ամենօրյա աշխատանքը, փոխադարձ աջակցությունը և գիտակցված հավատարմությունը սեփական արմատներին:Հիշեցնենք` Սամվել Կարապետյանի տանը հունիսի 17-ին խուզարկություն իրականացվեց այն բանից հետո, երբ նա հրապարակավ աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա:Նրա հայտարարությունից հետո ՀՀ վարչապետ Նիկոլ Փաշինյանը գործարարին ուղղված վիրավորական և սպառնալի գրառումներ արեց սոցցանցերում։Ավելի ուշ ՔԿ–ն հայտնեց, որ 422-րդ հոդվածի 2-րդ մասով նախաձեռնվել է քրեական վարույթ այն կապակցությամբ, որ Սամվել Կարապետյանը զանգվածային լրատվության միջոցով հարցազրույց տալու ընթացքում հնչեցրել է իշխանությունը զավթելուն՝ ՀՀ սահմանադրությամբ չնախատեսված եղանակով ՀՀ կառավարության լիազորություններին տիրանալուն ուղղված հրապարակային կոչ:Հունիսի 18-ին Սամվել Կարապետյանը 2 ամսով կալանավորվեց ու տեղափոխվեց «Արմավիր» ՔԿՀ, որտեղ պահվում են և՛ կալանավորները, և՛ դատապարտյալները։Սամվել Կարապետյանի հետ տեսակցություններն արգելվել են. «Ժողովուրդ»
Sputnik Արմենիա
media@sputniknews.com
+74956456601
MIA „Rossiya Segodnya“
2025
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սամվել կարապետյան, տաթևիկ կարապետյան, գրառում, ինստագրամ, կալանք, հայ առաքելական եկեղեցի
սամվել կարապետյան, տաթևիկ կարապետյան, գրառում, ինստագրամ, կալանք, հայ առաքելական եկեղեցի
Մեր ընտանիքը լուրջ փորձության միջով է անցնում. Սամվել Կարապետյանի դստեր գրառումը
Տաթևիկ Կարապետյանը գրել է, որ հայրն իրենց միշտ սովորեցրել է սիրել հայրենիքը և հիշեցրել է սեփական արմատների մասին։
ԵՐԵՎԱՆ, 21 հունիսի – Sputnik. Մեր ընտանիքը լուրջ փորձության միջով է անցնում, սակայն դժվարություններն ավելի ուժեղ ու ամուր կդարձնեն մեզ։ Սամվել Կարապետյանի դուստրը` Տաթևիկը, հոր կալանավորումից հետո նման գրառում է արել «
Ինստագրամի» իր էջում` կից հրապարակելով լուսանկար, որտեղ ինքն ու հայրն են` շատ տարիներ առաջ։
«Նա միշտ հիշեցնում էր մեզ, թե ով ենք մենք, որտեղից ենք, և ինչ արժանապատվությամբ ու սիրով պետք է կրենք հայի մեր ազգային պատկանելությունը։ Հայրենի հողի հանդեպ այդ սերը մեզ համար դարձել է ոչ միայն դաստիարակության մի մաս, այլ մեր ներքին մշակույթի առանցքը: Ես հպարտ եմ ոչ միայն նրա ձեռքբերումներով, այլև նրանով, որ նա կարողացել է փոխանցել մեզ հայրենիքի հետ կենդանի կապի զգացումը ողջ կյանքի համար»,– գրել է Կարապետյանը։
Նրա խոսքով՝ ընտանիքը, որտեղ ինքը մեծացել է, ոչ միայն ընտանեկան կապերն են, այլև ամենօրյա աշխատանքը, փոխադարձ աջակցությունը և գիտակցված հավատարմությունը սեփական արմատներին:
«Մեզանից յուրաքանչյուրը անհատականություն է, բայց միասնության մեջ է մեր ուժը: Ուժը դրսևորվում է ոչ թե առանձին ժեստերի, այլ միասին լինելու ունակության մեջ, հատկապես, երբ դա իսկապես կարևոր է»,– գրել է Կարապետյանի դուստրը։
Հիշեցնենք` Սամվել Կարապետյանի տանը հունիսի 17-ին
խուզարկություն իրականացվեց այն բանից հետո, երբ նա հրապարակավ
աջակցություն հայտնեց Հայ առաքելական եկեղեցուն՝ ընդգծելով, որ մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա:
Նրա հայտարարությունից հետո ՀՀ վարչապետ Նիկոլ Փաշինյանը գործարարին ուղղված վիրավորական և սպառնալի գրառումներ արեց սոցցանցերում։
Ավելի ուշ ՔԿ–ն հայտնեց, որ 422-րդ հոդվածի 2-րդ մասով նախաձեռնվել է քրեական վարույթ այն կապակցությամբ, որ Սամվել Կարապետյանը զանգվածային լրատվության միջոցով հարցազրույց տալու ընթացքում հնչեցրել է իշխանությունը զավթելուն՝ ՀՀ սահմանադրությամբ չնախատեսված եղանակով ՀՀ կառավարության լիազորություններին տիրանալուն ուղղված հրապարակային կոչ:
Հունիսի 18-ին Սամվել Կարապետյանը
2 ամսով կալանավորվեց ու տեղափոխվեց «Արմավիր» ՔԿՀ, որտեղ պահվում են և՛ կալանավորները, և՛ դատապարտյալները։
