https://arm.sputniknews.ru/20250609/ekeghecin-miak-institutn-e-vor-hhi-shahery-nerkajacnum-e-mijazgajin-hartaknerum-ashvotjan-89907799.html

Եկեղեցին միակ ինստիտուտն է, որ ՀՀ–ի շահերը ներկայացնում է միջազգային հարթակներում. Աշոտյան

Եկեղեցին միակ ինստիտուտն է, որ ՀՀ–ի շահերը ներկայացնում է միջազգային հարթակներում. Աշոտյան

Sputnik Արմենիա

ՀՀԿ փոխնախագահը կոչ արեց բոլորին ոտքի կանգնել ի պաշտպանություն եկեղեցու։ 09.06.2025, Sputnik Արմենիա

2025-06-09T19:09+0400

2025-06-09T19:09+0400

2025-06-09T19:10+0400

հայաստանի հանրապետական կուսակցություն (հհկ)

արմեն աշոտյան

եկեղեցի

կուսակրոնություն

նիկոլ փաշինյան

հայ առաքելական եկեղեցի

https://cdn.am.sputniknews.ru/img/07e9/02/04/85446294_0:0:1600:900_1920x0_80_0_0_b8b21b9d54c60a08c291c567c0cf4880.jpg

ԵՐԵՎԱՆ, 9 հունիսի – Sputnik. Հայ եկեղեցու դեմ հարձակումն Ադրբեջանի կողմից պատվիրված է։ Այդ մասին այսօր ՀՀ հակակոռուպցիոն դատարանում նիստից հետո լրագրողների հետ զրույցում ասաց ՀՀԿ փոխնախագահ Արմեն Աշոտյանը։«Եկեղեցու դեմ հարձակումն Ադրբեջանի կողմից պատվիրված է, Ադրբեջանի հետ համակարգված է։ Նիկոլն (ՀՀ վարչապետ Նիկոլ Փաշինյանը–խմբ.) ուղղակի ընտրել է ամենաստոր տաբերակը` մտնել անկողին. առհասարակ հոգեբաններն ասում են` երբ մարդ մտնում է ուրիշի անկողին, երկու տարբերակներից մեկն է` կա՛մ ուզում է այդ անկողնում հայտնվել, կա՛մ սեփականը չունի։ Չգիտեմ` հիմա սա որ դեպքն է, սակայն բոլոր դեպքերում եկեղեցին այն միակ ինստիտուտն է, որ շարունակում է հայ ժողովրդի ու Հայաստանի շահերը ներկայացնել միջազգային հարթակներում, վեհափառն ու մյուս սրբազանները այդ գործողությունները իրականացնում են դրսում, ու Նիկոլը նաև այս հարվածն է հասցնում հայկական պայքարին»,– հայտարարեց Աշոտյանը։ՀՀԿ փոխնախագահը, դիմելով հանրությանը, խնդրեց` բոլոր նրանք, ովքեր իրենց կյանքում գոնե մեկ անգամ սրտաբուխ աղոթք են ասել եկեղեցում, ոտքի կանգնեն` ի պաշտպանություն եկեղեցու։Հիշեցնենք` ՀՀ վարչապետը մայիսի 29-ին կառավարության նիստի ժամանակ քննադատեց եկեղեցիների վիճակը՝ անվանելով դրանք «չուլանացված և աղբով լի»։ Փաշինյանի հայտարարությանն արձագանքեցին մի շարք հոգևորականներ` դատապարտելով նրա հայտարարությունը։Հունիսի 2–ին ՀՀ վարչապետը հայտարարեց` եթե պարզվի, որ Ամենայն հայոց կաթողիկոս Գարեգին Բ–ն իսկապես խախտել է կուսակրոնության ուխտը և զավակ ունի, նա չի կարող լինել Ամենայն հայոց կաթողիկոս։Փաշինյանն այսօր հերթական գրառումն էր կատարել Գարեգին Բ–ի վերաբերյալ՝ կրկնելով, թե նա խախտել է կուսակրոնության ուխտը և զավակ ունի։ Նրա խոսքով՝ Գարեգին Բ–ն այսպիսով չէր կարող լինել եպիսկոպոս, արքեպիսկոպոս ու ընտրվել կաթողիկոս։ Նա կոչ է արել «հավատավոր հետևորդներին» համախմբվել՝ վեհարանն ազատելու և նոր կաթողիկոս ընտրելու օրակարգի շուրջ։

2025

Լուրեր

am_HY

հայաստանի հանրապետական կուսակցություն (հհկ), արմեն աշոտյան, եկեղեցի, կուսակրոնություն, նիկոլ փաշինյան, հայ առաքելական եկեղեցի